HLAZY 32:3 - Mara Bible RV (BSI)

³ Ei moleina palâhâh leipa ta ei y nota, Noh y ta a hrô na ta, Ei ruzy a pasa khai ha tyh.

HLAZY 32:3 ပူးပေါင်းရင်းမြစ်များ

2 SAMUELA 11:27

Mâchhiesana daihti a chhâ nahta, Dâvi ta chyhsa tuah ta, Bâsebâ cha a o lâ a chhi ta, a lapinô vaw châ ha ta. Dâvi châta sawchapaw sapa ta, châhrasala Dâvi hmotaopa ta Abeipa cha palysa leipa ta.

ZAWBÂ 3:24

Ei hrôna cha ei pati châ ta, Ei rôhna ti hawhta patlaipa a châ.

ZAWBÂ 30:17

Zâ ta ei ruzy ta na chaih ta, Ei pasana cha achalihna rai hnei vei.

ZAWBÂ 30:30

Ei vo vaw vyhpa ta ky ta, Ei ruzy palopa ta eina kâ.

HLAZY 22:1

Ei Khazohpa, ei Khazohpa, khazia eina pathlua chi? Khazia na pachha leipa ta nâ hla chi ta, Ei hrôna biezy thei leipa ta einâ hla chi tly?

HLAZY 38:3

Na palôh châ leina vâta, Ei sapa hriiah pathaih leipa ta; Ei moleina vâta, Ei ruzy tlâh vei.

HLAZY 38:8

Thachhâ panaopa ta y na ta, Palôh pasapa ta thata ei hrô.

HLAZY 51:8

Thaphana nata alyna pyuzy na patheisa heih la, Na thlie hapa ruzy he a ly heih mawh sy.

HLAZY 6:2

Hy Abeipa, zawh nâ ngiah ma y, Ei panao ha hih; Hy Abeipa, na patlâh mah y, Ei ruzy a pasa ngaita.

BIESOZY 17:22

Palôh thaphapa cha thohna phapa châ ta, Palôh pasapa deikua cha ruzy a pahi tyh.

BIESOZY 28:13

A moleinazy a phihtuhpa cha vânoh to leipa aw ta, A moleinazy palâhâh ta a siesaipa deikua cha zawngiahna a hmô aw.

ISAI 51:20

Na sawchapawzy panao ei ta, Sao liata sathawh a aopa hawhta, Khiliah chaki to liata amâ zia; Abeipa pathiiana ta bie ei ta, Na Khazohpa rana ta ama bie.

ISAI 57:17

 do leipa ta athôhna a hmôpa vâta, Hiehâhpa ta tu na ta; Hiehâhpa ta ei hmia ei nyusai ha aw. Chatanachôta ano palôh khopa lâ sie ta, Chhorupa ta a y lymâ.

ISAI 59:11

Chavyhzy hawhta eima zydua ta sâh pi ta, Vachhuhzy hawhta thata eimâ hrô. Adona hâ pi ta, Châhrasala y vei; Pachhana hâ pi ta, Châhrasala miah â hla haw.

CHAPHÔHTUNA 1:3

Zudâh cha seichâna lâ siepa ta pasatao ta, Hriapasa riethei taopa ta a y; Phopizy hry liata pahrâ ta, Apahâna su rai hmô vei; A chadaituhpazy ta a chadai ei ta, A nôpo lichih ta ama kei pha haw.

CHAPHÔHTUNA 3:4

Ei sapa nata ei vo pazaosa ta, Ei ruzy a thlie khai haw.

CHAPHÔHTUNA 3:8

Baona hiapa ta ei awsaopa chhao ta, Ei thlahchhâna a khaw haw.

HÔSIA 7:14

Ama palôh hmeiseihpa ta na aw leipa ei ta, Ama rakhô liata tlâ ama awh; Sâh nata kresawhti vâta a pakhy ei ta, Kei deikua eina tleisai ha ei.

1 SAMUELA 31:13

Ama ruzy la ei ta, Zabe liata tamâri kô ry liata pabu ei ta, noh sari chhôh kâhvileipa ta mâchhie ama sa.