“Hy Abeipa, na hmiakô liata ngâchhihpa nata palôh phao phapakipa ei hnei tyhzie nata na mohmô liata hmo phapa ei tao tyhzie zy kha, ngiachhiepa ta a thei thlâh ha mah y,” tah ta. Hezekia cha thata cha ta.
Chatanachata keimo hmia khu leipa ta a ypa zydua pi heta Abeipa rônahna cha palâsa pi ta, rônahna tawhta rônah via rilipa ta, Abeipa rônahna lyuna lâta pananopa ta eima y lymâ. Cha cha Abeipa tawhta eima hmôpa châ ta, Abeipa cha Thlahpa a châ.
Eima Beipa Zisu Krista ngiachhiena cha, ano dyhchhiena vâta nâmo nama hneirôh thei nawpa ta, hneirôhpa a châpa chhao ta nâmo vâta dyhchhiepa ta â taona liata nama pahno.
Khaihna liata eima y khiahta deikua cha, ano cha khaihna liata a ypa hawhta, a kao raihrie thei pi ta, a Sawchapawpa Zisu thisaih ta eima moleina zydua tawhta miah a pathaisa tyh.
Kho ngaitapa y, moleina hâ a la leipa la, hmo phapa hâ a la mah y. Hmo pha a taotuhpa cha Khazohpa tawhtapa châ ta, moleina hmo a taotuhpa cha Khazohpa a hmô leipa a châ.