HLAZY 29:2 - Mara Bible RV (BSI)

² Abeipa cha a moh rônahna patosa u la, Abeipa cha pathaihna nata angiana ta a chhy muh vy.

HLAZY 29:2 ပူးပေါင်းရင်းမြစ်များ

2 THÂTIHZYRONA 20:21

Zawpi a pasyu khai nahta, pheisaihzy hmia lâta siepa ta, Abeipa lâta hla sa ta, “Abeipa hnohta alyna bie reih teh u, A zawngiahna chhâzaw ta y tlôh ta,” tahpa ta, Abeipa pathaihna rônahzie a reithai awpazy a rao ei.

HLAZY 110:3

Hrâ na sie noh ta, Âmo lôhthai ta na phopi châ vaw hlâ aw ei ta; Pathaihna nata rônahna ta a tobipa ta, My diati tlapa hawhta, Na thyutliazy tha thiehpa ta nâ lâ amâ vy aw.

HLAZY 27:4

Abeipa liata hmo miakha hiah na ta, Cha hmo cha khâ ei tlua aw; Cha cha ei hro chhôh noh zydua liata Abeipa o liata pahrâ ta, Abeipa angianazie sai ta, Achhyna o liata thlahchhâ awpa a châ.

HLAZY 90:17

Abeipa eima Khazohpa khokheina eima chô liata y sala, Eima ku raihria eima chô liata pa-i mawh sy. A châ na, eima ku raihria pa-i mah y.

HLAZY 96:6

A hmiakô liata rônahna nata abeina y ta, A supathaihpa liata thatlôna chhithaina a y.

HLAZY 97:9

Hy Abeipa, nâ cha alei chô zydua liata chônôchaipa châ chi ta, Khazoh zydua chô lâta cheihchalopa na châ.

ZEREMIAH 13:16

Abeipa ta zohna vaw patlôsapa ta, Tlâhpizy chô liata a zoh chy ta nama phei â chapia hlâta, Khaihna na hnabeiseihpa cha zohmyhna lâta pachâsapa ta, Zoh kaluhna lâta a pachâsa hlâta, Abeipa nama Khazohpa cha palyupalih teh u.