HLAZY 37:35 - Mara Bible RV (BSI)

³⁵ Chyhsa chhiepa moleipa hmô na ta, Thobuh hrohpa hawhta â zawhpa ei hmô.

HLAZY 37:35 ပူးပေါင်းရင်းမြစ်များ

2 SAMUELA 18:14

Zôabâ ta, “He hawhpa chyhsa hnohta la daihti pahryuh ngâ aw va na,” tah ta, asei miathôh a chei ta, Absalaw cha ôkâ tho liata a hrohpa ta a y thlâh ha nota a châh-ao liata a chô ta.

2 SAMUELA 18:15

Zôabâ chhaichhi a chabatuhpa thyutlia pahrawhzy ta Absalaw cha vaw chadô ei ta, a chô ei ta, ama thie haw.

ESTHERI 5:11

Hâmâ ta sôh nata piah a hnei hluhzie zy, sawchapaw a hneipa zie zy, abei ta a pakiasâhsana, a palyupalihna nata beimachâ nata chakaotuhpa hropazy hlâta chônô viapa ta a sona thâtihzy âmo cha chho ta.

ZAWBÂ 5:3

Ahrupa ta thari a thlapa hmô na ta, A pahrâna cha thlai chhie ei sapa.

ZEREMIAH 12:2

Âmo cha loh chi ta, thari thla ei ta, Laiseih ei ta, thei ama pathei tyh. Ama pakah a hnia chi ta, Ama palôh deikua cha nâ hla kaw.

EZEKIA 31:18

“Idâh thokôzy hry liata rônahna nata palyupalihna liata nâ hawhpa he ahy a y tly? Châhrasala Idâh thozy chhaota alei ry lâ thypa châ aw chi ta, zaozi ta thiepa chopawtaileipazy hry liata nâ zia aw. “Cha hawhna chata Phiraoh nata a zawpi zydua cha ama châ aw,” Abeipa Zehôvâh ta a tah.

EZEKIA 31:5

Chavâta lyurâhpa tho zydua hlâta a sâh via ta, A chiahpizy a pahreih kaw; A chiahzy seih ta, Ti hluhpi ta pasapa a châpa vâta, A laiseih lymâ.

DÂNIAH 11:19

Chatawhcha a râh thokhyzy lâta kua heih aw ta, châhrasala a chapiapa ta pao aw ta, hmôpa châ khao aw vei.

DÂNIAH 4:7

Moliethaipazy, dyuthaipazy, awhsithaipazy nata pachaothaipazy a vy ei ta, ei mâsapa cha âmo chho ei na ta, châhrasala a chhopasiana na chho thei veih ei.

DÂNIAH 8:24

A thatlô ngaita aw ta, châhrasala ano thatlôna vâta châ aw vei. Raona chichhihpa patlôsa aw ta, a hmotaopa maih liata a hlao a tloh aw. Chyhsa thatlôpazy nata chyhsa pathaihpazy a pahleipadia aw.