HLAZY 28:4 - Mara Bible RV (BSI)

⁴ Ama hriapa lymâ hawhta âmo cha pie la, Moleina hmo ama taopa lymâ hawhta âmo cha thô mah y; Ama ku raihria lymâ hawhta âmo cha thô la, Ama lymâ dao awpa pie mah y.

HLAZY 28:4 ပူးပေါင်းရင်းမြစ်များ

2 SAMUELA 3:39

Abei châta sathawthupa châ hra aw sah la, tanoh la ei vaw nainyu khai ha na. He chyhsazy, he Zeru sawchapawzy he ei chô liata ama chahraochatôh tu haw. Hmo pha leipa a taopa cha, a hmotaozie lymâ hawhta Abeipa ta viari a thô aw” tah ta.

EZRÂ 9:13

Eima chô liata hmo tlôpazy he moleina hmo eima taopazy nata eima thaileichâna lai ngaitapazy vâta a châ. Chatanachôta Hy eima Khazohpa y, eima moleina nata â phuhpa hlâta a nai viapa ta miah hrie chi ta, he hawhta laibâhpazy miah na pahlôh.

HLAZY 103:10

Eima moleinazy hawhta eima chô liata tao leipa ta, Eima paraonazy hawhta viari miah thô vei.

HLAZY 21:10

Ama pathlazy alei tawhta pahleipadia aw chi ta, Ama chizy chyhsa sawzy tawhta na pahleipadia khai aw.

HLAZY 5:10

Hy Khazohpa, âmo cha thaileichâpa ta phuah la, Ama ryhraona tlai ta pao ei sala, Ama moleina hluhpi vâta âmo cha thy ha mah y, Nâma châ dyuhpa ama châ hih.

HLAZY 62:12

Hy Abeipa, ngâchhihna cha nâma eih a châ. Chyhsa to ama hmotaopa lymâ hawhta na thô tyh.

CHAPHÔHTUNA 3:64

“Hy Abeipa, âmo cha viari thô la, Ama ku hmotaopa lymâ hawhta viari thô mah y;

EZEKIA 38:10

“Abeipa Zehôvâh ta hetana heta a tah: Cha noh liata, na palôh liata pachâna a vaw ngia aw ta, hmo pha leipa pachâhpadypa ta,

RAWMA 11:22

Chavâta Khazohpa phazie nata chichhihzie he pachâ mah y. A paopazy châta chichhihpa châ ta, nâma châta deikua cha, a phana liata na y thlâh ha khiahta cha, Khazoh phapa a châ. Chataleipatala nâ chhao chhawh pathlahpa na châ aw.

2 TIMAWTHY 4:14

Dawh leih thaipa Alezandâ kha thata nâ pasasapa a châ. Abeipa ta a hmotaopazy lymâ hawhta viari a thô aw.

BIEPHUAH 18:6

Chyhsazy viari a thô tyhpa hawhta, Ano chhao viarithô u la, A hmotaopazy a lie no ta viarithô teh u; A do awpa pahlaona nyu cha, A lie no ta pahlaopa teh u.

BIEPHUAH 22:12

Abeipa Zisu ta,“Nathlie teh, ei vy patoh aw. Chyhsa to ama hmotaopa lymâ hawhta pie awpa lymâ ei hnohta a y.