HLAZY 51:11 - Mara Bible RV (BSI)

¹¹ Na hmiakô tawhta na thy leipa la, Na Thlahpa Pathaihpa na lapa khah y.

HLAZY 51:11 ပူးပေါင်းရင်းမြစ်များ

ÂTHAONA 4:14

Moh teh, tanoh he chhaohlei tawhta na papua ha chi ta, na mohmô tawhta nyupa ta y aw na ta, alei chô liana heta leilôpa nata viavipa châ aw na ta, nâ hmôpa maihta eina thie aw ei,” tah ta.

ÂTHAONA 6:3

Chatawhcha Abeipa ta, “Ei thlahpa he chyhsapa hnohta chhâzaw ta y aw vei, ano cha thi theipa châ tlôh ta, a hro chhôh nohzy cha kô 120 a châ aw,” tah ta.

2 SAMUELA 7:15

Châhrasala ei zawngiahna ta ano cha siesai beih aw vei. Na hmiakô tawhta ei la hapa Sawla tawhta ei zawngiahna ta a siesai hapa hawhna khata châ aw vei.

2 ABEIZY 13:23

Châhrasala Abeipa ta Abarahâ, Aisika nata Zakaw zy chô liata a biehrai vâta, Izarei sawzy cha ngiachhie ta, a thapasa kaw tyh ta. Chavâta âmo lâ a heih heih tyh ta, Izarei sawzy cha pahleipadia khoh leipa ta, tahmâ taihta a mohmô tawhta âmo cha thy pathlah khoh vei.

2 ABEIZY 23:27

Abeipa ta, “Izarei ei papuapa hawhta Zudâh chhao ei mohmô tawhta papua aw na ta, khihpi ei tlyhpa, Zerusale nata ‘cha liata ei moh a y aw,’ ei tahpa Achhyna o chhao he hnôh ei chhy aw,” tah ta.

2 ABEIZY 24:20

Abeipa pathiiana vâta, a mohmô tawhta papua hana taihta Zerusale nata Zudâh chô liata a vaw tlô hapa a châ. Zedekia cha Babylaw bei ry liata a ypa tawhta pua a chhuah ta.

HLAZY 43:2

Nâ cha ei bohna Khazohpa châ tlôh chi ta, Khazia eina dytha chi tly? Chariahpa tlybaina vâta, Khazia mâchhiesapa ta ei khie aw tly?

HLAZY 71:18

Chavâta Hy Khazohpa, Machâpa nata sâ pawhpa ei châ tita, Na siesai khah y; Chhâ a vaw y awpa hnohta na thatlôna ei phuah hlâlei cha, Na siesai leipa la; Miah a vaw pazi awpazy hnohta Na hmotaotheina ei phuah hlâlei cha, Na siesai hra khah y.

HLAZY 71:9

Ei machâ tita na thy leipa la, Ei tha â sy tita na siesai khah y.

ZEREMIAH 7:15

Nama unawhpa Epharai chipathla zydua ei thy khai hapa hawhna ei khata, ei mohmô tawhta ei cha thy pathlah aw ei,” Abeipa ta a tah.

LUKA 11:13

Nâmo, moleipazy chi hmahta, nama sawzy hmo phapa piena châh nama pahno khiahta cha, nama Paw vârâh liata a ypa chhochhi ta cha, khatlu ta khokhei viapa ta ma a hiahtuhpazy hnohta Thlahpa Pathaihpa a pie aw tly!” tah ta.

ZAWHÂNA 14:26

Thlapalôhtuhpa, Paw ta ei moh ta a vaw tua awpa Thlahpa Pathaihpa chata, ato cha pachu aw ei ta, nama hnohta ei reipa zydua kha a cha patheisa heih aw ei.

RAWMA 1:4

A Thlahpa pathaihna kyh liata deikua cha, athihpa hry tawhta a thyuheihna ta, eima Beipa Zisu Krista cha hmotaotheina a hneipa Khazohpa Sawchapawpa a châzie a palâsa.

RAWMA 8:9

Châhrasala Khazohpa Thlahpa nâmo liata a y khiahta cha, sapa ta a ypa châ leipa ei chi ta, Thlahpa ta a ypa tlao nama châ. Ahy rai Krista Thlahpa a hnei leipa cha ano chyhsa châ vei.

EPHESI 4:30

Khazohpa Thlahpa Pathaihpa pachâ parôh khuh vy, chatlaina noh châta ano ta ngiapa nama châ.

2 THYSALAWNIKA 1:9

Chhâzaw leidiana ta hriepa châ aw ei ta, Abeipa mohmô tawhta nata a thatlôna rônahpa tawhta papuapa ama châ aw.

RYUREITUHPAZY 13:25

Zôrâh nata Estaw likawh ta Mahânedâ liata a y nota Abeipa Thlahpa ta a chô liata raihria pathao ta.

RYUREITUHPAZY 15:14

Lehi a tlô nahta, Philistinâ mo cha awh lymâna chôta ta ano lâ a vy ei ta. Abeipa Thlahpa cha a chô liata thlai vaw tlô ta, a bâh chahryna chaorizy cha, lari mei ta a kâ pachhôpa hawhta vaw châ ta, ano chahrynazy cha a kuzy tawhta tla khai ha ta.

RYUREITUHPAZY 16:20

Delilâ ta a hnohta, “Sâsawna, Philistinâ mo ta ama cha vaw siehnao!” tah ta. Â môpa cha a kaw hra ta, “Noh hrozy hawhna khata pua aw na ta, ei tlieh papua thlâh heih awh,” tahpa ta pachâ ta. Abeipa ta a siesai hapa pahno vei.

1 SAMUELA 10:10

Tlâh ama tlô nahta, moh teh u, hrohsopazy py ta ano cha a vaw tyh ei ta, Abeipa thlahpa cha a chô liata thatlô ngaitapa ta vaw tlô ta, hrohsopazy hry liata a hlaopa ta hrohsona bie phuah lymâ hra ta.

1 SAMUELA 16:14

Abeipa Thlahpa ta Sawla cha puasai ha ta, Abeipa tuapa ahripa ta ano cha patypamâ ta.