HLAZY 54:6 - Mara Bible RV (BSI)

⁶ Lôhthai hlâna ta nâ lâ atheihna hlâ aw na ta, Hy Abeipa, na moh ei reithai aw, Cha cha hmo phapa châ tlôh ta.

HLAZY 54:6 ပူးပေါင်းရင်းမြစ်များ

HLAZY 107:22

Alyna biereina atheihnazy hlâ ei sala, Alyna hlazy ta a hmotaopazy chho mawh ei sy!

HLAZY 116:17

Alyna bierei atheihna cha vaw hlâ aw na ta, Abeipa moh cha ei pado aw.

HLAZY 118:7

Abeipa ta ei chhâh a châpa ta na bao ta, Chavâta nâ haotuhpazy ama paopa ei hmô aw.

HLAZY 140:13

Mosiapazy ta na moh reithai aw ei ta, Adopazy cha na mohmô liata ama pahrâ aw.

HLAZY 147:1

Abeipa cha reithai teh u! Eima Khazohpa reithaipa ta hla sapa cha pha ta, Kho â chhih ngaita; Reithaina hla hlâ awpa cha, Tao awpa tlai a châ.

HLAZY 21:13

Hy Abeipa, na thatlôna liata palyupalihpa ta y aw chi ta, Na hmotaotheina reithaipa ta hla eima sa aw.

HLAZY 50:14

Khazohpa lâta alyna biereina atheihna hlâ la, Chônôchaipa hnohta na bietaizy patlô mah y.

HLAZY 52:9

Cha hmo cha na taopa vâta, Chhâzaw ta alyna bie cha hlâ aw na ta; Na mopathaihpazy mohmô liata, Na moh ei hâ hualua aw; Cha cha hmo phapa châ tlôh ta.

HLAZY 7:17

Abeipa cha a siana vâta a chô liata alyna bie reih aw na ta, Abeipa Chônôchaipa moh reithaina hla ei sa aw.

HLAZY 92:1

Abeipa lâta alyna bie reipa cha pha ta, Hy Chônôchaipa, na moh reithaipa ta sapa cha a pha na.

ISAI 50:7

Châhrasala Abeipa Zehôvâh ta na bao ta, Chavâta nohzaopa ta y va na. Chavâta pachielô hawhta ei hmia pachâ na ta, Maophyuh aw va na tahpa ei pahno.

ISAI 50:9

Moh teh u, Abeipa Zehôvâh ta na bao aw ta, Ahy thailei nâ pachâsa thei aw tly? Ama zydua ta chysia hawhta paroh aw ei ta, Chhoma-u ta a nie khai aw ei.