HLAZY 52:8 - Mara Bible RV (BSI)

⁸ Kei deikua cha Khazohpa o liata, Ôli tho hrohpa hawhta châ na ta, Khazohpa kyhpachâna tleih beih leipa cha, Chhâzaw nata tlyzaw ta ei ngâ aw.

HLAZY 52:8 ပူးပေါင်းရင်းမြစ်များ

HLAZY 1:3

Vahtie kiah liata tho lopa, A daihtita ta a pathei tyhpa, A hna chhao a uah beih leipa hawhta a châ. A hmotaopa zydua liata thlao â chhi tyh.

HLAZY 128:3

Na lapinô cha kre zôh a pathei pha kawpa hawhta, Na o liata y aw ta; Na sawzy chhao ôli dawzy hawhta, Na tlâhkhai ama chadô aw.

HLAZY 13:5

Châhrasala kei la na ngâchhihna ngâ na ta, Na pachhana liata ei palôh â ly aw.

HLAZY 147:11

Abeipa cha ano a chituhpazy vâta a palôh tlâh ta, A kyhpachâna hnabeiseihtuhpazy vâta a palôh a tlâh tyh.

HLAZY 33:18

Moh teh u, Abeipa mo cha ano a chituhpazy chô liata khaih ta, A kyhpachâna tleih beih leipa hnabeiseihtuhpazy chô liata a khaih tyh.

HLAZY 58:11

Chatanachata chyhsapa ta, “Mosiapa châta lymâ y tlai ta, Khizaw ryureihtuh Khazohpa a y tlai na,” a tah awh.

ZEREMIAH 11:16

Abeipa ta, ‘Ôli tho hrohpa, thei pha a patheipa tho a ngiapa,’ tahpa ta moh a cha bipa kha na châ. Châhrasala chothyu ru ngaitapa a hrâhna hry liata mei ta rao aw ta, a chiahzy a thlie khai ha aw ei.

RAWMA 11:24

Nâ, râh liata ôli kô tawhta chhawhpa hmahta, pikhei siezie tyhpa chakhiapa ta, sadô liata lopa ôli tho liata pazaopa na châ thei khiahta cha, pikheipa ta ôli chiah a châpazy chhochhi cha, âmo ôli tho liata pazao via pachaipa ama châ aw.