HLAZY 48:8 - Mara Bible RV (BSI)

⁸ Eima theipa hawh tlai ta, Pheisaihzy Abeipa khihpi liata hmô pi ta, Eima Khazohpa khihpi liata eima hmô; Khihpi cha Khazohpa ta chhâzaw ta a pabohsa aw. Selah

HLAZY 48:8 ပူးပေါင်းရင်းမြစ်များ

1 ABEIZY 22:49

Ahabâ sawchapawpa Ahazia ta Zehôsaphâ hnohta. “Keima nâ chakaotuhpazy he nâma châ chakaotuhpazy nata balyhzy liata hmaohkha ta sie ei sy,” tah ta. Châhrasala Zehôsaphâ ta paryhsa vei.

HLAZY 46:5

Khihpi liah liata Khazohpa pahrâ ta, Khihpi cha a chalyu aw vei; My khihdei tita Khazohpa ta a bao tyh aw.

HLAZY 87:5

Zaio kyh liata hetana heta ama tah aw: “He chyhsa nata hao chyhsa hao Zaio liata a pihpa châ ei ta, Chônôchaipa tlai ta Zaio cha a padua aw.”

ISAI 2:2

Noh hnôhlâzy liata cha, Hetana heta a vaw châ aw: Abeipa o tlâh cha, Tlâhpi a sâh chaipazy liata paduapa a châ aw; Tlâhthlôhzy chô lâta chaluahpa châ aw ta, Râh to ta ama by aw.

ISAI 38:19

Tanoh ta ei taopa hawhna heta, Ahrohpa, a châ na, ahrohpa deita ta Alyna bie cha hlâ thei aw ta; Paw ta sawzy hnohta Na ngâchhihna a pahnosa aw ei.

EZEKIA 27:26

Na balyh hiatuhpazy ta cha puakhei ei ta, Tilaipi chatlaopa ru ngaitapa lâ ama cha puakhei. Nochhi thlih ta cha chanaoh ta, Tilaipizy liah liata a cha chanaoh.

MIKÂ 4:1

Noh hnôhlâzy liata cha, Hetana heta a vaw châ aw: Abeipa o tlâh cha, Tlâhpi a sâh chaipazy liata paduapa châ aw ta, Tlâhthlôhzy chô lâta chaluahpa a châ aw; Chatanachata phopizy ta ama by aw.

MATHAI 16:18

Chavâta ei cha chho, nâ cha Pity na châ. He lôpanô chô liana heta ei Awnanopa padua aw na ta, Athihkhih chhikaozy ta pahnie aw vei.