HLAZY 63:9 - Mara Bible RV (BSI)

⁹ Ei hrona pahlei a chhuapazy deikua cha, Alei su ry chaipazy lâ ama zu aw.

HLAZY 63:9 ပူးပေါင်းရင်းမြစ်များ

ZAWBÂ 40:13

Ama zydua ta dohlei liata hmaohkha ta pabu la, Hmiasiah thei lei awpa ta alei ry liata ama hmia pahly ha mah y.

HLAZY 18:36

Ei phei chakâna su pakawh chi ta, Ei pheizy a chakhao beih vei.

HLAZY 35:26

Ei chhiena liata a lytuhpazy cha, Maophyuhpa nata hnabeidypa ta y ei sala, Nâ palai thlupazy cha, Hmiachhiena nata nohzaona ta tobipa châ mawh ei sy!

HLAZY 35:4

Ei hrona pahlei a chhuahpazy cha, Nozapa nata maophyuhpa ta y ei sala; Ei chô liata chhiena tao a chhuahpazy chhao, Kua ei sala hnabeidypa ta y mawh ei sy!

HLAZY 38:12

Ei hrona la a chhuahpazy ta khoheih na chôkhâh ei ta, Na pasasa a chhuahpazy ta raona bie reipa ta, Noh y ta haipa bie tao awpa ama pachâ tyh.

HLAZY 40:14

Ei hrona pahlei a chhuahpazy cha, Nozapa ta y ei sala, Hnabeidypa ta y mawh ei sy! Ei hmahphaona liata a lypazy cha, Nohzaopa ta kua mawh ei sy!

HLAZY 55:15

Ei chariahpazy chô liata thina vaw tlô sala, Ama hrohpa ta Athihkhih lâ sie mawh ei sy; Ama pahrâna su liata hmo pha leipa y ta, Ama palôh hmo pha leipa ta a bie.

HLAZY 55:23

Châhrasala Hy Khazohpa, Moleipazy cha leidiana khaohtlô liata pathla aw chi ta, Thisaih a palopa nata chyhsa a dôveipazy cha, Ama chhâ khophie chhao hroh aw veih ei. Kei deikua cha, nâ ei cha ngâ aw.

HLAZY 70:2

Ei hrona pahlei a chhuapazy cha, Nozapa nata noraihpa ta y ei sala, Ei hmahphaona liata a lypazy cha, Nohzaopa ta kua mawh ei sy!

HLAZY 86:13

Kyh eina pachâna chi he rônah ta, Athihkhih ry chaipa tawhta ei hro na pachha haw.

HLAZY 9:17

Moleipa cha Athihkhih lâ kua aw ta, Khazohpa a mypa phopi zydua chhao Athihkhih lâ ama kua hra aw.

HLAZY HLA 8:5

A lôhdupaw a vaw hnieh laihpa ta, Râhchawhpa tawhta â vypa hao ahy ma a châ tly? Epuh kô ry liata cha pahra na ta, Cha liata na nô cha na hnohta sawzeihpa ta y ta, Cha liata châ satuhpa cha sawzeihpa ta a y.

ISAI 14:15

Châhrasala Athihkhih lâ a chhipa châ chi ta, Khaohtlô chhâna lâ a chhipa na châ haw.

ISAI 14:19

Nâ deikua cha tho chiah raohpa ama thypa hawhta, Na thlâ tawhta lâhlapi lâta thypa na châ. Zaozi ta a chô pahliepa athihpazy cha poh ta a bu chi ta, Alô khaohtlô liata thypa na châ; Athihpa rizy ta ama phei ta ama cha tlypâ.

ISAI 14:9

Na tlô tita cha vaw dy awpa ta, Ry lâ Athihkhih ta a patohpatia ta; Châ naoh awpa ta, Lei beizy thlahpa zydua pahra ta, Râh to bei zydua cha, Ama beidyuchhai tawhta a pathyu ei.

HMOTAOPAZY 1:25

Ano cha Zudâh ta tleisaipa ta ano khopa lâ a siesai hapa, he chakaona rai nata lyuhchâpa su a thla awpa a châ,” tah ei ta.

1 SAMUELA 25:29

Nâma a chadai awpa nata na hrona pahlei awpa ta chyhsazy vaw thyu hra ei sala, ei zibeipa hrona cha, Abeipa na Khazohpa mohôhna ry liata, a hrohpazy hry liata pahlaopa châ aw ta, na chariahpazy hrona deikua cha, cheisiah ta siapa hawhta Abeipa ta âmo cha siah aw ta, ama leidia aw.

1 SAMUELA 28:19

Cha dei châ vei, Izarei chhao, nâma chhao, Abeipa ta Philistinâ mo ku liata a cha hlâ aw ei. Mylâ cha nâma nata na sawchapawzy ei hnohta nama y ha aw. Izarei pheisaihzy chhao Abeipa ta Philistinâ mo ku liata a pie aw,” tah ta.