HLAZY 62:9 - Mara Bible RV (BSI)

⁹ Mochyhpazy cha ei kha husopa hawh dei châ ei ta, Molaipazy chhao dôveina deita a châ; Khopathliahna liata a hua syulyu ha ei ta, Ama pano ta ei kha husopa hlâta amâ hua via.

HLAZY 62:9 ပူးပေါင်းရင်းမြစ်များ

2 SAMUELA 15:31

Chyhsa pakha ta Dâvi hnohta, “Ahitôphe cha Absalaw hnohta y ta, teiparutuhpazy hry liata â hlao hra,” tahpa ta chho ei ta. Dâvi ta, “Hy Abeipa, ei châ haw na, Ahitôphe ryhraokheina cha hruna lâta rie pachâsa mah y,” tah ta.

2 SAMUELA 15:6

Cha hawhna chata Absalaw ta abei hnohta biepeipa a vaw tlôkheipa Izarei saw zydua chô liata tao tyh ta. Chatanachata Absalaw ta Izarei chyhsazy palôh cha ano lâta sy lymâ ta.

2 ABEIZY 19:14

Hezekia ta lyuhchâpazy vaw phaopa châ cha hmô ta, reih ta. Hezekia cha Abeipa o lâ khy ta, châ cha Abeipa hmiakô liata pakai ta.

HLAZY 116:11

Chipa ta y na ta, “Chyhsapa zydua a haihpa sai ama châ,” Ei vaw tah thlâh ha cha.

HLAZY 118:9

Beimachâzy ngâpa hlâta, Abeipa a chhaipa a pha via.

HLAZY 142:3

Keima liata ei thlahpa a panao nota, Ei lâpi na pahno. Ei siena lâpi liata, Khoheih eina chôkhâh tyh ei.

HLAZY 39:11

Chyhsapa cha a moleina vâta chhorei chi ta, A kho chaipa hmo chhao chhoma-u hawhta na niepa tyh. Chyhsa zydua he ei kha husopa hawh dei ama vaw châ tlai he! Selah

HLAZY 39:5

Ei hro nohzy he pazah tie deita ta tao chi ta, Na hmiakô liata la ei hro chhôh kôzy he khazie hmah châ vei. Chyhsapa hrona he la, Ei kha husopa hawh dei na a vaw châ. Selah

HLAZY 46:2

Chavâta leilô he a vaw nanopa ta, Tlâhzy tilaipi chhôh lâ a pasie hra sala, Chi aw ma pi.

HLAZY 71:7

Chyhsa hluhpi châta ngiana châ na ta, Châhrasala nâ cha ei chhaina thatlôpa na châ.

ISAI 26:4

“Abeipa cha chhâzaw ta ngâ teh u, Abeipa, Abeipa tlai he, Chhâzaw lôpanô cha a châ hih.

ISAI 40:15

Pachâ tua u, phopizy cha tibyh liata ti di kha hawh dei châ ei ta, Khopathliahna liata doh chyhta a baipa hawh dei pachâpa ama châ. Pachâ tua u, Abeipa cha liahpahlôzy chhao, Hmo chyhpata hawhta a chalo thlâh hapa a châ.

ISAI 40:17

Ano hmiakô liata la, Râh zydua he khâpa hmah a châ leipa hawhta châ ei ta, Ano pachâ ta la, Khâpa hmah a châ leipa hlâ chhao ta, Chyh viapa nata aruapa hawhta pachâpa ama châ.

DÂNIAH 5:27

TEKEL, khopathliahpa châ chi ta, tloh khao va chi.

MATHAI 21:9

A hmia lâta a siepa nata a hnôh lâta a pazipa zawpizy ta, “Dâvi Sawchapawpa hnohta Haozanâ! Abeipa moh ta a vypa cha reithaipa ta y mawh sy! Chônôchaipa liata Haozanâ y mawh sy!” tahpa ta awh ei ta.

ZAWHÂNA 19:15

Âmo ta, “Pahleipadia teh, pahleipadia teh, khaipâ teh!” tahpa ta awh ei ta. Pilâ ta ama hnohta, “Nama Beipa he ei khaipâ aw ma?” tah ta. Theihthai beizy ta a chhy ei ta, “Kaisarâ leipa ta bei hropa hnei ma pi,” tah ei ta.

RAWMA 3:4

Châ bao va! Chyhsa zydua a haihpa châ hra ei sala, Khazohpa cha adopa a châ, Biehrai liata, “Na bie ta thai châ la, Pachiapa ta na y tita, Pahniena to mah y,” tahpa ta ropa hawhna khata.

1 SAMUELA 1:15

Hânâ ta, “Ei zibeipa y, pari va na, a thlahpa nô a popa chanô na ei châ. Kresawhti tlyma, sahma tlyma doh va na, Abeipa hmiakô liata ei hro ei palâhâhpa tlao a châ.

1 SAMUELA 18:5

Sawla ta a tuana lâ maih Dâvi cha sie ta, a hlao a tloh lymâ tyh. Chavâta Sawla ta Dâvi cha pheisaih hyutuhpa ta tao ta. Cha cha chyhsa zydua pachâna liata nata Sawla chakaotuhpazy pachâna liata chhao pha tah ngaita ei ta.

1 SAMUELA 18:7

Chanôzy ta lâna chôta hla ta a palie raihrie ei ta, “Sawla ta a sâh sâh ta thie ta, Dâvi ta a thy thy ta a thie,” tah ei ta.

1 SAMUELA 23:12

Dâvi ta, “Keilâ khihsawzy ta kei nata ei chyhsazy he Sawla ku liata miah ama hlâ aw ma?” tah ta. Abeipa ta, “Ama cha hlâ aw,” tah ta.