HLAZY 26:11 - Mara Bible RV (BSI)

¹¹ Kei deikua cha, ei dona ta hroh aw na ta, Na chatlai la, na ngiachhie mah y.

HLAZY 26:11 ပူးပေါင်းရင်းမြစ်များ

NEHEMIAH 13:14

Hy ei Khazohpa, he kyh liana heta nâ thei thlâh ha la, ei Khazohpa o nata a chakaona châta ei hmotao phapazy he pahlei khah y.

NEHEMIAH 13:22

Livai pathlazy cha a pathai ta, Pahânoh pathaisa awpa ta, chhikaozy cha vaih awpa ta biepie ei na ta. Hy Khazohpa y, he kyh liana chhao heta nâ thei thlâh ha la, na zawngiahna hluh ngaitapa vâta rie na pahlôh mah y.

NEHEMIAH 13:31

Daihti raopa liata tho hlâna nata thei hmiatuapa hlânazy châta â ngiahpazy chhao ei pie ei. Hy ei Khazohpa, hmopha ei taopazy vâna heta nâ thei thlâh ha mah y.

NEHEMIAH 5:15

Kei hlâta a vaw y tuapa râhvaotuhpazy khata zawpi chô liata phaohri thata pavi ei ta, noh chareih ta ama nie awpa pati nata kresawhti hleikhô ta, tâkâ sekel sypalih ama pacheisa tyh. Ama chakaotuhpazy taihta zawpi chô liata amâ pabeisa ngaita. Kei deikua cha, Khazohpa ei chipa vâta, cha hawhta tao va na.

ZAWBÂ 1:1

Uzi râh liata chyhsa pakha, a moh Zawbâ ama tahpa y ta. Cha chyhsa cha seina hnei leipa, chyhsa dopa, Khazohpa a chipa nata moleina a heihsaipa chyhsa a châ.

HLAZY 101:2

Phapakipa ta hro ei chhuah aw, Khati ta kei lâ nâ vy aw? Palôh dopa phaopa ta, Ei o liata ei vaw y aw.

HLAZY 26:1

Hy Abeipa, ei dona hrokhei na ta, Tleisai leipa ta Abeipa ei ngâ hapa vâta, Thai na pachâsa mah y.

HLAZY 49:15

Kei deikua cha ei hrona he, Khazohpa ta Athihkhih hmotaotheina tawhta chatlai aw ta, Ano ta eina vaw dy aw. Selah

HLAZY 49:7

Chyhsapa ta chyhsa hropa chatlai thei leipa ta, A hrona ty Khazohpa hnohta pie khai thei hra vei.

HLAZY 69:18

Nâ vaw hniapa ta ei thlahpa chatlai la, Ei chariahpazy vâta na pachha mah y!

ISAI 38:3

“Hy Abeipa, na hmiakô liata ngâchhihpa nata palôh phao phapakipa ei hnei tyhzie nata na mohmô liata hmo phapa ei tao tyhzie zy kha ngiachhiepa ta a thei thlâh ha mah y,” tah ta. Hezekia cha thata cha ta.

LUKA 1:6

Ama pano ta Khazohpa hmiakô liata chyhsa siapa châ ei ta, Abeipa biepiepa nata bieraopa zydua liata seina hnei leipa ta a zyh lymâpa ama châ.

1 THYSALAWNIKA 2:10

Nâmo cha ngiapâtuhpazy chô liata pathaihpa nata siapa nata seina hnei leipa ta eima y tyhzie miah pahnokheituhpazy nama châ. Khazohpa chhao ta miah a pahnokhei.

TITU 2:14

Ano cha paraona zydua tawhta miah chatlaituhpa châ ta, hmo pha taona kyh liata phahnai a ngiahpa, a ryuto phopi châta miah pathaisa awpa ta, anosasyh ta keimo châta a hlâpa a châ.