HLAZY 28:7 - Mara Bible RV (BSI)

⁷ Abeipa cha ei thatlôna nata ei vyhphao châ ta, Ei palôh ta ano cha ngâ ta, eina bao tyh; Ei palôh a ly kaw ta, Reithaina hla ano lâ ei hlâ tyh.

HLAZY 28:7 ပူးပေါင်းရင်းမြစ်များ

ÂTHAONA 15:1

Cha khai tawhta Abeipa bie cha aluahna ta Abarâ hnohta vaw tlô ta, “Abarâ, chi khah y, Na vyhphao châ na ta, Na lymâ rônah ngaitapa ei châ,” tah ta.

HLAZY 13:5

Châhrasala kei la na ngâchhihna ngâ na ta, Na pachhana liata ei palôh â ly aw.

HLAZY 13:6

Abeipa cha ei chô liata a pha ngaitapa vâta, Ano lâ hla ei sa aw.

HLAZY 19:14

Hy Abeipa, ei lôpanô nata nâ chatlaituhpa y, Ei pakah tawhta bie a puapa nata ei palôh liata pachâna a ypazy he, Na mohmô liata a pyh tlâh châ mawh sy.

HLAZY 21:1

Hy Abeipa, abei cha na thatlôna liata a ly ta, Na pachhana liata a thapha kaw dia!

HLAZY 22:4

Miah pathlatuhzy ta cha ngâ ei ta, Cha ngâ ei ta, na pachha ei.

HLAZY 28:8

Abeipa cha a chyhsazy thatlôna châ ta, A sathawthupa châta pachhana thokhy a châ.

HLAZY 3:3

Châhrasala Hy Abeipa, Nâ cha ei vyhphao châ chi ta, Ei rônahna nata ei luh nâ chalotuhpa na châ.

HLAZY 3:4

A paropa ta Abeipa aw na ta, A tlâh pathaihpa tawhta einâ vaw chhy. Selah

HLAZY 33:21

A moh pathaihpa eima ngâpa vâta, Ano liata eima palôh â ly.

HLAZY 37:39

Mosiapazy pachhana cha Abeipa tawhta châ ta, Nôpona daihti liata ama thokhy a châ.

HLAZY 40:3

Hla thiehpa ei pakah liata soh ta, Eima Khazohpa reithaina hla cha; Chyhsa hluhpi ta hmôpa ta chi aw ei ta, Abeipa liata ngâna ama pahnieh aw.

HLAZY 43:2

Nâ cha ei bohna Khazohpa châ tlôh chi ta, Khazia eina dytha chi tly? Chariahpa tlybaina vâta, Khazia mâchhiesapa ta ei khie aw tly?

HLAZY 46:1

Khazohpa cha eimâ bohna nata thatlôna châ ta, Nôpona daihti liata baotuhpa a hnia thlâh hapa a châ.

HLAZY 46:2

Chavâta leilô he a vaw nanopa ta, Tlâhzy tilaipi chhôh lâ a pasie hra sala, Chi aw ma pi.

HLAZY 69:30

Khazohpa moh cha hla ta reithai aw na ta, Alyna bie reipa ta ano cha ei palyupalih aw.

HLAZY 84:11

Zehôvâh Khazohpa cha noh nata vyhphao châ ta, Abeipa cha khokheina nata palyupalihna a pietuhpa a châ. Âdopa ta a ypazy châta cha, Hmo phapa thlyu aw vei.

HLAZY 91:4

A mathlaw hmi ta cha khu aw ta, A mathlaw ry liata achhaina na hmô aw; A ngâchhihna cha vyhphao nata thokhy a châ.

ISAI 12:2

Moh teh u, Khazohpa cha ei pachhana châ ta, Ano cha ngâ aw na ta, chi aw va na. Abeipa, Abeipa tlai cha ei tha­tlôna nata ei hla châ ta, Ano cha ei pachhana a châ.”

ISAI 45:24

Hetana heta ei thâtih ama reih aw: ‘Abeipa lia deita ta pahniena y ta, Ano lia deita ta thatlôna a y; Chyhsazy ano lâ a vy aw ei ta, A chô liata a ru a chhôpa zydua cha, Maophyuhpa ta ama y aw.

ISAI 61:10

Myuhneituhpa ta theihthaipa hawhta a luh a tobi ta, Myuh ta lôsôhpazy ta â tobipa hawhta; Abeipa ta pachhana chysiazy ta na tobi ta, Siana poh eina pabu; Chavâta Abeipa liata thapha ngaitapa ta y aw na ta, Ei Khazohpa liata ei hro â ly ngaita aw.

EPHESI 6:10

A chhâ chaina ta cha, Abeipa nata a thatlôna liata thatlôpa ta y teh u.

BIEPHUAH 15:3

Khazohpa chakaotuhpa Mawsi hla nata Mietakutaw hlazy hetana heta ama sa: “Hy Atotaotheipa Abeipa Khazohpa, Na hmotaopazy rônah ta, Noâh â chhih kaw dia! Hy phopizy Beichaipa, Na lâpizy sia ta, Â do kaw dia!

BIEPHUAH 5:9

Chatawhcha âmo chata, “Nâ cha châbu chatypa a la tlâhpa châ chi ta, A chahnaonazy a pathlâ tlâhpa na châ. Thiepa ta y chi ta, Na thisaih ta, Chi to nata reih to, Phopi to nata râh to zy cha, Khazohpa châta na chatlai ha ei.