HLAZY 6:6 - Mara Bible RV (BSI)

⁶ Ei hrôna ta ei thachhâ ta, Zâ chareih ei rakhô liata mothlih tipaua tlô ta, Ei khôpheih chana mothlih ta ei padâ khai ha tyh.

HLAZY 6:6 ပူးပေါင်းရင်းမြစ်များ

ZAWBÂ 10:1

“Ei hro he eina ai ngaita; Thata paphôh aw na ta, Ei palôh pasana ei reih tua aw.

ZAWBÂ 16:20

Ei viasazy ta na zakhei ei ta, Ei mozy ta Khazohpa lâ mothlih ama pathla.

ZAWBÂ 23:2

“Tanoh chhao he palôh pasa ngaitapa ta ei paphôh heih aw, Thata a hrô na ta ei bâh ei pathliah ha bâ hih.

ZAWBÂ 7:3

Hraoleipa ta thla hluhpi hmâh na ta, Zâ pachârôhnazy cha ei tovyuh a châ.

HLAZY 115:17

Athipazy ta Abeipa cha reithai leipa ei ta, Sidiana lâ a sie hapazy ta Abeipa cha reithai veih ei.

HLAZY 30:10

Hy Abeipa, na thei la, zawh nâ ngiah la, Hy Abeipa, nâ baotuhpa châ mah y!

HLAZY 38:9

Hy Abeipa, ei khopa hmo cha na hmiakô liata y ta, Ei hrôna chhao he nâma tawhta nyupa châ vei.

HLAZY 39:12

“Hy Abeipa, ei thlahchhâna theipa ta, Ei awhna lâ he nah vaw pachôh la, Ei mothlihzy he a chalihsai khah y! Na hnohta khitlyhpa châ na ta, Nâ pathlatuhpazy hawhna khata, Khichhaipa dei ei châ hih.

HLAZY 42:3

Chyhsazy ta noh y ta, “Na Khazohpa cha khataih liata a y haw?” na tah ei ta; Ei mothlihzy he chhô nah zâ ta ei pati a châ bâ.

HLAZY 69:3

Ei awna ta ei thachhâ ta, Ei rao chhao hi khai ha ta, Ei Khazohpa ei hâna ta ei mo a zoh khai haw.

HLAZY 88:11

Na kyhpachâna tleih leipa thlâ liata phuah ei ta, Na ngâchhihna Chhokhih liata ama phuah tyh ma?

HLAZY 88:9

Pachâchhiena vâta ei mo zoh khai ha ta, Hy Abeipa, noh chareih ta cha pado na ta, Nâ lâta ei kuzy ei vaw pazawh.

ISAI 38:18

Chavâta Athihkhih ta cha reithai thei leipa ta, Thina ta cha palyupalih thei vei. Khaohtlô lâ a zupazy ta cha, Na ngâchhihna hnabeiseih thei veih ei.

ZEREMIAH 14:17

“Ama hnohta he bie he na reih awpa a châ: ‘A chhô zâ ta ei mothlih loh sala, Hi beih khah sy. Ei phopi zuah laihsa kôpa cha thata tupa châ ta, Hmah laipa a phaoh ha hih.

CHAPHÔHTUNA 1:16

“Hezy vâna heta cha na ta, Ei mothlih ti hawhta a loh; Thlapalôhtuhpa hra cha nâ hla ha ta, Ei hro tha nâ patlô awpa y khao veih ei; Chariahpa ta pahniena to ha ta, Ei sawzy roryhrapa ta ama y.”

CHAPHÔHTUNA 1:2

Vâsâhpa ta zâ ta cha ta, A baih liata mothlih hi vei; A khopaw zydua hry tawhna khata, A thlah a palôh awpa hnei khao vei; A viasazy ta a paphasai ei ta, A chariahpa lâta amâ lie khai haw.

CHAPHÔHTUNA 2:11

Ei chana ta ei mo zoh ha ta, Ei pavyhpi thata â tlao; Ei phopi sawchanô leidiana vâta, Ei hmôkhaw alei liata a sa ta; Hawsaih nata sâhpi a ngiehpazy khiliah liata panaona vâta, Ei hmôkhaw alei liata â sa.

LUKA 7:38

Mothlih chhaota a hnôh lâta a phei thaby liata a duah ta, chanô mothlih ta Zisu phei cha padâ khai ha ta. A mothlih cha a sâ ta hru ta, Zisu phei cha a pahnâ ta, sathaw ropahâhpa ta a pheizy cha thu ta.