HLAZY 63:1 - Mara Bible RV (BSI)

¹ Hy Khazohpa, nâ cha ei Khazohpa châ chi ta, Hmeiseihta ta ei cha tlua; Ti y leina râh raohpa nata riethei thachhâna râh liata, Nâma vâpa ta ei hro dâhphi ta, Nâma vâpa ta ei sapa a panao.

HLAZY 63:1 ပူးပေါင်းရင်းမြစ်များ

2 SAMUELA 15:28

Bie eina vaw pahnosa hlâlei chi cha, râhchawhpa chavahzy liata ei vaw hâ chy aw,” tah ta.

1 THÂTIHZYRONA 16:14

Ano cha Abeipa eima Khazohpa châ ta, A ryureina alei chô zydua liata a y.

ZAWBÂ 8:5

Khazohpa tluapa ta, Atotaotheipa hnohta zawngiahna a haw la,

HLAZY 118:28

Hy Abeipa, nâ cha ei Khazohpa châ chi ta, Alyna bie ei cha hlâ aw; Ei Khazohpa châ chi ta, Ei cha palyupalih aw.

HLAZY 119:81

Ei thlahpa ta na pachhana vâ ta, Na bie liata ei hnabeiseihna a y.

HLAZY 143:10

Ei Khazohpa na châpa vâta, Na khopa tao awpa ta na pachu mah y! Na Thlahpa phapa ta, Lâpi patlâpa liata nâ chhi mawh sy!

HLAZY 143:6

Ei kuzy nâ lâta pazawh tyh na ta, Ei thlahpa cha nâma vâpa ta alei hipa hawhta a dâh a phi tyh. Selah

HLAZY 31:14

Châhrasala Hy Abeipa, nâma cha ngâ na ta, “Ei Khazohpa na châ,” ei tah.

HLAZY 42:11

Hy ei thlahpa, khazia a khu chi ta, Khazia ei chhôh liata a tymâpa ta na y? Khazohpa hnabeiseih mah y. Ano cha reithai heih aw na ta, Ei pachhana nata ei Khazohpa cha ei reithai aw.

HLAZY 5:3

Hy Abeipa, my ta ei ao thei mah y, My ta nâma lâ thlahchhâ na ta, ei cha hâ.

HLAZY 78:34

A thie nah ei ta ano cha pado ei ta, Ropa ta Khazohpa ama tlua heih tyh.

HLAZY 84:2

Ei hro ta Abeipa dôhpachhôh tlyhmiazy vâ ngaita ta, A panao khai haw; Ei palôh nata ei sapa zy ta, Kha­zohpa hrohpa lâ alyna hla ama sa.

HLAZY 91:2

Abeipa hnohta, “Ei chhaina nata ei thokhy châ chi ta, Ei ngâpa ei Khazohpa na châ,” ei tah awh.

PUASAINA 15:2

Abeipa cha ei thatlôna nata ei hla châ ta, Ano cha ei pachhana a vaw châ haw; Ei Khazohpa châ ta, Ano cha ei reithai aw; Nâ pathlatuhpa Khazohpa châ ta, Ei palyupalih aw.

PUASAINA 17:3

Zawpizy cha ama dâhphi ngaita ta, Mawsi chô liata paphôh ei ta, a hnohta, “Khazia keimo nata eima sawzy nata eima sahrohzy he dâhphipa ta miah thie awpa ta Izi râh tawhta miah nâ kaw chhi papua?” tah ei ta.

BIESOZY 8:17

Kyh nâ pachâtuhpazy cha ama kyh pachâ na ta, Palôh hmeiseihpa ta nâ tluapazy ta eina hmô ei.

HLAZY HLA 5:8

Hy Zerusale zuahzy saih u, Bie ei cha pataihsa ei; Ei lôhdupaw kha nama hmô khiahta cha, Vâiana vâta na a pasa tahpa na vaw chhopa muh vy.

ISAI 32:2

Thlih tawhta anyuna su châ chyu aw ei ta, Chothyu tawhta anyuna su ama châ aw. Su chawhpa liata vahtie tizy hawhta châ aw ei ta, Râh rietheipa liata lôpanô nohpahli hawhta ama châ aw.

ISAI 35:7

Sadi sahpa su cha tipo lâta a lie awh ta, Chhaohlei chawhkaraipa su chhao, Tihnawhzy yna lâta â lie aw. Savaizy tlaihna liata amâ byu tyhna suzy liata, Sibiepa nata lohthi zy pyuh aw ei ta, Maitanô zy ama pyuh aw.

ISAI 41:18

Awphy tlâh sâhpazy liata chavahzy palosa aw na ta, Saikao liah khophiezy liata tihnawhzy ei paysa aw. Râhchawhpa cha tipo ta tao aw na ta, Râh raohpa chhao tikhaohzy ta ei tao aw.

ZEREMIAH 31:1

“Cha daihti liata, kei he Izarei pho zydua châta Khazohpa cha aw na ta, âmo cha ei phopi ama châ aw,” Abeipa ta a tah.

ZEREMIAH 31:33

“Cha nohzy hnôhlâ ta Izarei pathlazy hnohta biehrai ei tao awpa cha, he he a châ,” Abeipa ta a tah. “Ama chhôh liata ei ryhpa bie soh aw na ta, ama palôh liata ei roh ha aw. Kei ama Khazohpa châ aw na ta, âmo cha ei phopi ama châ aw.

HÔSIA 5:15

Ama thaileichâna a pahnopa ta, Ei hmia ama tlua hlâlei cha, Ei pahrâna su lâ ei kua chy aw; Chtanachata ama riethei pasataona vâta, Eina tlua hmeiseih bâ aw ei.

ZEKARIA 13:9

A su thôhna cha mei ta ei pasia aw ei; Tâkâ pathaisapa hawhta pathaisa aw ei na ta, Ngôh pasiapa hawhta ei pasia aw ei. Ei moh pado aw ei ta, Ei chhy aw ei. Kei ta, ‘Ei phopi ama châ,’ tah aw na ta, Âmo ta, ‘Abeipa cha eima Khazohpa a châ,’ ama tah aw,” Abeipa ta a tah.

MATHAI 12:43

“Thlahpa puapa cha chyhsa tawhta a pua nahta, apahâna su tluapa ta ti y leina suzy chahryh ta, châhrasala hmô leipa ta.

MATHAI 6:33

Khazohpa khinarâh nata a siana tlua tua u la, cha hmo zydua cha baichhapa nama châ aw.

ZAWHÂNA 20:17

Zisu ta a hnohta, “Na patu khah y, Paw lâ kiah mâh va na. Ei unawhzy lâ vawh la, ama hnohta, ‘Ei Paw nata nama Paw, ei Khazohpa nata nama Khazohpa lâ ei kiah aw,’ a tah na tahpa ta kei chho mah y,” tah ta.

ZAWHÂNA 7:37

Kyhchhi chhâna noh, noh rônahpa liata, Zisu cha a duah ta, ao paro ngaitapa ta awh ta, “Ahy rai a dâh a phi khiahta cha, kei lâ a vy sala doh mawh sy.

1 SAMUELA 22:5

Chatawhcha hrohsopa Kâdâ ta Dâvi hnohta, “Thokhy chhôh liata y ngâ thlâh ha leipa la, pua la, Zudâh râh lâ sie teh,” tah ta. Dâvi cha pua ta, Heretâ râhmâhpa liata a ngia ta.