HLAZY 62:7 - Mara Bible RV (BSI)

⁷ Khazohpa liata ei pachhana nata ei rônahna a pahnie ta, Khazohpa cha ei thatlôna lôpanô nata ei bohna a châ.

HLAZY 62:7 ပူးပေါင်းရင်းမြစ်များ

HLAZY 125:1

Abeipa a ngâtuhpazy cha Zaio Tlâh pasie thei rimâ leipa, Chhâzaw ta a y thlâh hapa hawhta ama châ.

HLAZY 16:8

Abeipa cha khâ hmia pasah na ta, Ei ku chachâh lâta a ypa vâta, A chalyu aw va na.

HLAZY 18:2

Abeipa cha ei lôpanô, ei thokhy nata nâ pachhatuhpa châ ta, Ano cha ei Khazohpa, ei chhaipa lôpanô châ ta, Ei vyhphao, ei pachhana ki nata ei diahsua a châ.

HLAZY 18:46

Abeipa cha hroh ta, Ei lôpanô cha reithaipa ta y sala, Ei pachhana Khazohpa cha palyupalihpa ta y mawh sy.

HLAZY 3:3

Châhrasala Hy Abeipa, Nâ cha ei vyhphao châ chi ta, Ei rônahna nata ei luh nâ chalotuhpa na châ.

HLAZY 4:2

Hy chyhsazy saih u, Khati taih ma ei zachhihna he nozana ta tao aw ei chi ta, Khachâ ma hraoleipa biezy tlaichhaipa ta, Haipa biezy nama tlua aw tly? Selah

HLAZY 46:1

Khazohpa cha eimâ bohna nata thatlôna châ ta, Nôpona daihti liata baotuhpa a hnia thlâh hapa a châ.

HLAZY 85:9

Eima râh liata rônahna a pahrâ thei nawpa ta, A pachhana ta ano a chituhpazy â vaw hnia.

HLAZY 94:22

Châhrasala Abeipa cha ei thokhy châ ta, Ei Khazohpa cha ei chhaina lôpanô a châ.

HLAZY 95:1

A vy u la, Abeipa lâ hla sa ei sih la, Eima pachhana lôpanô lâ thaphapa ta awh ei suh u!

ISAI 26:4

“Abeipa cha chhâzaw ta ngâ teh u, Abeipa, Abeipa tlai he, Chhâzaw lôpanô cha a châ hih.

ISAI 33:16

Cha chyhsa tlai cha su sâhpa liata a pahrâ aw. Â chhaina su cha lôpanô thokhyzy châ aw ta, A nie awpa piepa a châ aw; Ti a do awpa chhao chie aw vei.

ISAI 45:25

Izarei chipathla zydua deikua cha, Abeipa liata thai pachâsapa châ aw ei ta, Rônahpa ta ama y aw.’”

ZEREMIAH 3:23

Hmeiseih ta la tlâhthlôhzy he dôveina dei châ ei ta, Tlâhpizy chô liata pyu paropazy chhao dôveina dei ama châ. Hmeiseihta ta la, Izarei pachhana cha, Abeipa eima Khazohpa lia deita ta a y.

KALATIA 6:14

Kei deikua la, eima Beipa Zisu Krista kraws dei leipa ta cha, a palaikhei awpa hropa hnei va na. Cha kraws liata khizaw he kei châta khaipâpa ta y ta, kei chhao khizaw châta khaipâpa ta ei y.