HLAZY 43:1 - Mara Bible RV (BSI)

¹ Hy Khazohpa, nâ duakhei la, Thai na pachâsa mah y! Khazohpa a pachâ leipazy tawhta na pachha la, Dôvei hmâhpa nata chyhsa doleipa tawhta na pachha mah y!

HLAZY 43:1 ပူးပေါင်းရင်းမြစ်များ

2 SAMUELA 15:31

Chyhsa pakha ta Dâvi hnohta, “Ahitôphe cha Absalaw hnohta y ta, teiparutuhpazy hry liata â hlao hra,” tahpa ta chho ei ta. Dâvi ta, “Hy Abeipa, ei châ haw na, Ahitôphe ryhraokheina cha hruna lâta rie pachâsa mah y,” tah ta.

2 SAMUELA 16:20

Absalaw ta Ahitôphe hnohta, “Khâpa ma eima tao tua chai aw? Na ryhraozie reih teh,” tah ta.

2 SAMUELA 18:8

Adyuhna cha râh chhôh zydua liata tlô ta, cha noh ta râhmâhpa ta chyhsa a palâpa cha, zaozi ta a palâpa hlâ chhao ta ama hluh via.

HLAZY 140:5

Akhotlâhpazy ta arulâta khoheih na chôkhâh ei ta, Chaorizy ta sao na parai khâhpa ta, Lâpi liata khoheihzy eina chôkhâh ei. Selah

HLAZY 26:1

Hy Abeipa, ei dona hrokhei na ta, Tleisai leipa ta Abeipa ei ngâ hapa vâta, Thai na pachâsa mah y.

HLAZY 35:1

Hy Abeipa, nâ chakhiatuhpazy chakhia la, Nâ dyuhtuhpazy a dyuh mah y!

HLAZY 35:24

Hy Abeipa, ei Khazohpa, Na sianazie lymâ hawhta thai na pachâsa la, Ei chhiena liata amâ ly awpa pasaih khah y!

HLAZY 5:6

Haipa bie a reihpazy pahleipadia chi ta, Thisaih palo hmâhpa nata dôvei thaipazy cha, Abeipa ta â hao ei.

HLAZY 54:3

Chihropazy ta na thyuhnaopa ta, Chyhsa nôchhiepazy ta ei hrona tei ei ta, Ama hmiakô liata Khazohpa soh veih ei. Selah

HLAZY 7:7

Phopi a hmaohpakhypazy ta cha chadô ei sala, Chô lâ tawhta ama chô liata ryureih mah y.

HLAZY 7:8

Abeipa ta phopizy pachia ta, Hy Abeipa, ei sianazie hawhta na pachia la, Hy Chônôchaipa, ei dona hawhta na pachia mah y.

HLAZY 7:9

Hy Khazoh siapa, Hmoparaopazy moleina pachhâsa la, Mosiapazy padua mah y; Nâ cha pachâna nata palôhzy pasiatuhpa châ tlôh chi ta.

HLAZY 71:4

Hy ei Khazohpa, moleipa ku tawh­ta na pachha la, Chyhsa chhiepa nata adoleipa ku tawhta na pachha mah y.

HLAZY 75:7

Pachiatuhpa cha Khazohpa châ ta, Ano ta pakha panawhsa ta, Pakha a cheihchalo tyh.

BIESOZY 22:23

Abeipa ta ama bie a duakhei tlôh aw ta, Âmo a hraotuhpazy hro a hrao hra aw.

BIESOZY 23:11

Âmo chatlaituhpa cha a thatlô tlôh ta, Âmo a duakheipa ta a châ dyuh pathlei aw na.

MIKÂ 7:9

A chô liata ei molei hapa vâta, Ei kyh na reikhei sala, Pachiana eina taopa hlâlei cha, Abeipa ruchhôna ei phaoh aw. Khaihna lâ nâ chhi papua aw ta, A thaipachâsana ei hmô aw.

1 KAWRINI 4:4

Keimasasyh a maochhie nawpa khâpa hmah pahno va na. Châhrasala cha chata thai na pachâsa hlei vei. Nâ pachiatuhpa cha Abeipa a châ.

1 PITY 2:23

Reipachhiepa ta a y nota, reipachhie hri leipa ta, pasa taopa ta a y nota, pachhipary hra vei. Â dopa ta pachiatuhpa hnohta tlao â hlâ tyh.

1 SAMUELA 24:15

Chavâta Abeipa ta nâma nata keima likah pachia sala, bietluna tao mawh sy. Hmo yzie moh sala, ei chhâh a châ sala, na ku tawhta na pachha mawh sy,” tah ta.