HLAZY 44:3 - Mara Bible RV (BSI)

³ Ama zaozi ta râh he pahnie leipa ei ta, Ama bâh ta pachhana tlôkhei hra veih ei; Ama chô liata nâ lypa vâta, Na ku chachâh lâ nata nâma bâh tlai ta âmo cha pachha chi ta, Na hmia khaihna ta na pachha ei.

HLAZY 44:3 ပူးပေါင်းရင်းမြစ်များ

2 SAMUELA 7:23

Na phopi Izarei hawhpa he alei chô liata khâpa phopi ma a y? Khazohpa ta a moh rônah nawpa ta phopi miakha a tlyh ta, ano phopi ta tao awpa ta, sie ta a kei chatlaipa phopi ahy ma a y? Na phopi châ awpa ta Izi tawhta na chatlaipa, ama châta hmo rônahpa nata rarôh ypa taopa ta, ama hmiakô tawhta phopi nata a khazohzy na papuapa phopi ahy ma a y?

2 THÂTIHZYRONA 20:7

Hy eima Khazohpa y, he râh liata a pahrâpazy he, na phopi Izarei hmiakô liata papua chi ta, râh cha na viasa Abarahâ pathlazy hnohta chhâzaw châta na piepa châ vei ma?

HLAZY 111:6

A hmotaopazy hmotaotheizie a phopi hnohta palâsa ta, Phopizy ryuto râh cha âmo a pie ei.

HLAZY 17:7

Hy nâma châ chhaipazy pachhatuhpa y, Na ngâchhihna cha na hmotao noâhpazy liata palâsa la, Na ku chachâh lâta ama chariahpazy tawhta pachha mah y.

HLAZY 20:6

Tahmâ Abeipa ta a sathawthupa a pachha tahpa ei pahno haw; A vâ pathaihpa tawhta a zâ chhy aw ta, A ku chachâh lâta pachhana thatlôna ta a zâ chhy aw.

HLAZY 4:6

Chyhsa hluhpi ta, “Ahy ma hmo phapa miah a pahmô aw? Hy Abeipa, na hmia khaihpa eima chô liata pakhaih mah y!” tah ei ta.

HLAZY 42:11

Hy ei thlahpa, khazia a khu chi ta, Khazia ei chhôh liata a tymâpa ta na y? Khazohpa hnabeiseih mah y. Ano cha reithai heih aw na ta, Ei pachhana nata ei Khazohpa cha ei reithai aw.

HLAZY 42:5

Hy ei thlahpa, khazia ma a khu chi ta, Khazia ma ei chhôh liata a tymâpa ta na y? Khazohpa hnabeiseih mah y. Ei pachhana cha reithai aw na ta,

HLAZY 74:11

Khazia na ku nâ dao ha tly, Khazia na ku chachâh lâ nâ dao ha tly? Na chysia byh tawhta na ku phia la, Âmo cha pahleipadia ha mah y.

HLAZY 77:15

Na bâh ta na phopi chatlai chi ta, Zakaw nata Zawsi pathlazy na chatlai ha ei. Selah

HLAZY 78:55

Ama hmiakô liata phopizy papua ta, Ama râhzy cha Izarei chizy ryuto châta pachhaih ta, Izarei chizy cha phopizy poh ozy liata a pahrâsa ei.

HLAZY 80:16

Na kre zôh mei ta raopa ta thlu ei ta, Na rana vâta na phopi a leidia ha hih.

HLAZY 80:9

Chhaohlei pathaipa chi ta, Â thupi taih a thari thla ta, Lyurâh a bie khai haw.

PUASAINA 15:16

Hy Abeipa, na phopi ama khô khai hlâlei cha, Na chaleipa phopi ama khô hlâlei cha, China nata ngiarohna ta Izi mo tla thlu ta, Na bâh thatlôna vâta alô hawhta amâ chalih.

ISAI 63:12

A bâh rônahpa Mawsi ku chachâh lâta pasiesa ta, Anosasyh ta chhâzaw moh a tao awpa ta, Ama hmiakô liata tizy a pachhaihtuhpa kha, Khataih liata a y haw?

ZEKARIA 4:6

Ano ei hnohta: “He he Zerubâbe châta Abeipa bie a châ: ‘Thatlôna vâta châ leipa ta, biehneina vâta châ hra leipa ta, ei Thlahpa ta tlao châ mawh sy,’ Pheisaihzy Abeipa ta a tah.

MALUHREINA 14:8

Eima chô liata Abeipa â ly khiahta cha, cha râh lâ cha miah a chhi aw ta, miah a pie aw, sâhpiti nata kheihti lona râh cha.

2 KAWRINI 4:7

Châhrasala hmotaotheina rônah ngaitapa he, keimo tawhta a puapa châ leipa ta, Khazohpa eih a châpa eima palâsa thei nawpa ta, cha ryu cha alei beihzy liata eimâ vao.

RYHPACHANEINA 10:15

Cha hawhpa Abeipa chata châ pathlatuhpazy chô liata a palôh tlâh ta, ama kyhpachâ ta, tanoh nama châna hawhna heta, nâmo, ama pathlazy cha phopi zydua chô lâta cha sopa ta, a châ tlyhpa ei a châ hih.

ZAWSUA 24:12

Nama hmia lâta kheihpangiah tuah na ta, cha chata âmo cha nama hmiakô tawhta a chadai ta, Amawri bei pano â chadaipai ha ei. Nama zaozi ta tlyma, nama libaw ta tlyma nama pahniepa châ vei.

ZAWSUA 3:10

Zawsua ta, “He hmozy liana heta Khazoh hrohpa cha nama hry liata y ta, nama hmiakô tawhta Kâna mo, Hiti mo, Hivi mo, Perizi mo, Kirkâsi mo, Amawri mo nata Zebu mozy a papua tlai aw ei tahpa nama pahno aw.

1 SAMUELA 12:22

A moh rônah ngaitapa vâta Abeipa ta ano phopi cha a heihsai aw vei. Ano phopi châta a cha taopa liana ei heta Abeipa cha a palysa ngaita.