HLAZY 42:9 - Mara Bible RV (BSI)

⁹ Khazohpa ei lôpanô hnohta, “Khazia eina my ha chi? Khazia chariahpa tlybaina vâta, Mâchhiesapa ta ei khie aw?” tah na ta.

HLAZY 42:9 ပူးပေါင်းရင်းမြစ်များ

HLAZY 13:1

Hy Abeipa, khati taih ma a châ aw? Chhâzaw ta ma eina my aw chi? Khati taih ma na hmia eina nyusai aw chi?

HLAZY 18:2

Abeipa cha ei lôpanô, ei thokhy nata nâ pachhatuhpa châ ta, Ano cha ei Khazohpa, ei chhaipa lôpanô châ ta, Ei vyhphao, ei pachhana ki nata ei diahsua a châ.

HLAZY 28:1

Hy Abeipa, cha pado na ta, Hy ei lôpanô, kei lâta na nah pâ khah sy; Chataleipatala, einâ chalihsai khiah chi ta cha, Khaohtlô liata a tlapa hawhta ei châ pathlei aw na.

HLAZY 38:6

Nôpopa ta a khu na ta, Noh y ta pachârôhpa ta ei y.

HLAZY 43:2

Nâ cha ei bohna Khazohpa châ tlôh chi ta, Khazia eina dytha chi tly? Chariahpa tlybaina vâta, Khazia mâchhiesapa ta ei khie aw tly?

HLAZY 55:3

Chariahpa pyu thei na ta, Moleipa ta eina moaipa vâta. Chhiena na thy thlu ei ta, Hiehâhpa ta eina taochhie ei.

HLAZY 62:2

Ano deita cha ei lôpanô nata ei pachhana châ ta, Ei thokhy châ ta, A chalyu beih aw va na.

HLAZY 77:9

Khazohpa ta ngiachhiena hnei awpa a my ha ma? Hiehâhna ta ma a thapasana a khaw haw?” Selah

HLAZY 78:35

Khazohpa cha ama lôpanô a châ tahpa a thei ei ta, Chônôchai Khazohpa cha, Âmo chatlaituhpa a châ tahpa amâ thei heih tyh.

HLAZY 88:9

Pachâchhiena vâta ei mo zoh khai ha ta, Hy Abeipa, noh chareih ta cha pado na ta, Nâ lâta ei kuzy ei vaw pazawh.

HLAZY 92:3

Totâ ri hrawhpa ta cha reithai na ta, Tlaipih nata ao ngiapa ta ei cha reithai tyh.

BIECHHOTUHPA 4:1

Pachâ via heih na ta, noh ry liata tlybaina zydua hmô na ta. Moh teh u, tlybaipa ta a ypazy cha mothlih chhaota y ei ta, thlah a palôh awpa hnei veih ei. Âmo a tlybaituhpazy cha hmotaotheina hnei ei ta, âmo deikua cha thlah a palôh awpa y veih ei.

ISAI 40:27

Hy Zakaw, khazia hetana heta tah chi ta, He Izarei, khazia hetana heta na reih? Khazia, “Ei lâpi cha Abeipa tawhta nyupa châ ta, Ei Khazohpa ta ei thâtih pachâ khoh vei,” na tah thai?

ISAI 49:15

“Chanô ta a saw sâhpi a ngiehpa a my thei aw ma? A chhi tawhta a puapa ngiachhie leipa ta a y aw ma? Chanôzy ta la ama sawzy ama my ngyu na, Kei deikua ta la cha my aw va na.