HLAZY 37:8 - Mara Bible RV (BSI)

⁸ Hiehâh lei awpa ta maoh oh la, Pathiiana a heihsai mah y! Na ru a pachhô khah y, Ruchhôna cha hmo pha leipa deita a tlôkhei tyh.

HLAZY 37:8 ပူးပေါင်းရင်းမြစ်များ

1 ABEIZY 11:22

Phiraoh ta a hnohta, “Ei hnohta na ypa heta khâpa ma a phahla chi ta, na râh lâ a lie awpa cha na khoh tly?” tah ta. Hâdâ ta, “Khâpa hmah a phahla va na. Châhrasala rie na pasiesa thlâh ha teh,” tah ta.

ZAWBÂ 18:4

Hiehâhpa ta nâmasasyh a chaphiepa chi cha, Nâma châta alei siesaipa a châ aw ma? Lôpanô a su tawhta pasiepa a châ aw ma?

ZAWBÂ 5:2

Ruchhôna ta ahrupa thie ta, Hiatliana ta angâpa a patlaopâ tyh.

HLAZY 116:11

Chipa ta y na ta, “Chyhsapa zydua a haihpa sai ama châ,” Ei vaw tah thlâh ha cha.

HLAZY 31:22

Kei hra ta ei rawrôhpa ta, “Na mohmô tawhta chhawh pathlahpa ta ei y haw,” tah na ta; Châhrasala baona hiapa ta ei cha aw tita, Zawngiah awpa ta ei châ hawna ao na thei heih.

HLAZY 73:15

“Cha hawhta ei reih aw,” tah aw sah la, Na sawzy chhâ he a paphasaipa ei châ aw.

BIESOZY 14:29

Hiehâhna kyh liata nainôsôpa chyhsa cha novâhna a hnei hluhpa châ ta, Thlai ta a hie a hâh thlâh ha tyhpa chyhsa deikua cha hruna a cheihchalo tyh.

BIESOZY 16:32

Chyhsa palôh pasipa cha, Thatlôpa hlâta pha via ta; Ano palôh chô liata bie a hnei theipa chhao, Khihpi a latuhpa hlâta a pha via.

ZAWNA 4:1

Khazohpa ta Ninivâ khihpi a pahleipadia khao leipa vâta, Zawna cha a ly leipa ta, a hiehâh ngaita ta.

ZAWNA 4:9

Khazohpa ta Zawna hnohta, “Titheih zôh kyh ta na hiehâhna he â do ma?” tah ta. Zawna ta, “Ei hiehâhna he â do na, thi theina taihta na ei hie a hâh,” tah ta.

EPHESI 4:26

Nama hiehâh sala, molei deikua molei khuh vy. Nama hiehâhna cha noh ta tlakhei leipa sala,

EPHESI 4:31

Ruchhôna, pathiiana, hiehâhna, paphôhna nata reipachhiena zydua nâmo tawhta thy khai teh u.

KAOLAOSÂ 3:8

Tahmâ deikua cha, hiehâhna, pathichhiena, ahaona, reipachhiena nata bie puapa zy nama pakah tawhta nama pahlei awpa a châ.