HLAZY 36:10 - Mara Bible RV (BSI)

¹⁰ Châ pahnotuhpazy hnohta na kyhpachâna tleih beih leipa paluahsa lymâ la, Palôh dopazy hnohta na siana paluahsa lymâ mah y!

HLAZY 36:10 ပူးပေါင်းရင်းမြစ်များ

HLAZY 103:17

Abeipa kyhpachâna tleih beih leipa deikua cha, Ano a chituhpazy chô liata chhâzaw nata tlyzaw ta y ta, A siana chhao ama samohzy taihta a y.

HLAZY 9:10

Na moh a pahnopazy ta châ ngâchhâ ei ta, Hy Abeipa, nâ cha châ tluatuhpazy a heihsai beih va chi.

ISAI 2:5

Hy Zakaw pathlazy saih u, a vy u la, Abeipa khaihna liata charei ei suh u.

ZEREMIAH 22:16

Dyhchhiepa nata phahlapazy a duakhei ta, Cha cha hmo phapa a châ. Kei nâ pahnopa cha, Cha hawhta a tao awpa rai châ vei ma? Abeipa ta a tah.

ZEREMIAH 24:7

Abeipa ei châ tahpa pahno theina palôh pie aw ei na ta, pathipalôh tlokhuh ta kei lâ ama vaw kua awpa vâta, âmo cha ei phopi châ aw ei ta, kei ama Khazohpa ei châ aw.

ZEREMIAH 31:3

Lâhlapi tawhta a hnohta Abeipa â vaw luah. Tlyzaw kyhpachâna ta kyh cha pachâ na ta, Chavâta ei ngâchhihna na chô liata ei palâsa lymâ.

ZAWHÂNA 17:3

He he chhâzaw hrona a châ: Nâ, Khazoh hmeiseihpa deita nata na tuapa Zisu Krista pahnopa hih.

HEBRAI 8:11

‘Abeipa pahno teh,’ tahpa ta, Vaih nata vaih a pachu raihrie khao leipa aw ei ta, Unawh nata unawh a pachu raihrie khao aw veih ei; A chyh chaipa tawhta a lai chaipa taihta, Ama zydua ta eina pahno khai aw ei.

1 PITY 1:5

Daihti hnôhchaipa liata palâhâh awpa ta a mâ chiehpa ta a ypa ngiapâna vâta pachhana nama hmô thei nawpa ta, Khazohpa hmotaotheina ta vaipa nama châ.