HLAZY 50:15 - Mara Bible RV (BSI)

¹⁵ Nôpona noh liata na pado la, Cha pachha aw na ta, Chatanachata eina parôhnasa aw chi,” Abeipa ta a tah.

HLAZY 50:15 ပူးပေါင်းရင်းမြစ်များ

2 ABEIZY 20:2

Hezekia cha a hmia pâhchhô lâ paheipa ta Abeipa lâ thlâhchhâ ta,

2 THÂTIHZYRONA 20:9

‘Eima chô liata chhiena, zaozi ta pachiana tlyma, potlana tlyma, chakâhna tlyma a vaw tlô khiahta cha, he o he na moh yna o a châpa vâta, he o hmiakô liata nata na hmiakô liata a duah aw pi ta, eima nôpona liata cha pado aw pi ta, miah thei aw chi ta, miah na pachha aw.

ZAWBÂ 22:27

Ano lâ thlahchhâ aw chi ta, Na thlahchhâna thei aw ta, Na bietai na patlô ha aw.

HLAZY 107:19

Nôpopa ta Abeipa pado ei ta, Abeipa ta ama pachârôhna tawhta a pachha ei.

HLAZY 107:28

Nôpopa ta Abeipa pado ei ta, Abeipa ta ama pachârôhna tawhta a pachha ei.

HLAZY 120:1

Ei nôpo nota Abeipa pado na ta, Ano ta einâ chhy.

HLAZY 22:23

Abeipa a chipazy saih u, ano cha reithai teh u! Zakaw pathla zydua saih u, ano palyupalih u la, Izarei pathla zydua saih u, ano cha chi teh u!

HLAZY 34:5

Ano a mohtuhpazy cha khaih ei ta, Ama hmia nozapa ta y beih aw vei.

HLAZY 34:7

Abeipa a chituhpazy cha, A vâlyuhchâpazy ta chadô ei ta; Ama kiapâh liata riehmo paryh ei ta, Âmo cha ama pachha tyh.

HLAZY 4:2

Hy chyhsazy saih u, Khati taih ma ei zachhihna he nozana ta tao aw ei chi ta, Khachâ ma hraoleipa biezy tlaichhaipa ta, Haipa biezy nama tlua aw tly? Selah

HLAZY 50:23

Alyna bierei atheihna hlâtuhpa ta na parônahsa ta, A yzie â dopa ta a vaotuhpa hnohta, Khazohpa pachhana ei pahmô aw.”

HLAZY 77:2

Ei nôpona noh liata Abeipa tlua na ta, Zâ ta chhao ei ku pathla leipa ta ei pazawh lymâ; Ei hro he thlapalôh thei awpa châ khao vei.

HLAZY 77:3

Khazohpa ei thei châh ta, A hrô na ta; Ei pachâ châh ta, Ei thlahpa tha a chhâ tyh. Selah

HLAZY 81:7

Nôpopa ta na aw chi ta, Ei cha pachha; Tôkalôhpa su nyupa liata châ chhy na ta, Meribâ tizy liata ei cha pasia. Selah

HLAZY 86:5

Hy Abeipa, nâ cha Khazoh phapa nata a ngiahthai theituhpa châ chi ta, Châ padotuhpazy chô liata zawngiahna a hnei hluh ngaitapa na châ.

HLAZY 86:7

Einâ chhy awpa vâ chi ta, Ei nôpona noh liata ei cha pado tyh aw.

HLAZY 91:15

Eina pado tita a chhy aw na ta, Nôpona daihti liata a hnohta ypa ta, Pachha aw na ta ei palyupalih aw.

ZEREMIAH 39:17

Nâ deikua cha, cha noh liata cha pachha aw na ta, na chi kawpa chyhsazy ku liata hlâpa châ aw va chi, Abeipa ta a tah.

ZEKARIA 13:9

A su thôhna cha mei ta ei pasia aw ei; Tâkâ pathaisapa hawhta pathaisa aw ei na ta, Ngôh pasiapa hawhta ei pasia aw ei. Ei moh pado aw ei ta, Ei chhy aw ei. Kei ta, ‘Ei phopi ama châ,’ tah aw na ta, Âmo ta, ‘Abeipa cha eima Khazohpa a châ,’ ama tah aw,” Abeipa ta a tah.

MATHAI 5:16

Cha hawhna chata, nama khaihna cha chyhsa mohmô ta khaih mawh sy. Chatanachata nama hmo pha taopa hmô aw ei ta, nama Paw avâ liata a ypa ama palyupalih thei aw.

LUKA 22:44

A pachârôh ngaita ta, phahnai a ngiah via heihpa ta thlahchhâ ta. A mathlai di thisaih hawhta alei liata tla ta.

ZAWHÂNA 15:8

Thei hluhpi pathei ei chi ta, ei pachupazy nama châpa nama palâsapa liana heta, ei Paw cha parônahsapa ta a y.

HMOTAOPAZY 16:25

Zâcho ta Pawla nata Sila cha Khazohpa lâ thlahchhâpa ta hlazy sa ei ta, atâhpazy ta nathlie ei ta.

ZÂMIE 5:13

Nama hry liata pasataopa ama y ma? Thlahchhâ mawh sy. Alypa ama y ma? Reithaina hla sa mawh sy.

1 PITY 4:11

Ahy rai bie a reihpa maih Khazohpa bie hawhta reih sala, a chakaopa maih Khazohpa ta thatlôna a piepa lymâ hawhta chakao mawh sy. Chatanachata Zisu Krista vâta Khazohpa cha kyh to liata palyupalihpa ta a y thei aw. Rônahna nata hmotaotheina cha chhâzaw nata tlyzaw ta ano eih châ tlôh ta. Amen.

1 PITY 4:14

Krista moh vâta pasipasawhpa nama châ khiahta cha, rônahna Thlahpa nata Khazohpa Thlahpa cha nama chô liata y ta, chavâta nama nohlao aw.

RYUREITUHPAZY 15:19

Khazohpa ta Lehi liata khaohtlô a ypa cha pahy ta, ti vaw pua ta. Ti a do khai nahta, a palôh tha vaw tlô ta, tha thiehpa vaw hnei ha ta. Chavâta cha su moh cha Enhakôre tahpa a châ. Tahmâ taihta Lehi liata a y thlâh haw.