HLAZY 61:2 - Mara Bible RV (BSI)

² Ei palôh chhâ daihti liata, Alei chhâna tawhta cha pado na ta, Kei hlâta a sâh viapa lôpanô lâ nâ chhi mah y.

HLAZY 61:2 ပူးပေါင်းရင်းမြစ်များ

HLAZY 142:3

Keima liata ei thlahpa a panao nota, Ei lâpi na pahno. Ei siena lâpi liata, Khoheih eina chôkhâh tyh ei.

HLAZY 143:4

Chavâta ei thlahpa kei liata panao ta, Ei palôh kei liata ngiarohna ta a bie.

HLAZY 17:1

Hy Abeipa, adona bie thei la, Ei cha awna he nathlie mah y! Dôveina a y leipa ei hmao tawhta thlahchhâna lâ Na nah pachôh mah y!

HLAZY 18:2

Abeipa cha ei lôpanô, ei thokhy nata nâ pachhatuhpa châ ta, Ano cha ei Khazohpa, ei chhaipa lôpanô châ ta, Ei vyhphao, ei pachhana ki nata ei diahsua a châ.

HLAZY 18:46

Abeipa cha hroh ta, Ei lôpanô cha reithaipa ta y sala, Ei pachhana Khazohpa cha palyupalihpa ta y mawh sy.

HLAZY 27:5

Nôpona noh liata a o liata na nyu aw ta, A poh o ta na chhôhkhâhpa ta, Lôpanô chô liata eina patyu aw.

HLAZY 40:2

Leidiana khaohtlô tawhta na thaoh ta, Chiatlao kiapa tawhta na thaopa ta, Ei pheizy lôpanô chô liata soh ta, Ei lâsie a pabohsa.

HLAZY 42:6

Ei khazohpa cha ei reithai heih aw. Ei thlahpa cha ei chhôh liata a khu thlâh ha ta, Chavâta nâ ei châ thei kaw dia! Zawdâh nata Hâmaw râh tawhta châ thei na ta, Mizari Tlâh tawhta ei châ thei.

HLAZY 43:5

Hy ei thlahpa, khazia a khu chi ta, Khazia ei chhôh liata a tymâpa ta na y? Khazohpa hnabeiseih mah y. Ano cha reithai heih aw na ta, Ei pachhana nata ei Khazohpa cha ei reithai aw.

HLAZY 55:5

China nata achalyuna ta na patu ta, Thlazohna ta eina chanaoh.

HLAZY 62:2

Ano deita cha ei lôpanô nata ei pachhana châ ta, Ei thokhy châ ta, A chalyu beih aw va na.

HLAZY 62:6

Ano deita cha ei lôpanô nata ei pachhana châ ta, Ei thokhy châ ta, a chalyu beih aw va na.

HLAZY 77:3

Khazohpa ei thei châh ta, A hrô na ta; Ei pachâ châh ta, Ei thlahpa tha a chhâ tyh. Selah

ISAI 32:2

Thlih tawhta anyuna su châ chyu aw ei ta, Chothyu tawhta anyuna su ama châ aw. Su chawhpa liata vahtie tizy hawhta châ aw ei ta, Râh rietheipa liata lôpanô nohpahli hawhta ama châ aw.

ISAI 54:11

“Hy nâ, pasa pataosapa ta y chi ta, Thlihpawpa ta cha pathluah ta, Thlapalôh leipa ta a ypa khihpi y, Pachâ teh, lôsôhpazy ta cha paduapathi aw na ta, Saphai lôsôhpazy hmâpa ta, Nâ bôna lôzy ei bô aw.

LUKA 22:44

A pachârôh ngaita ta, phahnai a ngiah via heihpa ta thlahchhâ ta. A mathlai di thisaih hawhta alei liata tla ta.

RYHPACHANEINA 4:29

Châhrasala cha tawhna chata Abeipa nama Khazohpa cha tlua u la, nama pathipalôh tlokhuh ta nata nama thlahpa tlokhuh ta nama tlua khiahta cha, nama hmô heih aw.