HLAZY 30:1 - Mara Bible RV (BSI)

¹ Hy Abeipa, na chaluah chi ta, Ei khakhaipazy alyna ta eina tao leipa vâ chi ta, Ei cha palyupalih.

HLAZY 30:1 ပူးပေါင်းရင်းမြစ်များ

2 SAMUELA 20:3

Dâvi cha Zerusale liata a o kei tlô ta, abei ta o hâ awpa ta a nôtho a sopa pahrawhzy kha a chhi ta, o kha liata soh pakhy ta, âmo cha a chyh pazao lymâ ei. Ama hnohta deikua a ngia khao vei. Ama thi noh taihta khawhlôhpa ta y ei ta, ama vahpa a hroh thlâh hana chôta nôhmeipa ta ama y.

2 SAMUELA 24:25

Dâvi ta cha liata Abeipa châta maisâh tao ta, raopa hlânazy nata aryhna hlânazy hlâ ta. Chatanachata râh châta thlahchhâna cha Abeipa chyh-ei ta, potlana cha Izarei râh tawhta pai ha ta.

2 SAMUELA 5:11

Tyre bei Hirâ ta Dâvi lâ chyhsa tuah ta. Sidy thozy paphao ta, tho zôthaipa nata lô zôthaipazy tuah ta. Âmo chata Dâvi châta o sapa ei ta.

2 SAMUELA 6:20

Dâvi cha a chhôhkhazy châta byhnâ aw awpa ta o lâ a vaw di ta. Sawla sawchanô Mikâli cha Dâvi dy awpa ta vaw pua ta, a hnohta, “Tanoh la Izarei bei kha a rônah kaw na! Chyhsa leilôpa, nozana chhao a pahno leipa ta thluahruapa ta a ypa hawhta, Izarei bei cha ano chakaotuhpazy a chakao pachhuahpa chanôzy mohmô liata thluahruapa ta a y thlâh ha kha zaw!” vaw tah ta.

2 SAMUELA 7:2

abei ta hrohsopa Nâthâ hnohta, “Pachâ tua, keima cha sidy o liata pahrâ na ta, Khazohpa Byh deikua cha poh o liata a pahrâ thlâh haw,” tah ta.

1 ABEIZY 8:63

Sawlawmaw ta Abeipa lâta aryhna hlâna châta viahchao tôhpa 22,000 nata mietaku 120,000 Abeipa lâ hlâ ta. Cha hawhna chata abei nata Izarei saw zydua ta Abeipa o cha hlâ ei ta.

1 THÂTIHZYRONA 21:6

Zôabâ cha bei biepiepa kyh liata a palôh a châ lei ngaitapa vâta, Livai chi nata Benzami chi deikua ama maluh rei pâ khao vei.

HLAZY 13:4

Ei chariahpa ta, “Ei pahnie haw,” tah aw ta, Ei chalyupa vâta ei khakhaipa â ly pathlei aw na.

HLAZY 140:8

Hy Abeipa, hmoparaopazy khopa pie leipa la, Amâ chhuahna moleipa pi patlohsa khah y; Chataleipatala cheihchalopa ta ama y pathlei aw na. Selah

HLAZY 145:1

Hy ei Khazohpa nata ei Beipa, Cha palyupali aw na ta, Chhâzaw nata tlyzaw ta na moh ei reithai aw.

HLAZY 25:2

Hy ei Khazohpa, nâ ei cha ngâ. Maophyuhpa ta na paysa leipa la, Ei chariahpazy ta eina pahnie awpa ei pasaih khah y.

HLAZY 27:6

Nâ chadôtuhpa ei chariahpazy chô lâ ta, Ei luh chaluahpa ta y aw ta; Abeipa poh o liata, A lypa ta awh aw na ta, atheihna ei hlâ aw.

HLAZY 28:9

Na phopi he pachha la, Na ryuto he byhnâ pie mah y; Âmo cha pasa la, Chhâzaw ta hrôbieh mah y.

HLAZY 35:19

A chhâpa y leipa ta nâ khakhaipazy cha, Ei chô liata hmo a tlôpa vâta amâ ly awpa pasaih leipa la; A chhâpa y leipa ta nâ haotuhpazy chhao, Eina mopasih awpa ei pasaih khah y.

HLAZY 41:11

Cha liana chata ei chô liata nâ ly tahpa pahno aw na ta, Ei chariahpazy ta pahniena hladyuh na pathluah chie aw veih ei.

HLAZY 66:17

Ei pakah ta ano cha pado na ta, Ei paleih ta ei palyupalih.

HLAZY 79:10

Khazia ma phopizy ta, “Ama Khazohpa cha khataih liata a y?” ama tah aw? Châ chakaotuhpazy thisaih phuh miah lapa la, Eima hmiakô lia tlai ta, Phopizy hry liata pahnopa ta y mawh sy!

HLAZY 79:4

Eima chheipâh râhzy pasipasawh awpa lâta pua ha pi ta, Eima kiapâh liata a ypazy ta miah pahneisao ei ta, Miah ama reipachhie.

CHAPHÔHTUNA 2:15

Lâpi liata châ chapiapa zydua ta Ama ku ama cha chabaih chie; Zerusale sawchanô cha hmaotô chiepa ta ama luh chahuah chie ei ta, “He he khihpi chhithai pakipa, Khizaw zydua a palysapa khihpi, Ama tah tyhpa kha châ vei ma?” ama tah.

DÂNIAH 4:37

Chavâta tahmâ, kei, Nebukaneza ta avâ Beipa cha reithai na ta, palyupalihpa ta, ei parônahsa. Avâ Beipa cha a hmotaopa zydua a do ta, a lâpizy sia ta, a palaipazy a panawh theipa a châ.

RYHPACHANEINA 20:5

Cha khai tawhta hyutuhpazy ta zawpi hnohta bie reih aw ei ta, ama hnohta, ‘O thiehpa sa ta a hlâ mâh leipa nama y ma? Kua sala a o lâ a di mawh sy. Chataleipatala adyuhna liata thi pathlei aw ta, chyhsa hropa ta a o cha a to pathlei aw.