HLAZY 55:10 - Mara Bible RV (BSI)

¹⁰ Chhô nah zâ ta khihpi cha a thokhy chô liata chahlô ei ta, Khihpi chhôh cha moleina nata tymâna ta a bie.

HLAZY 55:10 ပူးပေါင်းရင်းမြစ်များ

2 SAMUELA 15:31

Chyhsa pakha ta Dâvi hnohta, “Ahitôphe cha Absalaw hnohta y ta, teiparutuhpazy hry liata â hlao hra,” tahpa ta chho ei ta. Dâvi ta, “Hy Abeipa, ei châ haw na, Ahitôphe ryhraokheina cha hruna lâta rie pachâsa mah y,” tah ta.

HLAZY 58:3

Moleipazy cha chhi tawhta nomâpa châ ei ta, Ama pipa nahta lâpi paviapa ta, Haipa biezy ama reih lymâ.

HLAZY 59:6

Zâlâ maihta a vaw lie ei ta, Izy hawhta ngapa ta, Khihpi ama chahlô tyh.

EZEKIA 9:4

Abeipa ta a hnohta, “Zerusale khihpi chahryh la, khihpi chhôh liata hmo pasichhihpa taopazy vâta a hrôpa nata a rôhpazy chyhsazy khi liata ngiana tao mah y,” tah ta.

HÔSIA 7:6

Lômathu hawhta ama pathi sah ta, Arulâta amâ byh; Azozâkhihdei ama pathi a pa-ih ta, My ta meipaleih hawhta a kaw ia.

HABAKU 1:3

Khazia moleina na pahmôsa chi ta, Paraona eina pamosa chi? Raona nata atudainazy ei mohmô ta y ta, Ahryuchhiana pôh ta, A-iekhyhnazy a pôh lymâ.

ZAWHÂNA 18:28

Zisu cha Kaiphâ o tawhta râhvaotuhpa o lâ a chhi heih ei ta. Mydi kari châ ta. Zuzy deikua cha râhvaotuhpa o liata a ngia leipa ei ta. Amâ ngia khiahta cha, pathaih leipa châ aw ei ta, Zawpakhô pati ama nie thei lei awpa vâta amâ ngia leipa a châ.

ZAWHÂNA 18:3

Chatanachata Zudâh cha theihthai beizy nata Phârisaihzy tawhta pheisaih sahlao nata hyutuhpazy a chhi ta, meiôhzy, meireizy, chaihraizy chabapa ta, cha su lâ cha vawh ei ta.

HMOTAOPAZY 9:24

Châhrasala Sawla ta ama hmochhuahpa cha pahno ha ta. Thie awpa ta thokhy chhikao liata chhô nah zâ ta a byh ei ta.

1 SAMUELA 19:11

Sawla ta Dâvi cha my ta thie awpa a chhuah ta, a byh awpa ta a o lâ chyhsazy tuah ta. A lapinô Mikâli ta Dâvi hnohta, “Tazâ he na hrona pabohsa awpa ta nâ râ leipa khiahta la, mylâ cha thiepa na châ aw,” tah ta.