HLAZY 35:13 - Mara Bible RV (BSI)

¹³ Âmo ama pasa tita deikua cha, Latho poh a bu na ta; Kâhvileipa ta pasataopa ta, Ei luh a khupa ta thlah ei chhâ tyh.

HLAZY 35:13 ပူးပေါင်းရင်းမြစ်များ

ZAWBÂ 30:25

Chhiena noh â tyhpa chakhei tyh va na ma? Phahlapa châta ei palôh pasa kaw tyh vei ma?

HLAZY 69:12

Thokhy chhikao liata a tyuhpazy ta ei kyh reih ei ta, Sahma paripazy ta hla eina phi ei.

ISAI 58:3

‘Kâhvileipa ta y pi ta, Khazia na hmô khoh vei? Keimosasyh ta a panawh pi ta, Khazia na pahno khoh vei?’ ama tah. Pachâ teh u, kâhvileipa ta y tlai ei chi ta, Châhrasala nâmo pha nawpa ta nama tao; Nama rai hriatuhpazy nama tlybai pyly.

ISAI 58:5

Cha hawhpa kâhvileipa cha, Apanawhna noh châta ei raopa kâhvileipa a châ ma? Kâhvileipa cha lohthi hawhta luh a bôh ta, Latho poh nata buchâh liata a ziapa he ma a châ? Cha cha kâhvileipa tahpa ta, Abeipa a palysapa noh nama tah aw ma?

THEIHTHAINA 16:29

“He he nama châta chhâzaw bieraopa a châ aw: Thla sarina noh hrawhna noh liata a paky aw ei chi ta, a râh chyhsa chhao, chihropa nama hry ta a pahrâpa chhao, khâpa rai hmahta nama hria awpa châ vei.

THEIHTHAINA 16:31

Cha cha nama châta Pahânoh zachhihpa châ ta, namâ paky awpa noh a châ. Cha cha chhâzaw châta bieraopa a châ.

MATHAI 10:13

Cha o liata chyhsazy cha a naoh tlâh ama châ khiahta cha, nama thlapalôhna bie ama chô liata tlô sala, a naoh tlâh ama châ vei khiahta deikua cha, nama thlapalôhna bie cha nâmo lâ vaw kua heih mawh sy.

MATHAI 5:44

Kei deikua ta cha ei cha chho ei, nama chariahpazy kyh pachâ u la, châ taolatuhpazy thlahchhâpa muh vy.

LUKA 10:6

Cha o liata thlalôhna chyhsa a y khiahta cha, nama thlalôhna a chô liata y aw ta, thlalôhna chyhsa a y vei khiah deikua cha, nama thlalôhna cha nâmo lâ a vaw kua heih aw.