HLAZY 37:40 - Mara Bible RV (BSI)

⁴⁰ Mosiapazy cha ano amâ chhaipa vâta, Abeipa ta âmo cha baopa ta, Pachha tyh ta, Moleipazy tawhta pachha ta, A pabohsa tyh ei.

HLAZY 37:40 ပူးပေါင်းရင်းမြစ်များ

1 THÂTIHZYRONA 5:20

Adyuhna liata Khazohpa lâ thlahchhâ ei ta, ano ama ngâpa vâta, a para ngaitapa ta ama hiana cha Khazohpa ta chyh-ei ta, Hâkari mo nata ama hnohta a ypa zydua cha ama ku liata a pie ha ei.

HLAZY 17:13

Hy Abeipa, thyu la, Ano cha a heihnaopa ta panawh la, Ei hrona he moleipazy tawhta na zaozi ta pachha mah y.

HLAZY 27:2

Hmoparaopazy nâ vyhnao ei ta, Ei sapa nie khai amâ chhuah; Ei chariahpa nata ei khakhaipazy cha, Âmo tlao a chapia ei ta ama pao.

HLAZY 34:20

A rupa zydua pabohsa ta, Miakha hmah tlie vei.

BIESOZY 20:22

“Moleina cha viari ei thô aw,” tah khah y, Abeipa hâ la ano ta a cha pachha aw.

ISAI 31:5

Pavawzy ta ama tawzy chô liata ama heihpa hawhta, Pheisaihzy Abeipa ta Zerusale cha a pabohsa aw. Zerusale cha pabohsapa ta pachha aw ta, Pahlôh aw ta a pachha aw.”

ISAI 46:4

Nama machâna taih chhao ta, Ano cha châ aw na ta; Nama sâ pawhna taih chhao ta, Ei cha pi lymâ aw ei. Nâmo châ taotuhpa châ na ta, Nâmo châ pyhtuhpa ei châ aw; Cha pi aw ei na ta, Ei cha pachha aw ei.

DÂNIAH 3:17

Patina meihô liata thypa eima châpa chhao ta, eima chakaopa eima Khazohpa ta patina meihô ru ngaitapa tawhta miah pachha thei ta, Hy abei y, nâma ku tawhta chhao miah a pachha thei.

DÂNIAH 3:28

Chatawhcha Nebukaneza ta hetana heta tah ta, “Sâdarâka, Mesâka nata Abenekô zy Khazohpa cha reithaipa ta y mawh sy! A vâlyuhchâpazy za tuah ta, ano ngâpa ta a chakaotuhpazy cha a pachha ha ei. He chyhsazy heta âmo Khazohpa dei leipa ta cha khazoh hropa rai a chhy lei awpa ta ama pôhpa amâ hlâ hapa vâta abei biepiepa chhao zyh leipa ta ama y.

DÂNIAH 6:23

Abei cha a ly ngaita ta, Dâniah cha lôpu tawhta thao awpa ta biepie ta. Dâniah cha lôpu tawhta thaoh ei ta, ano liata pasana khâpa hmah hmô awpa y vei, a Khazohpa khâchâ a ngâ hapa vâta.

1 ZAWHÂNA 5:18

Khazohpa sapa maihta molei ngâ thlâh ha veih ei tahpa eima pahno. Khazohpa sapa a châna ta ano cha hrôbieh ta, Sâtâ ta hria thei vei.