HLAZY 55:7 - Mara Bible RV (BSI)

⁷ A châ na, lâhlapi lâ a zaw syulyu ha aw na ta, Râhchawhpa liata ei y ha awpa tlai! Selah

HLAZY 55:7 ပူးပေါင်းရင်းမြစ်များ

2 SAMUELA 15:14

Chatawhcha Dâvi ta a hnohta Zerusale liata a ypa a chakaotuhpa zydua hnohta, “Thyu u la, a râ ei suh u, chataleipatala Absalaw tawhta ahy hmahta a boh aw ma pi. Pua para teh u, chataleipatala thlai ta miah vaw pha aw ta, eima chô liata chhiena patlôsa aw ta, zaozi ta khihpi he â vaw dyuh pathlei aw na,” tah ta.

ZEREMIAH 37:12

Zeremiah cha Benzami chi hry liata a ryuto râh a la awpa ta, Zerusale puasaipa ta Benzami râh lâ sie ta.

ZEREMIAH 9:1

Ei luh he ti châ sala, Ei mo he mothlih hnawh châ mawh sala, Ei phopi zuah ama thiepazy châta, Chhô nah zâ ta ei cha awpa tlai!

ZEREMIAH 9:2

Râhchawhpa liata khichhai riebu ei hnei mawh sala, Ei phopi he siesaipa ta, Âmo tawhta ei pua syulyu ha awpa tlai! Ama zydua ta apheipazy châ ei ta, Haiphiahpa ypakhypa ama châ.

1 SAMUELA 27:1

Dâvi ta a palôh liata, “Khati ta ma cha Sawla ku liata ei leidia ualua aw hih. Philistinâ râh lâ a râpa hlâta a pha viapa y thlyu aw vei. Sawla ta Izarei râh liata eina tluapa he a hnabeidy daihti tlô aw ta, chatanachata a ku tawhta ei boh ha aw,” tah ta.