HLAZY 33:16 - Mara Bible RV (BSI)

¹⁶ Abei cha a pheisaih hluh ngaitapa vâta pachhapa ta y leipa ta, Pasaipha chhao a thatlô ngaitapa vâta pachhapa ta y vei.

HLAZY 33:16 ပူးပေါင်းရင်းမြစ်များ

1 ABEIZY 20:10

Benhadâ ta Ahabâ lâ lyuhchâpa tuah heih ta, a hnohta, “Nâ pazituhpa zydua heta Samâri khih buchadoh a rai ei sala, pazah kha chyu chhao ama to awpa a y khao leina taihta ei tao vei khiahta cha, khazohzy ta ei chô liata tao ei sala, cha hlâta pasa viapa chhao ta tao mawh ei sy,” tah ta.

1 ABEIZY 20:15

Chatanachata Ahabâ cha bia ryureituhpazy a chakaotuhpa sahlaozy cha pakhy ta, ama zydua ta maluh 232 ama châ. Âmo khai tawhta Izarei saw zydua tawhta pheisaihzy pakhy ta, ama zydua ta 7,000 ama châ.

2 THÂTIHZYRONA 13:8

“Tahmâ chhao he pheisaih hluh ngaita ei chi ta, Zerôbaw ta nama châta ngôh viahchaotaw khazoh nothlahpa a taopa nama hneipa vâta, Dâvi sawchapawzy ku liata Abeipa khinarâh cha toh thei namâ pangiasa.

2 THÂTIHZYRONA 20:12

Hy eima Khazohpa y, âmo cha pachia aw va chi ma? Miah a vaw siehnaopa pheisaih hri hluh ngaitapa he a dyuh awpa ta tloh ma pi. Tao awpa chhao pahno ma pi. Chavâta eima mozy nâ lâta eima vaw khaih hih,’” tah ta.

2 THÂTIHZYRONA 20:23

Amawna mo nata Môabâ mo ta Seirâ Tlâh liata a pahrâpazy cha pahleipadia khai a chhuah ei ta, Seirâ mo ama pamua khai nahta, âmo nata âmo a pahleipadia a chhuahpa ta amâ dyuh lymâ.

2 THÂTIHZYRONA 32:21

Abeipa ta vâlyuhchâpa za tuah ta, ano chata Asuria bei riehmo liata pasaiphazy, pheisaih hyutuhpazy nata chhituhpa zydua a thie khai ha ei. Chatanachata Senâkeri cha noza hmiachhiepa ta a râh lâ â lie haw. Noh kha cha a khazoh o lâ a vaw nota, ano sawchapawzy ta zaozi ta ama chhawhsao haw.

ZAWBÂ 36:7

Mosiapazy a heihsai leipa ta, Abeizy hnohta beidyuchhai liata chhâzaw ta patyusa ta, Cheihchalopa ta ama y.

ZAWBÂ 39:11

A thatlô ngaitapa vâta ano liata a pahniehpa ta, Na raihria awpa ano na thy thlu khai aw ma?

HLAZY 20:8

Âmo cha a hluah ei ta ama pao, Keimo deikua cha thyu pi ta â ipa ta eima duah.

HLAZY 44:3

Ama zaozi ta râh he pahnie leipa ei ta, Ama bâh ta pachhana tlôkhei hra veih ei; Ama chô liata nâ lypa vâta, Na ku chachâh lâ nata nâma bâh tlai ta âmo cha pachha chi ta, Na hmia khaihna ta na pachha ei.

PUASAINA 14:28

Tizy vaw loh pakhua ei ta, talailihzy nata arâ a kiahpazy nata Izarei mo a chadaituhpa Phiraoh pheisaih zydua cha, ti ta vao ei ta, pakha hmah a hrohpa y veih ei.

BIECHHOTUHPA 9:11

Noh ry liata ei hmô heihpa cha he he a châ: Arâpasuana liata a râ theipa ta pahniena to hlei leipa ta, Adyuhna liata chhao thatlôpa ta pahniena to hlei vei; Asopa ta nie a phahla ta, Novâhpa hneirôh hlei leipa ta, Athaipa chhao khokheina to hlei vei. Chyhsa to ta daihti nata ryhpaohna ama hnei chyu.

ZEREMIAH 48:14

“Kheihta ma, ‘Riahphapa châ pi ta, Adyuhna pasaiphazy eima châ,’ Nama tah thei tly?

ZEREMIAH 9:23

Abeipa ta hetana heta a tah: “Chyhsa sopa ta a sona a palaikhei khah sy; Chyhsa thatlôpa chhao a thatlôna a palaikhei leipa sala, Chyhsa hneirôhpa ta a hneirôna a palaikhei khah sy.

HÔSIA 10:13

Nâma pachâna liata a pahnieh chi ta, Pasaipha hluhpi na hneipa na ngâpa vâta, Moleina lei paliepa ta, Adoleina sâh hria chi ta, Haiphiana theilâpa na nie.

AMÔSÂ 2:14

A râ thei kawpa chhao ta chatlie thei khao leipa aw ta, Thatlôpa thatlôna y khao aw vei; Pasaipha chhao ta A hrona pabohsa thei aw vei.

AMÔSÂ 2:15

Likathaipa a duah thei leipa aw ta, A phei lâsie a chatlie kawpa hmahta A pabohsa thei aw vei; Arâ a kiahpa chhao ta, A hrona pabohsa thei aw vei.

ZAWSUA 14:12

Chavâta Abeipa ta na pie awpa ta, kha noh ta a reipa tlâh râh he kei na pie mah y. Cha liata Anâki mo y ei ta, ama khihpizy lai ngaita ta, thokhyzy ta dôh khaipa ama châ tahpa chhao, kha noh ta pahno ha chi ta. Abeipa ta na bao aw ta, Abeipa ta a reipa hawhta, âmo cha ei papua aw ei,” tah ta.

RYUREITUHPAZY 7:2

Abeipa ta Kidia hnohta, “Na hnohta a ypa chyhsazy kha ama ku liata Midia mo ei pie nawpa ta ama hluh tu haw. Chataleipatala Izarei ta, ‘Keima ku ta eina pachha’ tahpa ta einâ palai thlu pathlei aw.

RYUREITUHPAZY 7:4

Abeipa ta Kidia hnohta, “Chyhsa ama hluh tu thlâh chy. Zawpizy kha chavah lâ zukhei la, cha liata kei ta ei cha pasiapa aw. ‘He chyhsa he na hnohta a sie aw,’ ei tahpa deita na hnohta sie aw ta, ‘He chyhsa he cha na hnohta sie aw vei,’ ei tahpa cha sie aw vei,” tah ta.

1 SAMUELA 17:4

Philistinâ mo riehmo tawhta ama chyhsa thatlô chaipa Kôliathâ, Kâthâ khihpa, dy charu nata kha kha a sâhpa vaw pua ta.

1 SAMUELA 2:9

“A chyhsa ngâchhihpazy phei vaih aw ta, Moleipazy deikua cha zohna liata chhawh pathlahpa ama châ aw; Thatlôna vâta chyhsa a duah veih ei.