HLAZY 49:15 - Mara Bible RV (BSI)

¹⁵ Kei deikua cha ei hrona he, Khazohpa ta Athihkhih hmotaotheina tawhta chatlai aw ta, Ano ta eina vaw dy aw. Selah

HLAZY 49:15 ပူးပေါင်းရင်းမြစ်များ

ÂTHAONA 5:24

Enawka cha a hro chhôh ta khazohpa a kao tyh ta, chavâta Khazohpa ta ano cha la ha ta, hmô awpa y khao vei.

HLAZY 31:5

Na ku liata ei thlahpa cha pavaosa na ta, Hy Abeipa, Khazoh ngâchhihpa y, Nâ ta eina chatlai ha chi.

HLAZY 56:13

Khazohpa hmiakô liata chareipa ta, Hrona khaihpa liata charei awpa ta, Ei hrona he thina tawhta pachha chi ta, Ei pheizy he ahluana tawhta na pabohsa haw.

HLAZY 73:24

Na ryhraona ta na chhihtha chi ta, Cha khai tawhta rônahna liata einâ ly aw chi.

HLAZY 86:13

Kyh eina pachâna chi he rônah ta, Athihkhih ry chaipa tawhta ei hro na pachha haw.

HLAZY 89:48

Kheihawhpa chyhsa ma thina hmô leipa ta A hroh thlâh ha aw tly? Ahy ma Athihkhih hmotaotheina tawhta A hro a pachha thei aw tly? Selah

HÔSIA 13:14

Athikhih ku tawhta pachha aw ei na ta, Thina tawhta ei chatlai aw ei. Hy thina, na potlana hri cha khataih liata a y? Hy Athihkhih, na châmaih cha khataih liata ma a y? Ngiachhiena cha, Ei mokhaoh tawhta nyupa a châ.

LUKA 23:46

Zisu cha ao paro ngaitapa ta awh ta, “Ei Paw, na ku liata ei thlahpa ei cha pavaosa!” tah ta. Cha bie cha a rei khai nahta, a thlahpa pathlie ha ta.

ZAWHÂNA 14:3

Nama châta su a chhuahdy awpa ta a sie awpa ei châpa vâta, vaw kua heih aw na ta, ei hnohta ei châ chhi aw ei. Chatanachata nâmo chhao ei yna liata nama y aw.

HMOTAOPAZY 7:59

Alô ta ama vaw hai nota, Stiphana cha awh ta, “Abeipa Zisu, ei thlahpa vaw dy mah y,” tah ta.

BIEPHUAH 14:13

Chatawhcha avâ tawhta ao ta, “Hetana heta roh teh: Tahmâ tawhta la, Abeipa liata athipazy ama nohlao aw,” a tahpa thei na ta. Thlahpa ta, “A châ na, ama hriapasanazy a pahâsai aw ei ta, ama hmotaopazy ta a zi aw ei!” tah ta.

BIEPHUAH 5:9

Chatawhcha âmo chata, “Nâ cha châbu chatypa a la tlâhpa châ chi ta, A chahnaonazy a pathlâ tlâhpa na châ. Thiepa ta y chi ta, Na thisaih ta, Chi to nata reih to, Phopi to nata râh to zy cha, Khazohpa châta na chatlai ha ei.