HLAZY 46:4 - Mara Bible RV (BSI)

⁴ Chavah miakha y ta, A vahtiezy ta Khazohpa khihpi palysa ta, Chônôchaipa pahrâna su pathaihpa a palysa tyh.

HLAZY 46:4 ပူးပေါင်းရင်းမြစ်များ

2 THÂTIHZYRONA 6:6

Tahmâ deikua cha, ei moh y nawpa châta Zerusale a tlyh ha na ta, ei phopi Izarei chhituhpa châta Dâvi ei tlyh haw,’ tahpa ta reih ta.

HLAZY 23:2

Si panyupa suzy liata na pabyusa tyh ta, Ti achalihna kiahzy liata einâ chhi tyh.

HLAZY 43:3

Na khaihna nata na biehmeiseihpa vaw tuah la, Chazy chata nâ chhi mawh ei sy! Na tlâh pathaihpa lâ nâ chhi ei sala, Na pahrâna su lâ nâ chhi mawh ei sy!

HLAZY 48:1

Abeipa cha rônah ta, Eima Khazohpa khihpi tlâh pathaihpa liata, Rônah ngaitapa ta reithai awpa a châ.

HLAZY 48:8

Eima theipa hawh tlai ta, Pheisaihzy Abeipa khihpi liata hmô pi ta, Eima Khazohpa khihpi liata eima hmô; Khihpi cha Khazohpa ta chhâzaw ta a pabohsa aw. Selah

HLAZY 65:9

Alei he vaw tlypa ta ti bao chi ta, Alei thata na paphasa; Khazohpa chavah cha ti ta bie ta, Na vaw pachhuapanoh chiehpa hawhta, Chyhsazy cha sâh ta na pasa ei.

HLAZY 87:3

Hy Khazohpa khihpi, Nâma hmo rônahpazy ama reih. Selah

HLAZY 91:1

Chônôchaipa pahrâna o liata a chhaipa chyhsa cha, Atotaotheipa nohdi liata â pahâ aw.

HLAZY 92:1

Abeipa lâta alyna bie reipa cha pha ta, Hy Chônôchaipa, na moh reithaipa ta sapa cha a pha na.

HLAZY 92:8

Nâ deikua cha, Hy Abeipa, Tlyzaw ta cheihchalopa na châ.

HLAZY 93:3

Hy Abeipa, tisaihzy tlô ta, Tisaihzy ta a aoh ei ta, Tisaihzy ta thata amâ rôh.

BIECHHOTUHPA 5:8

Dyhchhiepazy tlybaipa ta ama ypa nata adona nata siana zy thachahra hmâpa ta pahleipa a châzie zy bia liata na hmô khiahta cha, cha kyh liata na noâh khah sy. Hyutuh laipa cha ano hlâta a sâh viapa ta mohpathli ta, âmo pano chô lâta chhao hyutuhpa a sâh viapazy ama y heih.

ISAI 48:18

Ei biepiepazy na vaw nathlie ha mawh sala, Na thlalôhna chavah hawhta châ aw ta, Na siana tilaipi chatlaopa hawhta a châ awpa tlai!

ISAI 60:14

Pasa châ pataosatuhpa sawchapawzy cha, A bôhpa ta nâ lâ a vy aw ei ta; Châ mohnaotuhpa zydua chhao, Na phei thaby liata amâ bôh aw. “Abeipa Khihpi” cha tah aw ei ta, “Izarei Mo Pathaihpa Zaio Khihpi” ama cha tah aw.

MIKÂ 6:6

“Khâpa a cheipa ta ma, Abeipa hmiakô lâ vawh aw na ta, Khazoh chônôchaipa hmiakô liata ei bôh aw tly? Raopa hlânazy cheipa ta ma, Viahchaotaw kô khapazy cheipa ta ma, Abeipa hmiakô lâ cha ei vawh aw?

HEBRAI 12:22

Nâmo deikua la, Zaio Tlâh, Khazohpa hrohpa khihpi, vâ Zerusale, vâlyuhchâpa rei tiah leizy alyna pakhypi su lâ namâ vy hih.

BIEPHUAH 21:10

Thlahpa ta tlâh laipa nata a sâhpa lâ nâ chhi ta, khihpi pathaihpa Zerusale cha vârâh liata Khazohpa tawhta a za chô haipa na pahmô ta.