HLAZY 50:14 - Mara Bible RV (BSI)

¹⁴ Khazohpa lâta alyna biereina atheihna hlâ la, Chônôchaipa hnohta na bietaizy patlô mah y.

HLAZY 50:14 ပူးပေါင်းရင်းမြစ်များ

ZAWBÂ 22:27

Ano lâ thlahchhâ aw chi ta, Na thlahchhâna thei aw ta, Na bietai na patlô ha aw.

HLAZY 147:1

Abeipa cha reithai teh u! Eima Khazohpa reithaipa ta hla sapa cha pha ta, Kho â chhih ngaita; Reithaina hla hlâ awpa cha, Tao awpa tlai a châ.

HLAZY 22:25

Pakhypi rônahpa liata cha reithai aw na ta, Nâma châ chituhpazy hmiakô liata ei bietai ei patlô aw.

HLAZY 22:26

Pasataopazy lôhrâtlôpa ta nie aw ei ta, Ano a tluatuhpazy ta Abeipa cha ama reithai aw! Nama palôhzy chhâzaw ta hroh thlâh ha mawh sy!

HLAZY 27:6

Nâ chadôtuhpa ei chariahpazy chô lâ ta, Ei luh chaluahpa ta y aw ta; Abeipa poh o liata, A lypa ta awh aw na ta, atheihna ei hlâ aw.

HLAZY 50:23

Alyna bierei atheihna hlâtuhpa ta na parônahsa ta, A yzie â dopa ta a vaotuhpa hnohta, Khazohpa pachhana ei pahmô aw.”

HLAZY 56:12

Hy Khazohpa, bie ei châ taihpazy patlô aw na ta, Alyna biereina hmohlâpa ei cha pie aw.

HLAZY 61:8

Chatanachata na moh reithaina hla sa aw na ta, Ei bietaizy noh chareih ei patlô aw.

HLAZY 65:1

Hy Khazohpa, Zaio liata reithaina ta cha hâ thlâh ha ta, Bietaizy nâma liata patlôpa a châ aw.

HLAZY 69:32

Areisipazy ta cha cha hmô aw ei ta, Amâ ly aw; Nâmo, Khazohpa a tluatuhpazy saih u, Nama palôh a hra mawh sy.

HLAZY 76:11

Abeipa nama Khazohpa liata biezy a taih u la, Nama bietaizy cha patlô muh vy; Chi awpa lâna chata a chheipâh râhzy ta, Hmosaipiepazy vaw cheih mawh ei sy.

HLAZY 76:12

Ano cha ryureituhpazy thlahpa a chhawh pathlah theipa châ ta, Lei beizy ta ama chi awpa a châ.

HÔSIA 14:2

Biezy a cheipa ta, Abeipa lâ kua u la, A hnohta hetana heta tah teh u: “Moleina zydua la khai la, Hmo phapa a pyh mah y; Viahchao tôhpa hlâ vyuhpa ta, Eima hmao bietaizy eima cha vaw hlâ.

NÂHU 1:15

“Moh teh u, tlâhpizy liata thâtihpha vaw tlôkhei ta, Adyhna bie a vaw phuahtuhpa pheizy huh! Hy Zudâh, na kyhchhizy tao lymâ la, Na bietaizy patlô mah y; Moleipa cha tlokhuh chhawh pathlah hapa châ ta, Cha chapia heih beih khao aw vei.”

NÂHU 2:1

Hy Ninivâ, papaituhpa ta a cha vaw siehnao. Na thokhyzy liata chyhsa soh la, Lâpi vaih teh; Na chai a saih la, Na tha zydua pachhi teh.

RAWMA 12:1

Chavâta unawh saih u, Khazohpa ngiachhiena vâta, atheihna hrohpa nata pathaihpa nata a pyh tlâh châ awpa ta, nama pôhpa cha Khazohpa lâ hlâ awpa ta ei châ haw ei. Cha cha thlahpa ta Khazohpa namâ chhynazie awpa a châ.

RYHPACHANEINA 23:21

“Abeipa nama Khazohpa lâta bie namâ taihpa a y khiahta cha, pahawh pasâh leipa ta nama pie awpa a châ. Chataleipatala Abeipa nama Khazohpa ta châ hnaw tlôh aw ei ta, nama châta moleina a châ pathlei aw.

RYHPACHANEINA 23:22

Bie namâ taih leipa khiahta cha, thailei châ aw veih ei chi.

RYHPACHANEINA 23:23

Nama hmao tawhta a puapa cha, nâmo kho tlai ta, nâmo pakah tlai ta Abeipa nama Khazohpa liata bie namâ taihpa a châpa vâta, nama tao thlyu awpa a châ.

RYHPACHANEINA 23:24

“Nama vaih kre sadô nama chapia nota, nama lôhrâtlôna taih nie thei ei chi ta, nama hrâbyh liata deikua nama khô awpa châ vei.

1 THYSALAWNIKA 5:18

kyh to liata alyna bie reih teh u. Cha cha nama châta Krista Zisu liata Khazohpa khozie a châ.

HEBRAI 13:15

Chatanachata ano zawhzi ta reithaina atheihna cha Khazohpa hnohta khâ hlâ suh vy. Cha cha a moh achâhkheina hmaozy theilâpa a châ.

1 PITY 2:5

Zisu Krista zawhzi ta Khazohpa a pyh tlâhpa thlahpa atheihna hlâtuhpa theihthai pathaihpazy châ awpa ta, alô hrohpa hawhta paduapa thlahpa o nama châ.

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.