HLAZY 33:2 - Mara Bible RV (BSI)

² Tlaipih ta Abeipa cha reithai u la, Totâ ri hrawhpa ta ano lâ hla sa teh u!

HLAZY 33:2 ပူးပေါင်းရင်းမြစ်များ

2 SAMUELA 6:5

Dâvi nata Izarei saw zydua cha totâzy, tlaipihzy, khoh chyhpazy, sakizy nata paotlâzy tôpa ta hla sa ei ta, Abeipa hmiakô liata a ly ngaitapa ta y ei ta.

1 THÂTIHZYRONA 15:16

Dâvi ta Livai pathla pawhrâhpazy cha ama unawhzy hry tawhta hlasathaipazy a tlyh ta, pyungiapa chhaichhi tlaipihzy, totâzy nata paotlâzy a paro ngaitapa ta patôsa ta, thaphana hla a paro ngaitapa ta pasasa awpa ta biepie ta.

1 THÂTIHZYRONA 15:28

Izarei saw zydua ta mietaku tôhpa ki, chiahmie nata paotlâ pyuzy chhaota thata rahaona chôta nata tlaipihzy nata totâzy a paro ngaitapa ta tôpa ta, Abeipa Biehrai Byh cha ama khykhei haw.

1 THÂTIHZYRONA 25:3

Zeduthu pho tawhta pacharu raopa châ ei ta, chazy cha Zeduthu sawchapawpa Kedaliah, Zeri, Zesai, Simei, Hâsabiah nata Mâtithiah zy ama châ. Âmo cha totâ tôpa ta Abeipa lâta alyna bie a reihpa nata reithaina hla a sapa ama paw Zeduthu ta a chhihtha ei.

1 THÂTIHZYRONA 25:6

Ama zydua ta Khazohpa o liata chakaona rai châta paotlâzy, tlaipihzy totâzy tôpa ta, ama paw chhihthana ry liata Abeipa o liata pyungiapa lâchhâh chakaona rai hriatuhpazy ama châ. Asâpha, Zeduthu nata Hemâ zy cha abei biepiepa ry liata a ypa ama châ.

HLAZY 144:9

Hy Khazohpa, hla thiehpa cha sapa aw na ta, Tlaipih ri hrawhpa tôpa ta ei cha reithai aw.

HLAZY 149:3

Lâpa ta a moh reithai ei sala, Khoh nata totâ chhaota ano reithaipa ta sa mawh ei sy!

HLAZY 71:22

Na ngâchhihna vâta, Hy Khazohpa, Totâ ta cha reithai aw na ta; Hy Izarei Mo Pathaihpa, Tlaipih ta cha reithaipa ta ei sa aw.

HLAZY 92:3

Totâ ri hrawhpa ta cha reithai na ta, Tlaipih nata ao ngiapa ta ei cha reithai tyh.

HLAZY 92:4

Hy Abeipa, na raihria vâta ei thapha ta, Na ku raihriazy vâta alyna hla ei sa.

PUASAINA 15:20

Chatawhcha hrohsonô Miria, Arawna sietanô cha khohtaw chaba ta, chanô zydua ta khohtaw nata lâna chôta ano cha pazi ei ta.

BIEPHUAH 14:2

Avâ tawhta ao vaw pua ta, tisao lai ngaitapa pyu hawhta nata tôkalôhpa thata a thuapa pyu hawhta thei na ta. Ao ei theipa cha totâ tôthaipazy ta ama totâ ama tôpa pyu hawhta a châ.

BIEPHUAH 5:8

Châbu chatypa a lapa nahta, hmohrohneipa miapalih nata machâ pakih nata papalihzy cha, totâ nata ngôh ropahâhpa ta a biepa ngôh biebuh a chaba chyupa ta, Mietakutaw hmiakô liata pao ei ta. Cha ropahâhpazy cha mopathaihpazy thlahchhâna a châ.