HLAZY 31:17 - Mara Bible RV (BSI)

¹⁷ Hy Abeipa, nâ ei cha pado hih, Maophyuhpa ta na paysa khah y; Moleipazy cha maophyuhpa ta soh la, Sidiapa ta Athihkhih lâ sie mawh ei sy.

HLAZY 31:17 ပူးပေါင်းရင်းမြစ်များ

HLAZY 115:17

Athipazy ta Abeipa cha reithai leipa ei ta, Sidiana lâ a sie hapazy ta Abeipa cha reithai veih ei.

HLAZY 31:1

Hy Abeipa, nâ châ chhai na ta, Maophyuhpa ta na paysa leipa la, Na siana vâta na pachha mah y!

HLAZY 34:5

Ano a mohtuhpazy cha khaih ei ta, Ama hmia nozapa ta y beih aw vei.

HLAZY 35:26

Ei chhiena liata a lytuhpazy cha, Maophyuhpa nata hnabeidypa ta y ei sala, Nâ palai thlupazy cha, Hmiachhiena nata nohzaona ta tobipa châ mawh ei sy!

HLAZY 35:4

Ei hrona pahlei a chhuahpazy cha, Nozapa nata maophyuhpa ta y ei sala; Ei chô liata chhiena tao a chhuahpazy chhao, Kua ei sala hnabeidypa ta y mawh ei sy!

HLAZY 4:7

Âmo alyna hlâta alyna hluh via ei palôh liata soh chi ta, Sâh nata kresawhti hluhpi ama hnei nota amâ lypa hlâta Ei ly via syulyu.

HLAZY 6:10

Ei chariahpa zydua nozapa ta y aw ei ta, Thata ama pachâ a rôh aw; Kua aw ei ta, Thlai ta ama maophyuh aw.

HLAZY 71:24

Ei paleih he noh y ta na siana bie reih aw ta, Pasasa nâ chhuahpazy cha, Maophyuhpa nata hnabeidypa ta ama y.

HLAZY 80:4

Hy Zehôvâh Khazohpa Atotaotheipa, Khachâ ma na phopi thlahchhânazy vâta, Na hie a hâh aw tly?

HLAZY 80:8

Izi tawhta kre zôh vaw phaoh chi ta, Phopizy papuapa ta, Ama râh liata na kre zôh na loh.

HLAZY 94:17

Abeipa ta na bao vei mawh sala, Ei hro he râh sidiapa liata a pahrâ ha bâ aw.

ZEREMIAH 20:11

Châhrasala Abeipa cha, Pasaipha chichhihpa hawhta ei hnohta y ta, Nâ taolatuhpazy cha pao aw ei ta, Na pahnie aw veih ei. Ama hlao a tloh lei awpa vâta, Nozapa ta ama y aw. Ama chhâzaw nohzaona cha, Mypa ta y beih aw vei.

DÂNIAH 12:2

Chatawhcha alei dohlei liata â môpa chyhsa hluhpi a vaw hra aw ei ta, thokha tlyzaw hrona lâ sie aw ei ta, thokha nozana nata tlyzaw thaileichâna lâ ama sie aw.

1 SAMUELA 2:9

“A chyhsa ngâchhihpazy phei vaih aw ta, Moleipazy deikua cha zohna liata chhawh pathlahpa ama châ aw; Thatlôna vâta chyhsa a duah veih ei.