HLAZY 34:21 - Mara Bible RV (BSI)

²¹ Moleina ta moleipa cha thie aw ta, Mosiapa a haotuhpazy cha thailei pachâsapa ama châ aw.

HLAZY 34:21 ပူးပေါင်းရင်းမြစ်များ

1 ABEIZY 22:37

Chatanachata abei cha thi ha ta, Samâri lâ a ri phaoh ei ta, Samâri liata ama pabu haw.

1 ABEIZY 22:8

Izarei bei ta Zehôsaphâ hnohta, “Abeipa miah a saohiahpa awpa chyhsa pakha cha y ta, ano cha Imlâ sawchapawpa Mikai a châ. Châhrasala ano la ei hao kaw, keima kyh a phana lâta hrohsona bie reih beih vei, a chhiena lâ sai ta a reih tyhpa a châ,” tah ta. Zehôsaphâ ta, “Abei ta cha hawhta tah khah sy,” tah ta.

HLAZY 20:8

Âmo cha a hluah ei ta ama pao, Keimo deikua cha thyu pi ta â ipa ta eima duah.

HLAZY 40:15

“Khawh, Khawh!” nâ tahtuhpazy cha, Ama maophyuh hapa vâta, Nôpopa ta y mawh ei sy.

HLAZY 89:23

A khakhaipazy a hmiakô liata taichheih aw ei na ta, Ano a haotuhpazy ei tusao aw ei.

HLAZY 94:23

Ama paraonazy viarithô aw ta, Ama moleinazy vâta âmo cha a pamua khai aw; A châ na, Abeipa eima Khazohpa ta a pamua khai ha aw ei.

PUASAINA 12:46

O kha liata nie awpa châ ta, a sa kheihawhpa hmahta o tawhta khôtho lâ na puakhei awpa châ leipa ta, a rupa kheihawhpa hmahta na thlie awpa châ vei.

PUASAINA 20:7

“Abeipa na Khazohpa moh na reih thlâhthli awpa châ vei. Abeipa ta a moh a reih thlâhthlipa cha thailei a pachâsa aw.

BIESOZY 24:16

Mosiapa cha ei sari pao hra sala thyu heih tyh ta, Moleipazy deikua cha ei kha chhie atyhna liata amâ hluah tyh.

ISAI 3:11

Moleipa cha a hu a po na! Chhiena a tyh aw ta, A hmotaopazy viarithôpa a châ aw.

LUKA 19:14

Châhrasala a khihsawzy ta ano cha a hao ei ta, ‘He chyhsa he eima bei châta khoh ma pi,’ tah awpa ta, ano hnôh lâta lyuhchâpa tuah hra ei ta.

LUKA 19:27

Ama bei châta nâ khoh leipa ei chariahpazy kha, he lâ a vaw chhi u la, ei hmiakô liata thie teh u,’ a tah aw,” tah ta.

ZAWHÂNA 7:7

Khizaw ta nâmo cha châ hao thei vei, kei deikua cha einâ hao, a hmotaopazy a moleizie ei palâhâhpa vâta.

2 THYSALAWNIKA 1:6

Khazohpa pachiana cha a do ta, nama rie châ patheituhpazy cha rietheina ta viari a thô aw.

2 THYSALAWNIKA 1:9

Chhâzaw leidiana ta hriepa châ aw ei ta, Abeipa mohmô tawhta nata a thatlôna rônahpa tawhta papuapa ama châ aw.

1 SAMUELA 31:4

Sawla ta a chariah chhaichhi a chabatuhpa hnohta, “Na zaozi kha phia la, nâ vaw chôsao teh, chataleipatala chopawtaileipa sahlaozy a vy aw ei ta, nâ vaw chôsao aw ei ta, einâ palai thlu pathlei aw ei na,” tah ta. Châhrasala a chariah chhaichhi chabatuhpa cha a chi ngaitapa vâta tao kho leipa ta. Sawla ta ano zaozi la ta, pao thlu ta.