HLAZY 35:10 - Mara Bible RV (BSI)

¹⁰ Ei rupa zydua ta, “Hy Abeipa, nâ hawhpa he ahy ma a y?” tah ei ta, “Thatlôpa tawhta dyhchhiepa a pachhatuhpa, Âmo a hraotuhpa tawhta dyhchhiepa nata phahlapa a pachhatuhpa cha, Ahy ma a y tly?” ama tah aw.

HLAZY 35:10 ပူးပေါင်းရင်းမြစ်များ

2 SAMUELA 22:18

Ei chariah thatlôpa tawhta na pachha ta, Nâ haotuhpazy tawhta eina pachha, Ei châta ama tha a tlô tupa vâta.

HLAZY 10:14

Na hmô mâh tâh, Ruchhôna nata nôchhiena zy ngiapa ta, Na ku liata soh chi ta; Dyhchhiepa ta cha pangai ta, Paw hnei leipa baotuhpa na châ.

HLAZY 102:3

Ei hro chhôh nohzy he meikhuh hawhta lei ta, Ei rupazy meihô hawhta a kâ.

HLAZY 103:6

Abeipa cha siana ta rai hria ta, Tlybaipa zydua châta adona ta a hriapa ei.

HLAZY 109:31

Abeipa cha phahlapa chachâh lâta a duah ta, Thi awpa ta thailei a pachâsatuhpazy ku tawhta pachhatuhpa a châ.

HLAZY 140:12

Abeipa ta pasa a taopazy â duakhei aw tahpa pahno na ta, Phahlapazy châta amâ dona â duakhei aw tahpa ei pahno.

HLAZY 140:13

Mosiapazy ta na moh reithai aw ei ta, Adopazy cha na mohmô liata ama pahrâ aw.

HLAZY 146:7

Tlybaipazy châta adona a duakheituhpa châ ta, Nodipazy nie awpa a pietuhpa a châ. Abeipa cha atâhpazy papua ta,

HLAZY 18:17

Ei chariah thatlôpa tawhta na pachha ta, Nâ haotuhpazy tawhta eina pachha, Ei châta ama tha a tlô tupa vâta.

HLAZY 22:14

Ti hawhta leithapa ta y na ta, Ei ruzy â suhlie khai haw; Ei palôh kheilôh hawh châ ta, Ei chachôhna liata a ti khai haw.

HLAZY 22:24

Ano cha pasa a taopa pasataona mohnao leipa ta, Pasi hra vei; A hmia nyusai leipa ta, A aw tita a nathlie tyh.

HLAZY 32:3

Ei moleina palâhâh leipa ta ei y nota, Noh y ta a hrô na ta, Ei ruzy a pasa khai ha tyh.

HLAZY 34:20

A rupa zydua pabohsa ta, Miakha hmah tlie vei.

HLAZY 34:6

Dyhchhiepa cha awh ta, Abeipa ta a thei; A nôpona zydua tawhta a pachha.

HLAZY 37:14

Dyhchhiepa nata phahlapa zy papao ta, Hrozie dopa thie awpa ta, Moleipa ta a zaozi phia ta, a libaw â kei tyh.

HLAZY 38:3

Na palôh châ leina vâta, Ei sapa hriiah pathaih leipa ta; Ei moleina vâta, Ei ruzy tlâh vei.

HLAZY 51:10

Hy Khazohpa, palôh pathaihpa kei liata paysa la, Pachâna dopa ei chhôh liata pathieh heih mah y.

HLAZY 51:8

Thaphana nata alyna pyuzy na patheisa heih la, Na thlie hapa ruzy he a ly heih mawh sy.

HLAZY 69:33

Abeipa ta phahlapazy ao thei ta, A phopi atâhpazy mohnao vei.

HLAZY 71:19

Hy Khazohpa, na siana nata na hmo­taotheina ta avâ sâhpazy kaw daih ta, Nâ cha hmo rônahpazy a taotuhpa na châ; Hy Khazohpa, nâ hawhpa he ahy ma a y?

HLAZY 86:8

Hy Abeipa, khazohzy hry liata nâ hawhpa rai y leipa ei ta, Na hmotaopa hawhta a taopa rai y veih ei.

PUASAINA 15:11

“Hy Abeipa, khazohzy hry liata Nâ hawhpa he ahy ma a y? Pathaihna liata beichaipa châ chi ta, Rônahna liata zachhihpa na châ; Hmonoâhpazy a taotuhpa châ chi ta, Nâ hawhpa he ahy ma a y?

ISAI 40:18

Cha hawhpa khiahta cha, Khazohpa cha ahy nata ma pakho aw ei chi ta, Khâpa nata ma nama pakho aw tly?

ISAI 40:25

“Ahy nata ma na pakho aw ei chi ta, Ahy tlu ta ma eina rao aw ei chi?” Mo Pathaihpa ta a tah.

ZEREMIAH 10:7

Hy phopizy Beipa, Ahy ma cha chi leipa ta a y aw? Mo to ta ama cha chi awpa cha, Nâ phuhpa rai mah a châ tâh. Phopizy chyhsa sopa zydua hry liata, Nâ hawhpa he y leipa ei ta, Amâ beinarâh zydua liata chhao, Nâ hawhpa he y veih ei.

ZEREMIAH 20:13

Abeipa lâ hla sa u la, Abeipa cha reithai teh u! Hmo pha leipa a taotuhpazy ku tawhta Dyhchhiepazy hrona a pabohsa ha hih.