HLAZY 35:25 - Mara Bible RV (BSI)

²⁵ Ama palôh liata, “Khawh, eima khopa eima hmô ha hih!” Ama tah awpa pasaih leipa la; “Eima palâ khai haw,” Ama tah awpa chhao pasaih khah y.

HLAZY 35:25 ပူးပေါင်းရင်းမြစ်များ

2 SAMUELA 20:19

Kei he Izarei liata aryhna a khohpa nata chyhsa ngâchhihpazy hry liata a hlaopa ei châ. Nâ deikua cha Izarei nô a châpa khihpi parao nâ chhuah. Abeipa ryuto he khazia parao khai ha awpa nâ chhuah tly?” tah ta.

ZAWBÂ 1:5

Ama kyhchhina nohzy a pai nahta, Zawbâ cha a sawzy lâta chyhsa tuah ta, a pathaisa awpa ta a chho tyh ei. Ano chhao ta, “Ei sawzy ta moleina hmo taopa ta, ama palôh ta Khazohpa chô liata chhie ama vaw sa tlamaw thei,” tah ta, mydi kari ta thyu ta, a sawzy maluh kipa ta raopa hlânazy a hlâpa tyh ei. Cha hawhna chata Zawbâ cha tao tyh ta.

HLAZY 124:3

Eima chô liata ama hie a hâh no kha, Ahrohpa ta miah palâ ha aw ei ta;

HLAZY 140:8

Hy Abeipa, hmoparaopazy khopa pie leipa la, Amâ chhuahna moleipa pi patlohsa khah y; Chataleipatala cheihchalopa ta ama y pathlei aw na. Selah

HLAZY 27:12

Ei khakhaipazy khopa lâta na hlâ khah y; Pahnokheituh pakheipazy ta na thyuhnao ei ta, Nôchhiena hu eina so thlu ei.

HLAZY 28:3

Moleipazy hry liata nâ daophi pathlah leipa la, Hmoparaopazy hry liata nâ daophi pathlah khah y; Cha chyhsazy cha ama vaihzy hnohta adyhna bie reih ei ta, Ama palôh liata deikua mo­leina ta a bie tyh.

HLAZY 57:3

Khazohpa ta a zawngiahna nata a ngâchhihna tuah aw ta, Avâ tawhta vaw tuapa ta na pachha aw ta, Nâ taolatuhpazy maophyuhpa ta a paysa aw. Selah

HLAZY 70:3

“Khawh, khawh!” a tatuhpazy cha, Hmiachhiepa ta a lie mawh ei sy.

HLAZY 74:8

Ama palôh ta, “Parao khai ha ei suh u,” tah ei ta, Râh liata Khazohpa achhyna o zydua ama rao khai haw.

PUASAINA 15:9

Chariahpa ta, ‘A chadai aw na ta, ei pha aw, Hraona sôh rai aw na ta, Âmo vâta lôhrâtlôpa ta ei y aw; Ei zaozi phia aw na ta, Ei ku ta âmo cha a pahleipadia aw,’ tah ta.

CHAPHÔHTUNA 2:16

Na chariahpa zydua ta ama pakah cha pakawh chie ei ta, Ama hmao ama cha tô chie; Ama hâh cha charieh chie ei ta, “Eima palâ haw! He noh he eima mokhâh tyhpa tlai kha châ ta, Eima hro chhôh ta eima hmô ha hih!” ama tah.

MATHAI 27:43

Khazohpa ngâ ta, ‘Khazohpa Sawchapawpa ei châ’ a tah mâh tâh. Khazohpa ta a chô liata â ly tlai khiahta cha, tahmâ pachha bao sa,” tah ei ta.

MÂKA 2:6

Cha liata ryhpa pachutuhpa thokha a tyuh hra ei ta, ama palôh liata,

MÂKA 2:8

Cha hawhta ama palôh liata ama pachâpa cha Zisu ta a thlahpa ta thlai pahno ta, ama hnohta, “Cha bie cha khazia nama palôh liata nama pachâ?

1 KAWRINI 15:54

Thu theipa cha thu thei leipa ta a tobipa ta, thi theipa cha thi thei leipa ta â tobi tita, “Thina cha pahniena ta a palâ haw.