HLAZY 59:13 - Mara Bible RV (BSI)

¹³ Âmo cha na pathiiana ta kâsao khai sala, Khazohpa cha Zakaw pathlazy chô liata ryureih ta, Khizaw kaokih taihta ryu a reih tahpa pahno mawh ei sy. Selah

HLAZY 59:13 ပူးပေါင်းရင်းမြစ်များ

2 ABEIZY 19:19

Chavâta Hy Abeipa eima Khazohpa y, nâma deita he Zehôvâh Khazohpa cha na châ tahpa alei chô liata khinarâh zydua ta ama pahno thei nawpa ta, ngiachhiepa ta Senâkeri ku tawhtapa he miah pachha tlai mah y,” tah ta.

HLAZY 10:7

A pakah cha chhiesana, dôveina nata tlybaina zy ta bie ta, A paleih ry cha chhoruna nata paraona zy ta a bie.

HLAZY 104:35

Moleipazy cha alei tawhta pahleipadiapa châ ei sala, Hmoparaopazy cha y khao khah ei sy! Hy ei thlahpa, Abeipa cha reithai mah y! Abeipa cha reithai teh u!

HLAZY 109:17

Chhiesa pahâsa ta, Chhiesanazy a chô liata vaw tlô sala; Byhnâ awna liata â ly leipa vâta, Byhnâ cha ano tawhta â hlapi ta y mawh sy!

HLAZY 59:11

Âmo cha thie hlei khah y, Chataleipatala ei phopi ta a my pathlei aw na; Hy Abeipa, eima vyhphao, Na hmotaotheina ta âmo cha paviavisa la, Panawh hri mah y!

HLAZY 64:9

Chatanachata chyhsa zydua ta chipa ta, Khazohpa raihria phuah aw ei ta, A hmotaopazy ama pachâ aw.

HLAZY 7:9

Hy Khazoh siapa, Hmoparaopazy moleina pachhâsa la, Mosiapazy padua mah y; Nâ cha pachâna nata palôhzy pasiatuhpa châ tlôh chi ta.

HLAZY 83:18

Nâ deita he Zehôvâh moh a phaohpa châ chi ta, Khizaw zydua liata Chônôchaipa na châ tahpa ama pahno aw.

BIESOZY 12:13

Moleipa cha ano hmao paraona liata a ao ta, Mosiapa deikua cha tymâna a khôkhâh tyh.

ISAI 54:5

Châ Taotuhpa cha na vahpa châ ta, A moh Pheisaihzy Abeipa a châ; Châ Chatlaituhpa chhao Izarei Mo Pathaihpa châ ta, ‘Khizaw zydua Khazohpa,’ Tahpa ta awpa a châ.

EZEKIA 38:23

Cha hawhna chata ei rônahzie nata ei pathaihzie palâsa aw na ta, phopi hluhpi mohmô liata keimasasyh ta ei pahnosa aw. Chatanachata kei he Abeipa ei châ tahpa ama pahno aw.”

EZEKIA 39:7

“Ei phopi Izarei hry liata ei moh pathaihpa palâsa aw na ta, ei moh pathaihpa papuapalei heih awpa pasaih khao aw va na. Chatanachata phopizy ta kei he Abeipa, Izarei Mo Pathaihpa ei châ tahpa ama pahno aw.

DÂNIAH 4:25

Chyhsa hry tawhtapa papuapa ta y aw chi ta, na pahrâna cha râhsazy hry liata a châ aw. Viahchao hawhta sibiepa pabâsapa châ aw chi ta, avâ diati ta padâpa na châ aw. Chônôchaipa ta chyhsa khinarâhzy chô liata ryureih ta, a pie khohpa hnohta khinarâh a pie tyh, tahpa na pahno hlâlei cha na châta daihti mia sari a khô aw.

MALUHREINA 32:13

Abeipa cha Izarei chô liata a pathi ia ta, chavâta Abeipa mohmô ta hmo pha leipa a taotuhpa chhâ zydua ama leidia khai hlâlei, râhchawhpa liata kô sypalih chhôh a paviavisa ei.