HLAZY 37:25 - Mara Bible RV (BSI)

²⁵ Hawti vaw châ na ta, Tahmâ cha ei machâ haw; Mosiapa pathluapa ta a ypa hmô beih leipa na ta, A pathlazy nie hnei leipa ta kudaopa hmô beih va na.

HLAZY 37:25 ပူးပေါင်းရင်းမြစ်များ

ÂTHAONA 17:7

Na Khazohpa châ awpa ta keima nata nâma likah liata ei biehrai cha chhâzaw biehrai châta ei pa-i aw. Na hnôhlâ ta chhâ a vaw y awpa na pathlazy Khazohpa châ lymâ awpa ta, kei nata na hnôhlâ ta na pathlazy likah liata chhâzaw biehrai a châ hra aw.

ZAWBÂ 15:23

Viahchhâ vâta viavipa ta, ‘Khataih lia a y,’ tah ta. Zohna noh ta â vaw hnia haw tahpa pahno ta,

ZAWBÂ 4:7

“Pachâ tua, chyhsa dopa a leidia beih ma? Khataih liata ma mosiapa chhawh pathlahpa ta a y?

HLAZY 109:10

A sawzy viavipa ta kudao ei sala, Ama pahrâna khih rypa tawhta lâhlapi lâta nie awpa tlua mawh ei sy!

HLAZY 112:2

A chipathla cha râh pasaipha châ aw ta, Chyhsa dopa chhâ cha byhnâ ama to aw.

HLAZY 25:13

A hro a ly aw ta, A chipathla ta râh ryu a to aw.

HLAZY 37:28

Abeipa cha ryureina dopa khoh ta, A mopathaihpazy a heihsai beih leipa ta, Chhâzaw ta a hrôbieh ei. Moleipa pathlazy deikua cha, Chhawh pathlahpa ama châ aw.

HLAZY 59:15

Nie awpa tluapa ta a khiekhâ ei ta, Ama rih a bie vei khiahta cha ama pahnua tyh.

HLAZY 71:18

Chavâta Hy Khazohpa, Machâpa nata sâ pawhpa ei châ tita, Na siesai khah y; Chhâ a vaw y awpa hnohta na thatlôna ei phuah hlâlei cha, Na siesai leipa la; Miah a vaw pazi awpazy hnohta Na hmotaotheina ei phuah hlâlei cha, Na siesai hra khah y.

HLAZY 71:9

Ei machâ tita na thy leipa la, Ei tha â sy tita na siesai khah y.

HLAZY 94:14

Abeipa ta a phopi siesai leipa aw ta, A ryuto cha thy aw vei.

BIESOZY 13:22

Chyhsa phapa cha a samohzy to awpa taihta ryu siesai ta, Moleipa sôh deikua cha mosiapa châta pachôpa a châ.

ISAI 13:16

Ama hawsaihzy taichheihpa châ aw ei ta, Ama mohmô lia tlai ta taichheihpa ama châ aw; Ama ozy hraopa châ aw ta, Ama lapinôzy patupakhipa ama châ aw.

HMOTAOPAZY 21:16

Kaisaria khih liata pachupa thokhazy eima hnohta vaw sie hra ei ta, Kuparâ chyhsa Manâsô o lâ miah a chhi ei ta. Manâsô he ngiapâ tuapazy hry liata a hlao hrapa châ ta, a o liata a tlô awpa eima châ.

2 KAWRINI 4:9

Taolapa ta y pi ta, châhrasala siesaipa ta y ma pi. Chheipa ta y pi ta, châhrasala pahleipadiapa châ ma pi.

HEBRAI 13:5

Nama hro cha tâkâ sôh tlaichhaina a hlao leipa châ sala, nama hneipa rakha liata palôhtlâh a pao muh vy. Abeipa ta, “Cha pathlua beih leipa aw ei na ta, cha siesai beih aw veih ei na,” a tah.

ZAWSUA 1:5

Na hro chhôh zydua ahy ta hmah cha pahnie thei aw veih ei. Mawsi hnohta ei ypa hawhna khata, na hnohta ei y hra aw. Cha siesai leipa aw na ta, cha pathlua aw va na.

1 SAMUELA 12:22

A moh rônah ngaitapa vâta Abeipa ta ano phopi cha a heihsai aw vei. Ano phopi châta a cha taopa liana ei heta Abeipa cha a palysa ngaita.