HLAZY 51:14 - Mara Bible RV (BSI)

¹⁴ Hy Khazohpa, ei pachhana Kha­zohpa y, Thisaih maoh tawhta na pachha mah y; Chatanachata ei paleih ta a paropa ta na siana hla a sa aw.

HLAZY 51:14 ပူးပေါင်းရင်းမြစ်များ

ÂTHAONA 42:22

Rubena ta âmo cha a chhy ta, “Hawtipa chô liata hmo parao lei awpa ta cha chho veih ei na mâ? Nama nathlie khoh leipa kha. Chavâta a thisaih phuh lapa a châ ha tlai hih,” tah ta.

ÂTHAONA 9:6

“Khazohpa ta chyhsapa cha, Ano kakuapa ta a taopa vâta, Chyhsapa thisaih a palopa maih cha, Chyhsapa lilaw ta ano thisaih a palo hra aw.

2 SAMUELA 12:9

Khazia ma Abeipa bie khâpasaw ta rei leipa chi ta, a mohmô liata hmo pha leipa na tao? Hiti chyhsa Uria cha zaozi ta thie chi ta, a lapinô cha na lapinô châta hnei chi ta, Amawna mo zaozi ta Uria cha na thie haw.

2 SAMUELA 21:1

Dâvi ryureina daihti liata, â zaopa ta kô thôh chakâhna tlô ta. Dâvi ta Abeipa hmia pado ta. Abeipa ta, “Sawla ta Kibiô mo a thiepa vâta, ano nata a chhôhkha chô liata thisaih maoh a y,” tah ta.

2 SAMUELA 3:28

Hnôhlâ ta, cha kyh cha Dâvi ta a thei nahta, “Nerâ sawchapawpa Abane thisaih vâna heta kei nata ei beinarâh cha Abeipa hmiakô liata chhâzaw ta eima pathaih.

EZRÂ 9:13

Eima chô liata hmo tlôpazy he moleina hmo eima taopazy nata eima thaileichâna lai ngaitapazy vâta a châ. Chatanachôta Hy eima Khazohpa y, eima moleina nata â phuhpa hlâta a nai viapa ta miah hrie chi ta, he hawhta laibâhpazy miah na pahlôh.

NEHEMIAH 9:33

Eima chô liata hmo a tlôpa zydua liana heta, nâ cha asiapa na châ. Ngâchhihpa ta hmo tao chi ta, keimo deikua molei ngaitapa ta hmo eima tao tyh.

HLAZY 25:5

Na biehmeiseihpa liata nâ chhi la, Na pachu mah y; Ei pachhana Khazohpa châ chi ta, Noh y ta nâ ei cha hâ.

HLAZY 26:9

Ei thlahpa he moleipazy hry ta pahleipadia leipa la, Ei hrona he thisaih palo hmâhpa chyhsazy hry ta pahleipadia khah y.

HLAZY 35:28

Chatanachata ei paleih ta na siana bie chho aw ta, Noh y ta ei cha reithai aw.

HLAZY 38:22

Hy ei pachhana Abeipa y, Na bao awpa ta a para mah y!

HLAZY 55:23

Châhrasala Hy Khazohpa, Moleipazy cha leidiana khaohtlô liata pathla aw chi ta, Thisaih a palopa nata chyhsa a dôveipazy cha, Ama chhâ khophie chhao hroh aw veih ei. Kei deikua cha, nâ ei cha ngâ aw.

HLAZY 68:20

Eima Khazohpa cha pachhana Khazohpa châ ta, Thina tawhta puana chhao, Abeipa, zibeipa liata a y.

HLAZY 88:1

Hy Abeipa, ei pachhana Khazohpa y, Na hmiakô liata chhô nah zâ ta ei awh hih.

ISAI 12:2

Moh teh u, Khazohpa cha ei pachhana châ ta, Ano cha ngâ aw na ta, chi aw va na. Abeipa, Abeipa tlai cha ei tha­tlôna nata ei hla châ ta, Ano cha ei pachhana a châ.”

ISAI 45:17

Izarei deikua cha Abeipa ta pachha ta, Tlyzaw pachhana ta a pachha haw. Nozapa ta y khao leipa aw ei chi ta, Tlyzaw taihta nohzaopa ta y khao aw veih ei chi.

EZEKIA 33:8

Moleipa hnohta, ‘Hy moleipa, na thi tlai awpa a châ,’ ei tah nota, moleipa cha a hrozie siesai awpa ta zikyu nâ râ leipa khiahta cha, moleipa cha a paraona liata thi aw ta, a thisaih maoh na phaoh aw.

DÂNIAH 9:16

Hy Abeipa, ei châ haw na, siana ta na hmotaozie zydua hawhta, na hiehâhna nata na pathiiana cha Zerusale, na tlâh pathaihpa tawhna heta rie pakuasa ha mah y. Keimo moleinazy nata miah pathlatuhzy paraona vâta, Zerusale nata na chyhsazy he eima chheipâh chyhsazy ta ama rei tyh awpa eima vaw châ ha hih.

DÂNIAH 9:7

Hy Abeipa, siana cha nâma eih châ ta, keimo tovyuh deikua cha nozana deita a châ, tanoh ta hmo a ypa hawhna tlai heta. Zudâh chyhsazy, Zerusale liata a pahrâpazy, Izarei zydua nata sei ta nâ chhina râh zydua liata lâhnia nata lâhla liata a ypazy ta haiphiahpa ta na chô liata hmo ama taopa vâta, tanoh nozapa ta eima y ha hih.

HÔSIA 4:2

Chhiesana nata haiphiana ta bie ta, Lianycheina nata paruna ta biepa ta, Apheina zy a pôh lymâ; Pakhâpa to parao khai ei ta, Thisaih lona â zao thlâh haw.

HABAKU 3:18

Abeipa liata a ly aw na ta, Ei pachhana Khazohpa liata khâ ei ly aw.

HMOTAOPAZY 18:6

Châhrasala Zuzy ta a dyuh ei ta, ama reipachhie nahta, Pawla cha a poh chatho ta, ama hnohta, “Nama thisaih maoh cha nâmo luh liata y mawh sy! Kei deikua la, ei pathaih. Tahmâ tawhta la, Zenitaizy lâ ei sie aw,” tah ta.

HMOTAOPAZY 20:26

Chavâta chyhsa zydua thisaih liata ei pathaih tahpa tanoh ei cha chho ei.

RAWMA 10:3

Khazohpa siana pahno leipa ta, âmo siana a duakhei a chhuah ei ta, Khazohpa siana liata a ngiarih veih ei.