HLAZY 39:12 - Mara Bible RV (BSI)

¹² “Hy Abeipa, ei thlahchhâna theipa ta, Ei awhna lâ he nah vaw pachôh la, Ei mothlihzy he a chalihsai khah y! Na hnohta khitlyhpa châ na ta, Nâ pathlatuhpazy hawhna khata, Khichhaipa dei ei châ hih.

HLAZY 39:12 ပူးပေါင်းရင်းမြစ်များ

ÂTHAONA 21:34

Chatanachata Abarahâ cha Philistinâ râh liata bohpi y ta.

ÂTHAONA 47:9

Zakaw ta Phiraoh hnohta, “Ei khitlyna kôzy cha kô 130 a châ. Ei hro chhôh kôzy cha chyhta ta, riethei â chhih kaw. Nâ pathlatuhpazy khitlyna nohzy liata ama hro chhôh kôzy a kho vei,” tah ta.

2 SAMUELA 16:12

Abeipa ta ei chô liata â doleipa ta a hmotaopa he hmô aw ta, tanoh ta ei chô liata chhie a sapa he a phapa lâta Abeipa ta eina thô thei mâh tâh,” tah ta.

2 ABEIZY 20:5

“Kua la, ei phopi hyutuhpa Hezekia hnohta, Abeipa, châ pathlatuhpa Dâvi Khazohpa ta hetana heta a tah: ‘Na thlahchhâna thei na ta, na mothlihzy ei hmô haw. Nathlie teh, cha patlâh aw na ta, noh thôhna noh ta Abeipa o lâ na khy aw.

1 THÂTIHZYRONA 29:15

Miah pathlatuhpazy hawhna khata, keimo cha na hmiakô liata khichhaipa nata khitlyhpa hawh dei châ pi ta, alei liata eima hro nohzy he nohpahlipa hawh dei châ ta, hnabeiseih awpa rai y vei.

ZAWBÂ 13:28

Chyhsapa cha hmo thupa hawhta zaotla ta, Chhoma-u niepa chysia hmypa hawhta a zaotla tyh.”

ZAWBÂ 16:20

Ei viasazy ta na zakhei ei ta, Ei mozy ta Khazohpa lâ mothlih ama pathla.

HLAZY 102:1

Hy Abeipa, ei thlahchhâna he thei la, Ei awna ao nâ lâ vaw tlô mawh sy!

HLAZY 116:3

Thina khoheihzy ta na chadôpa ta, Athihkhih pasa taonazy ta na patu ta, Nôpopa nata pachârôhpa ta ei y.

HLAZY 119:19

Alei liana he khitlyhpa deita châ na ta, Na biepiepazy na nyu khâh khah y!

HLAZY 119:54

Ei khitlyna o liana heta, Na bieraopazy cha ei hlazy ama châ tyh.

HLAZY 56:8

Ei viavinazy ngiapa ta, Ei mothlihzy na chhiehraôh liata ryh chi ta, Na châbu liata ropa a châ.

HLAZY 90:9

Na pathiiana ry liata eima noh zydua lei ta, Ahrôna ta eima kôzy eima pachhâ tyh.

THEIHTHAINA 25:23

“Râh cha nama zuah pathlah awpa châ vei. Râh cha kei eih châ ta, nâmo cha khichhaipa nata khitlyhpa, ei râh liata a pahrâ chypa dei nama châ.

2 KAWRINI 5:6

Chavâta riahphapa ta eima y tyh. Pôhpa o liata eima y chhôh deita he Abeipa tawhta eimâ hla chypa pahnopa ta,

HEBRAI 11:13

Cha zydua cha ngiapâna hneipa ta thi ha ei ta. Ama hnohta bietaipa hmozy ama to mâh leipa chhao ta, lâhlapi tawhta saipa ta a naoh ei ta, alei liata cha khichhaipa nata khitlyhpa dei ama châ tahpa ama pahno.

HEBRAI 5:7

Sapa pôhpa ta a hro chhôh ta, Zisu cha thina tawhta a pachha theituhpa lâ ao paro ngaitapa ta mothlih chhaota awh ta, thlahchhânazy nata hianazy hlâ ta, Khazohpa a chizana vâta a thlahchhâna cha nathliepa a châ.

1 PITY 1:17

Khokhei viapa hnei leipa ta, chyhsa to ama hmotaopa chyu hawhta pachiatuhpa cha Paw hawhta nama pado khiahta cha, khizaw liata nama y chhôh cha khitlyhpa hawhta y u la, Paw Khazohpa cha chiza muh vy.

1 PITY 2:11

Kho ngaitapa saih u, khichhaipa nata khitlyhpa nama châpa vâta, thlahpa a dyuhtuhpa sapa aohraohnazy bâhsai awpa ta ei châ haw ei.