HLAZY 5:4 - Mara Bible RV (BSI)

⁴ Nâ cha paraona liata a lypa Khazohpa na châ leipa vâta, Moleipa cha na hnohta pahrâ thei aw vei.

HLAZY 5:4 ပူးပေါင်းရင်းမြစ်များ

1 THÂTIHZYRONA 29:17

Ei Khazohpa y, nâ cha palôh mohpasia chi ta, adona liata nâ ly tahpa ei pahno. Palôh dopa phaopa ta, he hmozy he keima lôhthai tlai ta ei vaw hlâ. He liata a ypa na chyhsazy chhao heta âmo lôhthai tlai ta, a ly ngaitapa ta ama cha vaw hlâ tahpa ei hmô.

HLAZY 101:7

Dôvei hmâhpa chyhsa cha, Ei o chhôh liata pahrâ leipa aw ta; Haipa bie a reihpa chhao, Ei mohmô liata y aw vei.

HLAZY 11:5

Abeipa ta mosiapa cha pasia ta, Moleipa nata nôchhiepa zy deikua cha a hro ta â hao.

HLAZY 140:13

Mosiapazy ta na moh reithai aw ei ta, Adopazy cha na mohmô liata ama pahrâ aw.

HLAZY 50:21

Cha hmozy cha tao chi ta, Châhrasala a chalih thlâh ha na ta, Nâma hawhpa khiah ma ei châ eina tah chi. Châhrasala tahmâ cha, cha ra aw na ta, Hmiadaisâ ta ei cha leih bâ aw.

HLAZY 63:2

Chavâta su pathaihpa liata cha moh na ta, Na hmotaotheina nata na rônahna ei moh thlâh haw.

HLAZY 88:14

Hy Abeipa, khazia ei hro he na dytha? Khazia na hmia eina nyusai chi?

HLAZY 92:15

Cha chata Abeipa adona phuah ta, Ano cha ei lôpanô châ ta, Ano liata sialeina rai y vei.

HLAZY 94:20

Ryureihtuh moleipazy ta ama cha hrialâh thei aw ma? Hmo doleipa bieraopa ta a taopazy ta ama cha hrialâh thei aw ma?

HABAKU 1:13

Na mo cha moleina mo nawpa ta pathaih tu ha ta, Paraonazy moh thei vei. Chyhsa ta piehpie kawpa ta hmo a tao nota, Khazia na y molo thlâh haw? Moleipa ta ano hlâta chyhsa sia viapa a palâ nota, Khazia nâ chalih thlah haw?

MALAKHAI 2:17

Nama biezy ta Abeipa rie nama pathei kaw tyh. Châhrasala nâmo ta, “Kheihta ma Abeipa rie cha eima pathei,” nama tah. “Moleina hmo a taopa zydua Abeipa mohmô liata la pha khai ei ta, Abeipa ta â ly kaw ei na,” tah ei chi ta, “Adona Khazohpa cha khataih liata ma a y?” nama tahpazy liana heta Abeipa rie nama pathei haw.

ZAWHÂNA 14:23

Zisu ta a chhy ta, “Chyhsa ta kyh eina pachâ khiahta cha, ei bie zyh aw ta, ei Paw ta ano cha kyhpachâ aw ta, ano lâ a vy aw pi ta, a hnohta eima pahrâ aw.

HEBRAI 12:14

Chyhsa zydua nata adyhna chadai u la, pathaihna chadai hra teh u. Pathaihna leipa ta ahy hmahta Abeipa hmô aw veih ei.

2 PITY 3:13

Châhrasala a bietaipa hawhta, keimo la mosiapazy pahrâna avâ thiehpa nata alei thiehpa a hâtuhpazy eima châ.

BIEPHUAH 21:23

Khihpi pakhaihsa awpa ta noh a ngiah leipa ta, thlâpâ chhao a ngiah hra vei, Khazohpa rônahna ta pakhaihsa ta, Mietakutaw cha a meiôh a châ.

BIEPHUAH 21:27

Hmo puapa deikua cha kheihawhpa hmah a ngia thei aw vei. Hmo pasichhihpa a taopa nata haipa bie a reihpa ahy hmah a ngia thei hra aw veih vei. Mietakutaw hrona châbu liata moh ropazy deita ta amâ ngia thei aw.