HLAZY 51:12 - Mara Bible RV (BSI)

¹² Na pachhana alyna na pie heih la, Thlahpa khona ta na patu thlâh ha mah y.

HLAZY 51:12 ပူးပေါင်းရင်းမြစ်များ

HLAZY 119:133

Na bie hawhta ei keih chakânazy vaih la, Moleina ta ei chô liata bie a hnei awpa pasaih khah y.

HLAZY 13:5

Châhrasala kei la na ngâchhihna ngâ na ta, Na pachhana liata ei palôh â ly aw.

HLAZY 17:5

Ei keih chakâpazy ta na lâpizy khâchâ a chhih ta, Ei pheizy a chapia beih vei.

HLAZY 19:13

Molei raruahpazy tawhta châ chakaotuhpa he pabohsa la, Ei chô liata bie ama hnei awpa pasaih khah y! Chatanachata phapakipa châ aw na ta, Moleina rarôh ypa tawhta thaichâpa ta ei y aw.

HLAZY 21:1

Hy Abeipa, abei cha na thatlôna liata a ly ta, Na pachhana liata a thapha kaw dia!

HLAZY 24:4

Ku pathaihpa nata palôh pathaihpa hneipa ta, Hmo doleipa liata a hro hmâh beih leipa ta, Haipa ta bie â taih beih leipa chyhsa ta, Abeipa tlâh cha kiah aw ta, A su pathaihpa liata â duah aw.

HLAZY 35:9

Chatawhcha Abeipa liata ei hro a ly aw ta, A pachhana liata a tha a pha aw.

ISAI 41:10

Chavâta chi khah y, Na hnohta ei y mâh tâh; Ngiarohpa ta y hra khah y, Na Khazohpa ei châ hih. Tha cha patlôpa ta cha bao aw na ta, Ei siana ku chachâh lâta khâchâ ei cha patu aw.

ISAI 49:13

Hy avâzy saih u, thaphapa ta hla sa u la, Hy leilô y, a lypa ta y mah y. Hy tlâhpizy saih u, Lyna hla paryh teh u! Abeipa ta a phopi thlah palôh ha ta, A chyhsa pasa a taopazy a ngiachhie aw ei.

ISAI 61:10

Myuhneituhpa ta theihthaipa hawhta a luh a tobi ta, Myuh ta lôsôhpazy ta â tobipa hawhta; Abeipa ta pachhana chysiazy ta na tobi ta, Siana poh eina pabu; Chavâta Abeipa liata thapha ngaitapa ta y aw na ta, Ei Khazohpa liata ei hro â ly ngaita aw.

ZEREMIAH 10:23

Hy Abeipa, chyhsapa hrona he, Ano chyhsapa eih châ vei tahpa ei pahno; A siena lâpi liata chhao, Anosasyh ta a chhihtha thei vei tahpa ei pahno.

LUKA 1:47

Khazohpa nâ Pachhatuhpa liata ei thlahpa â ly,

RAWMA 14:4

Mohropa chakaotuhpa seituhpa cha ahy ma na châ? Â duah tlyma, a pao tlyma, ano zibeipa hmiakô liata a taopa a châ. Abeipa cha ano a paduasa theipa a châpa vâta, â duah thlâh ha aw.

RAWMA 8:15

Chipa ta y heih awpa ta seichâna thlahpa nama topa châ leipa ta, saw châna Thlahpa tlao to ei chi ta, cha Thlahpa vâna chata “Âbâ! Ei paw!” tahpa ta eima aw theipa a châ.

2 KAWRINI 3:17

Abeipa cha Thlahpa châ ta, Abeipa Thlahpa yna maih liata khotalaina a y.

1 PITY 1:5

Daihti hnôhchaipa liata palâhâh awpa ta a mâ chiehpa ta a ypa ngiapâna vâta pachhana nama hmô thei nawpa ta, Khazohpa hmotaotheina ta vaipa nama châ.

ZUDÂH 1:24

Tahmâ he nama pao lei nawpa ta châ hrôbieh theipa ei nata a rônahna hmiakô liata seina hnei leipa ta, a ly ngaitapa ta châ soh theipa ei,