HLAZY 62:8 - Mara Bible RV (BSI)

⁸ Hy chyhsazy saih u, ano cha khâ ngâ u la, A hmiakô liata nama palôh pakeichheih muh vy; Khazohpa cha eimâ chhaina a châ. Selah

HLAZY 62:8 ပူးပေါင်းရင်းမြစ်များ

ZAWBÂ 13:15

Eina thie hapa chhao ta, Ano liata hnabeiseihna hnei aw na ta, A hmiakô liata ei thâtih ei duakhei pyly aw.

HLAZY 102:1

Hy Abeipa, ei thlahchhâna he thei la, Ei awna ao nâ lâ vaw tlô mawh sy!

HLAZY 142:2

A hmiakô liata ei nôuna bie reih na ta, A hmiakô liata ei nôpona ei chho.

HLAZY 18:2

Abeipa cha ei lôpanô, ei thokhy nata nâ pachhatuhpa châ ta, Ano cha ei Khazohpa, ei chhaipa lôpanô châ ta, Ei vyhphao, ei pachhana ki nata ei diahsua a châ.

HLAZY 3:4

A paropa ta Abeipa aw na ta, A tlâh pathaihpa tawhta einâ vaw chhy. Selah

HLAZY 37:3

Abeipa cha ngâ la, Hmo pha tao mah y; He râh liata pahrâ la, Ngâchhihna zi lymâ mah y.

HLAZY 42:4

Ei hro ei palâhâh nahta, He hmozy he ei thei tyh: Zasâh manôhzy hnohta sie hrapa ta, Khazohpa o lâ a pangaipazy chhihtha tyh ei na ta; Thaphapa ta awh ta alyna bie reina chôta, Kyhchhi a hmâhpazy ei chhihtha tyh ei.

HLAZY 46:11

Pheisaihzy Abeipa eima hnohta y ta, Zakaw Khazohpa cha eimâ bohna thokhy a châ. Selah

HLAZY 46:2

Chavâta leilô he a vaw nanopa ta, Tlâhzy tilaipi chhôh lâ a pasie hra sala, Chi aw ma pi.

HLAZY 71:7

Chyhsa hluhpi châta ngiana châ na ta, Châhrasala nâ cha ei chhaina thatlôpa na châ.

HLAZY 91:2

Abeipa hnohta, “Ei chhaina nata ei thokhy châ chi ta, Ei ngâpa ei Khazohpa na châ,” ei tah awh.

HLAZY 94:22

Châhrasala Abeipa cha ei thokhy châ ta, Ei Khazohpa cha ei chhaina lôpanô a châ.

BIESOZY 14:26

Abeipa a chipa chyhsa cha a riahpha ta, A sawzy ta a chhai awpa ama hnei.

ISAI 26:16

Hy Abeipa, ama nôpo nota cha pado ei ta, Na chhoreina ama chô liata a tla tita, Arulâta thlah ama chhâ tyh.

ISAI 26:4

“Abeipa cha chhâzaw ta ngâ teh u, Abeipa, Abeipa tlai he, Chhâzaw lôpanô cha a châ hih.

ISAI 50:10

Nama hry liata ahy ei Abeipa cha chi ta, A chakaotuhpa bie a zyh tly? Zohna liata chareipa ta Khaihna rai a hnei leipa chyhsa chata, Abeipa moh cha ngâ sala, A Khazohpa cha a ngâchhâ mawh sy.

CHAPHÔHTUNA 2:19

Thyu la, zâ ta awh la, Zâ vaina athaona maihta awh tyh mah y! Abeipa ypâna hmiakô liata, Na palôh ti hawhta patlai mah y! Khiliah su to liata nodipa ta a panaopa na sawzy châta, Ano lâ na ku pazawh mah y!

PHILIPI 4:6

Khâpa liata hmah nôpopa ta y leipa u la, ato liata thlahchhâpa nata hiapa ta alyna bie reih u la, nama khopazy cha Khazohpa hnohta pahnosa teh u.

HEBRAI 6:18

Chatanachata hmo anano beih leipa miano vâta, haipa bie rei awpa cha Khazohpa châta hmo thei leipa châ ta, a boh awpa ta ano lâ a râpazy pi heta eima hmiakô liata hnabeiseihna sopa cha thlalôhpa ta eima hnei thei aw.

1 ZAWHÂNA 2:28

Chavâta sawzy saih u, ano liata y thlâh ha muh vy. Chatanachata â vaw luah tita hnangâhpa ta y aw pi ta, â vy tita a hmiakô liata noza leipa ta eima y thei aw.

1 SAMUELA 1:15

Hânâ ta, “Ei zibeipa y, pari va na, a thlahpa nô a popa chanô na ei châ. Kresawhti tlyma, sahma tlyma doh va na, Abeipa hmiakô liata ei hro ei palâhâhpa tlao a châ.