HLAZY 37:34 - Mara Bible RV (BSI)

³⁴ Abeipa cha hâ la, A lâpi a chhih mah y; Cha cheihchalopa ta, Râh ryu cha patosa aw ta, Moleipazy chhawh pathlahpa ama châ nota na hmô aw ei.

HLAZY 37:34 ပူးပေါင်းရင်းမြစ်များ

ZAWBÂ 17:9

Mosiapa cha a lâpi khâchâ patu ta, Ku pathaihpa cha a thatlô rili tyh.

HLAZY 112:8

A palôh a i ta, Pahniena ta a khakhaipazy a moh hlâlei cha, A thlazoh aw vei.

HLAZY 112:9

A sôh nata piahzy a saipa ta rai ta, Dyhchhiepazy a pie tyh; A siana chhâzaw ta y aw ta, A ki palyupalih ta cheihchalopa a châ aw.

HLAZY 25:13

A hro a ly aw ta, A chipathla ta râh ryu a to aw.

HLAZY 27:14

Abeipa cha hâ la, Thatlôpa ta y mah y! Abeipa cha hâ la, Riahphapa ta y mah y!

HLAZY 37:3

Abeipa cha ngâ la, Hmo pha tao mah y; He râh liata pahrâ la, Ngâchhihna zi lymâ mah y.

HLAZY 37:7

Abeipa hmiakô liata a chalih la, Ano cha hâ hualua mah y. Moleipa a dyhpha tita na pachâ chhie leipa sala, Chhiena a patlôsatuhpa chyhsa vâta na pachâ chhie hra khah sy!

HLAZY 37:9

Hmoparaopazy cha chhawh pathlahpa châ aw ei ta, Abeipa a hâtuhpazy deikua cha, râh he ryu ta ama to aw.

HLAZY 91:8

Na mo ta moh aw chi ta, Moleipa viarithôpa a châpa na hmô aw.

HLAZY 92:12

Mosiapa cha thiahrâ kô hawhta locho aw ta, Lebanaw sidy tho hawhta a laiseih aw.

BIESOZY 16:17

Chyhsa dopa lâlai cha moleina chahrih ta, A lâpi a phapa ta a vaihpa cha a hrona a pabohsa.

BIESOZY 20:22

“Moleina cha viari ei thô aw,” tah khah y, Abeipa hâ la ano ta a cha pachha aw.

BIESOZY 29:16

Moleipazy ama pôh nahta, Moleina chhao pôh ta; Châhrasala mosiapazy ta ama paopa ama hmô aw.

ISAI 57:13

Baona hiapa ta na aw tita, Nothlahpa na sopakhypazy ta Cha pachha mawh ei sy. Châhrasala âmo cha thlih ta cheih aw ei ta, Ei kha hu sopa ta a phaoh pathlah khai aw ei. Keima nâ chhaipa deikua cha râh ryu to aw ta, Ei tlâh pathaihpa ryu a to aw.

MATHAI 24:13

Achhâna taihta a tao hualuapa cha pachhapa ta a y aw.

LUKA 14:11

A pasâhsapa maih panawhpa châ aw ei ta, a panawhpa maih palyupalihpa ama châ aw,” tah ta.

RYHPACHANEINA 5:33

Abeipa nama Khazohpa lâpi a chhih aw ei chi ta, a biepiepa zydua nama zyh awpa a châ. Chatanachata hroh aw ei chi ta, nama châta pha aw ta, nama hnei awpa râh liata thlaochhipa ta y aw ei chi ta, nama hro a pareih aw.

1 PITY 1:7

Chatanachata pasiapa ta a ypa namâ ngiapâna cha, mei ta pasiapa ngôh hlâta sôh viapa ngiapâna hmeiseihpa a châzie a lâ aw ta, Zisu Krista â vaw luah tita reithaina nata palyupalihna nata rônahna zy nama to aw.

1 PITY 5:6

Chavâta Khazohpa ku thatlôpa ry liata a panawh teh u. Chatanachata a daihtita liata a cha palyupalih aw ei.