HLAZY 44:22 - Mara Bible RV (BSI)

²² Nâma vâta noh y ta thiepa ta y pi ta, Mietaku thie awpa hawhta pachâpa eima châ.

HLAZY 44:22 ပူးပေါင်းရင်းမြစ်များ

ÂTHAONA 18:15

Sârâ cha a chipa vâta, “Pahneih va na” tahpa ta a phih ta. Ano ta “Châ vei, na pahneih tlaipa kha,” tah ta.

1 ABEIZY 19:10

Elaizâh ta, “Abeipa, Pheisaihzy Khazohpa châta phahnai a ngiah ngaita tyh na ta. Izarei sawzy hra ta na biehrai tleisai ei ta, na maisâhzy pacho ei ta, na hrohsopazy zaozi ta chhawhsao ei ta, keima, keima deita he a laibâhpa y na ta, keima chhao he ei hrona na la amâ chhuah,” tah ta.

HLAZY 139:2

Ei tyupa nata ei duapa pahno chi ta, Ei pachânazy chhao lâhlapi tawhta na pahno.

HLAZY 44:11

Thie awpa mietaku hawhta miah tao chi ta, Phopizy hry liata miah na hiepatla haw.

HLAZY 94:11

Abeipa ta chyhsapa pachânazy pahno ta, Hraoleipa dei ama châ tahpa a pahno.

ISAI 53:7

Ano cha tlybaipa ta y ta, Châhrasala anosasyh ta a panawh ta, A pakah â vei. Mietakutaw thie awpa amâ chhipa  chalih thlâh hapa hawhta, Ano chhao â chalih thlâh haw; Mietaku hmi ngyutuhpa hmiakô liata, Mietaku â chalih thlâh hapa hawhta, Ano chhao â chalih thlâh haw; A pakah â vei.

ZEREMIAH 17:10

“Kei, Abeipa he chyhsa to ama hrozie hawhta thôpa ta, Ama hmotaopa thei hawhta thô awpa ta, Palôh a mohtuhpa châ na ta, Pachâna a pasiatuhpa ei châ.”

ZAWHÂNA 15:21

Châhrasala nâ tuahtuhpa ama pahno leipa vâta, he hmo zydua he ei moh vâta nama chô liata ama tao aw.

RAWMA 8:36

“Nâma vâta noh y ta thiepa ta y pi ta, Mietaku thie awpazy hawhta pachâpa eima châ,” tahpa ta ropa a châ.

1 KAWRINI 4:9

Khizaw nata vâlyuhchâpazy nata chyhsazy mo phapa châ awpa ta, keimo, lyuhchâpazy pi he, thie awpa ta pathlupa chyhsazy hawhta, Khazohpa ta a hnôh chai ta miah a chaluahpa châ khiah ma ei tah tyh.

ZAWSUA 22:22

“Zehôvah, khazohzy Khazohpa! Abeipa, khazohzy Khazohpa! Ano ta pahno ta, Izarei chhao ta pahno mawh sy! Eima maisâh taopa he Abeipa a dyuhpa tlyma, a rei a ngiah leipa tlyma a châ khiahta cha, tanoh he miah pahlôh khuh vy.

BIEPHUAH 17:6

Cha chanô cha mopathaihpazy thisaih nata Zisu mâtyzy thisaih a paripa ta hmô na ta. Ei hmô nahta, ei noâh ngaita ta.