HLAZY 33:18 - Mara Bible RV (BSI)

¹⁸ Moh teh u, Abeipa mo cha ano a chituhpazy chô liata khaih ta, A kyhpachâna tleih beih leipa hnabeiseihtuhpazy chô liata a khaih tyh.

HLAZY 33:18 ပူးပေါင်းရင်းမြစ်များ

1 ABEIZY 17:6

Raawhzy ta my ta viahchhâ nata sa vaw cheipa tyh ei ta, zâlâ chhao viahchhâ nata sa vaw cheipa tyh ei ta, vahtiepa ti cha doh ta.

2 THÂTIHZYRONA 16:9

Abeipa mo cha, ano lâta palôh tlokhuh a paheihpazy thatlôpa ta bao awpa ta, khizaw zydua a tawpâ thlâh ha mâh tâh. Hru kawpa ta hmo tao chi ta, tahmâ tawhta cha, chariah a dyuh awpa khâ na hnei aw,” tah ta.

EZRÂ 8:22

“Eima Khazohpa ku cha ano a tluatuhpa zydua chô liata phana châta y tyh ta, a pathiiana hmotaotheina deikua cha, ano a heisaituhpa zydua chô liata a y tyh,” tahpa ta abei eima chho hapa vâta, lâpi liata eima chariahzy tawhta miah vaih awpa pheisaih nata arâ pheisaihzy abei lâta hia awpa ei noza kawpa vâta, kâhvileipa ta thlahchhâna cha ei phuahpa a châ.

ZAWBÂ 36:7

Mosiapazy a heihsai leipa ta, Abeizy hnohta beidyuchhai liata chhâzaw ta patyusa ta, Cheihchalopa ta ama y.

HLAZY 111:5

Ano a chituhpazy hnohta nie awpa pie ta, A biehrai chhâzaw ta â thei thlâh haw.

HLAZY 13:5

Châhrasala kei la na ngâchhihna ngâ na ta, Na pachhana liata ei palôh â ly aw.

HLAZY 147:11

Abeipa cha ano a chituhpazy vâta a palôh tlâh ta, A kyhpachâna hnabeiseihtuhpazy vâta a palôh a tlâh tyh.

HLAZY 52:8

Kei deikua cha Khazohpa o liata, Ôli tho hrohpa hawhta châ na ta, Khazohpa kyhpachâna tleih beih leipa cha, Chhâzaw nata tlyzaw ta ei ngâ aw.

ZEREMIAH 37:21

Chatanachata Bei Zedekia ta biepie ta, Zeremiah cha abei o vaituhpazy dôhpachhôh tlyhmia liata patâh ei ta. Khihpi liata viahchhâ a chhâ hlâlei cha, viahchhâ taotuhpazy lâpi liata ama taopa viahchhâ cha noh chareih ta tlâ kha lymâ pie ei ta. Cha hawhna chata Zeremiah cha vaituhpazy dôhpachhôh tlyhmia liana chata y thlâh ha ta.

HEBRAI 6:18

Chatanachata hmo anano beih leipa miano vâta, haipa bie rei awpa cha Khazohpa châta hmo thei leipa châ ta, a boh awpa ta ano lâ a râpazy pi heta eima hmiakô liata hnabeiseihna sopa cha thlalôhpa ta eima hnei thei aw.

1 PITY 3:12

Abeipa mo cha mosiapazy chô liata y ta, Ama thlahchhâna lâ nah a pachôh tyh. Moleipazy deikua cha, Abeipa hmia ta â dyuh tyh ei.”