HLAZY 31:23 - Mara Bible RV (BSI)

²³ Hy a mopathaihpa zydua saih u, Abeipa cha kyhpachâ muh vy! Abeipa ta ngâchhihpa pabohsa ta, Apalaipa deikua cha thata viari a thô tyh.

HLAZY 31:23 ပူးပေါင်းရင်းမြစ်များ

HLAZY 145:10

Hy Abeipa, na hmotaopa zydua ta alyna bie cha hlâ aw ei ta, Na mopathaihpa zydua ta ama cha reithai aw.

HLAZY 145:20

Abeipa cha ano kyh a pachâtuhpa zydua pabohsa ta, Hmoparaopazy deikua cha, A pahleipadia aw ei.

HLAZY 30:4

Hy a mopathaihpazy saih u, Abeipa reithaipa ta sa u la; A moh pathaihpa lâ alyna bie hlâ teh u.

HLAZY 34:9

Hy a mopathaihpazy saih u, Abeipa cha chi muh vy; Ano a chituhpazy cha a phahla aw veih ei.

HLAZY 54:5

Ei chariahpazy cha chhiena ta viarithô aw ta, Na ngâchhihna vâta âmo cha pahleipadia mah y.

HLAZY 89:7

Ano cha mopathaihpazy pakhypi liata ama chi ngaitapa châ ta, A kiapâh liata a ypa zydua hlâta ama chiza chaipa Khazohpa a châ.

HLAZY 94:2

Hy khizaw pachiatuhpa y, thyu la, Apalaipazy amâ phuhpa hawhta viarithô mah y!

HLAZY 97:10

Nâmo, Abeipa kyh a pachâtuhpa zydua saih u, Moleina a hao muh vy; Ano cha a mopathaihpazy hrona pabohsa ta, Hmoparaopazy ku tawhta a pachhatuhpa a châ.

ISAI 38:10

Ei locho nota ma sie aw na ta, Ei chhâ ei palo hmâ leina kôzy cha, Athihkhih liata ei hmâh aw? Tahpa ta ei vaw pachâ hmâ haw.

ISAI 56:6

“Abeipa chakaopa ta a moh pasô ta, A chakaotuhpa châ awpa ta Abeipa a pazao ta, Pahânoh papuapalei leipa ta a phapa ta chay ta, Ei biehrai khâchâ â patupa ta, Abeipa a pazaopa chihropazy cha,

EZEKIA 37:11

Chatawhcha ei hnohta, “Chyhsa sawchapawpa y, he ruzy he Izarei pathlazy ama châ hih. Pachâ teh, Izarei pathlazy ta, ‘Eima ruzy chawhkaraipa ta, eima hnabeiseihna lei khai ha ta, chhawh pathlahpa ta eima y haw,’ ama tah.

MÂKA 12:23

Thyuheihna daihti liata, ama thyuheih tita ahy lapinô ma a châ aw? Ama pasari ta lapinô ta hnei chyu tlôh ei ta,” tahpa ta hiahri ei ta.

RYHPACHANEINA 10:12

“Chavâta Hy Izarei, Abeipa nama Khazohpa ta a châ hnawpa ei cha khâpa hropa châ leipa ta, Abeipa nama Khazohpa cha chipa ta, a lâpi zydua a chhih ta, ano kyhpachâ ta, nama pathipalôh tlokhuh ta nata nama thlahpa tlokhuh ta Abeipa nama Khazohpa cha chakao ta,

RYHPACHANEINA 30:16

Abeipa nama Khazohpa kyhpachâ awpa ta, tanoh ta bie ei cha piepa he zyh u la, a lâpizy a chhihpa ta, a biepiepazy, a bieraopazy nata a pachianazy nama zyh khiahta cha, hroh aw chi ta, pôh aw chi ta, hnei awpa ta nama pangaipa râh liata Abeipa nama Khazohpa ta byhnâ a cha pie aw ei.

RYHPACHANEINA 32:41

Ei zaozi patliepa ta sah la, Ryureina ei chaba tita cha, Ei khakhaipazy chô liata phuh la aw na ta, Nâ haotuhpazy viari ei thô aw ei.

RYHPACHANEINA 33:3

A châ na, a phopi kyhpachâ kaw ta, A mopathaihpa zydua a ku liata ama y. Na pheihniezy cha pazi ei ta, Na biepiepazy ama zyh tyh.

1 THYSALAWNIKA 4:1

Unawh saih u, achhâna liata cha, nama yzie awpa nata Khazohpa nama palysa nawpa kyh liata, keimo tawhta nama daopa, nama tao lymâpa kha tao via lymâ awpa ta Abeipa Zisu moh ta eima châ haw.

ZUDÂH 1:1

Zisu Krista chakaotuhpa nata Zâmie unawhpa Zudâh ta Paw Khazohpa liata kyhpachâpa nata Zisu Krista châta awpa nata vaipa sahlaozy ei châ naoh ei.

BIEPHUAH 18:6

Chyhsazy viari a thô tyhpa hawhta, Ano chhao viarithô u la, A hmotaopazy a lie no ta viarithô teh u; A do awpa pahlaona nyu cha, A lie no ta pahlaopa teh u.

1 SAMUELA 2:9

“A chyhsa ngâchhihpazy phei vaih aw ta, Moleipazy deikua cha zohna liata chhawh pathlahpa ama châ aw; Thatlôna vâta chyhsa a duah veih ei.