HLAZY 51:1 - Mara Bible RV (BSI)

¹ Hy Khazohpa, na kyhpachâna tleih beih leipa vâta, Na ngiachhie la; Na zawngiahna chhâ tiah leipa vâta, Ei paraonazy a ngiahthai mah y.

HLAZY 51:1 ပူးပေါင်းရင်းမြစ်များ

2 SAMUELA 11:2

Noh kha cha zâlâ nohtla chy ta Dâvi cha a rakhô tawhta thyu ta, abei o vâphuh liata a hlaihlâ ta, vâphuh tawhta chanô pakha a ngai a si ngâpa za hmô ta, cha chanô cha a chhithai ngaitapa châ ta.

NEHEMIAH 4:5

O satuhpazy hmia liata na hie ama cha pahâh haw. Chavâta ama thaileichâna khu leipa la, ama moleinazy na mohmô tawhta pahlei khah y,” tah na ta.

HLAZY 106:45

Ama hnohta a biehrai a thei heih tyh ta, A kyhpachâna tleih beih leipa rônah ngaitapa vâta, A palôh a panano heih tyh.

HLAZY 106:7

Miah pathlatuhpazy Izi râh liata ama y no kha, Na hmotao noâhpazy pachâ veih ei; Na kyhpachâna rônahpa a thei leipa ei ta, Tilaipi liata cha chakhia ei ta, Tilaipi Saihpa liata ama cha chakhia.

HLAZY 109:21

Nâ deikua cha, Hy Abeipa Zehôvâh y, Na moh vâta ei chô liata a phapa ta tao la; Na zawngiahna phana vâta, Na pachha mah y!

HLAZY 119:124

Na kyhpachâna tleih beih leipa hawhta, Châ cha­kaotuhpa chô liata tao la, Na bieraopazy na pachu mah y.

HLAZY 145:9

Abeipa cha mo to chô liata pha ta, A zawngiahna cha a hmotaopa zydua chô liata a y.

HLAZY 4:1

Hy ei siana Khazohpa y, Ei cha aw tita nâ chhy mah y! Ei nôpo nota huhiehna nâ pie tyhpa châ chi ta, Na ngiachhie la, ei thlahchhâna he rie thei mah y.

HLAZY 40:11

Hy Abeipa, na zawngiahna hmô awpa na pakhâ leipa la, Na kyhpachâna tleih beih leipa ta na pabohsa sala, Na ngâchhi­hna ta khâ na pabohsa mawh sy!

HLAZY 5:7

Kei deikua cha na zawngiahna hluh ngaitapa vâta, Na o liata a ngia thei aw na ta; Nâma china chôta, Na Achhyna o pathaihpa lâ a heipa ta ei bôh aw.

HLAZY 51:9

Ei moleinazy tawhta na hmia nyu la, Ei paraona zydua pahlei khai mah y.

HLAZY 69:13

Kei deikua la, Hy Abeipa y, Nâ lâta thlah ei chhâ. Hy Khazohpa, na kyhpachâna tleih beih leipa vâta, Daihti rypaohpa liata nâ chhy la, Na pachhana ngâchhihna ta nâ chhy mah y.

HLAZY 69:16

Hy Abeipa, nâma kyhpachâna cha pha tlôh ta, Nâ chhy mah y; Na zawngiahna a chhâ thai leipa vâta, Kei lâ a vaw heih mah y.

HLAZY 77:9

Khazohpa ta ngiachhiena hnei awpa a my ha ma? Hiehâhna ta ma a thapasana a khaw haw?” Selah

ISAI 43:25

“Kei, keima tlai he, Ei moh vâta na paraonazy a phietuhpa châ na ta, Na moleinazy a thei khao aw va na.

ISAI 44:22

Na paraonazy meihdo hawhta papai ha na ta, Na moleinazy ameih hawhta ei papai haw. Cha chatlai ha na ta, Chavâta kei lâ vaw kua ha mah y.

ISAI 63:15

Vârâh tawhta za sai la, moh tua, Na pathaihna su tawhta za sai la, Na rônahna su tawhta za sai tua. Na phahnai ngiahna kha khataih liata y ta, Na thatlôna khataih liata a y haw? Na palôh pathyuna nata na thapasana zy kha, Eima châta pakhâpa a châ ha he zaw.

ISAI 63:7

Abeipa cha ato miah pietuhpa châ ta, A zawngiahna nata a ngâchhihna lymâ hawhta, Izarei chô liata a pha ngaitapa a châ; Chavâta Abeipa ngâchhihna cha, Khâ a thei aw na ta; Abeipa reithainazy cha, Khâ ei thei thlâh ha aw.

ZEREMIAH 18:23

Châhrasala Hy Abeipa, Thie awpa ta eina teina zydua ei cha na pahno khai. Ama paraona a ngiahthai leipa la, Ama moleina chhao na mohmô tawhta pahlei khah y. Na hiehâhna daihti liata ama chô liata hria la, Na hmiakô liata pao mawh ei sy.

CHAPHÔHTUNA 3:32

Ama pachâ parôhsa ha hra sala, A kyhpachâna tleih beih leipa vâta zawh â ngiah heih aw ei.

DÂNIAH 9:18

Hy ei Khazohpa, na nah pachôh la, nathlie tua; na mo padeih la, keimo nata na moh a phaohpa na khihpi roryhra hapa he moh tua. Eima hiapazy he eima siana vâta na hmiakô liata a vaw tlôkheipa châ leipa pi ta, na zawngiahna rônah ngaitapa vâta tlao a châ.

DÂNIAH 9:9

Zawngiahna nata ngiahthaina cha Abeipa eima Khazohpa eih mâh a châ tâh; ano cha a chariah ha hra sih la,

HMOTAOPAZY 3:19

Chavâta ro u la, ano lâ kua teh u, nama moleinazy pahleipa a châ aw.

KAOLAOSÂ 2:14

Ku ta ropa ryhpazy cha miah dyuhtuhpa nata miah chakhiatuhpa châ ei ta, châhrasala zyh awpa ta eimâ bâh tlôhpazy ama châ. Krista deikua cha eimâ bâhpa zydua phie ta, kraws liata khaipâpa ta pahlei ta, eima moleina zydua miah ngiahthaituhpa a châ.