HLAZY 26:1 - Mara Bible RV (BSI)

¹ Hy Abeipa, ei dona hrokhei na ta, Tleisai leipa ta Abeipa ei ngâ hapa vâta, Thai na pachâsa mah y.

HLAZY 26:1 ပူးပေါင်းရင်းမြစ်များ

2 ABEIZY 20:3

“Hy Abeipa, na hmiakô liata ngâchhihpa nata palôh phao phapakipa ei hnei tyhzie nata na mohmô liata hmo phapa ei tao tyhzie zy kha, ngiachhiepa ta a thei thlâh ha mah y,” tah ta. Hezekia cha thata cha ta.

ZAWBÂ 2:3

Abeipa chata Sâtâ hnohta, “Nâ chakaotuhpa Zawbâ thâtih na pachâ beih ma? Alei chô liata ano hawhpa rai y veih ei. Ano cha seina hnei leipa, chyhsa dopa, Khazohpa a chipa nata moleina a heihsaipa a châ. A chhâpa y leipa ta ano cha pahleipadia awpa ta na pasyu chi ta, châhrasala â dona cha â ipa ta khâ a patu,” tah ta.

ZAWBÂ 4:6

Na Khazohpa china cha na ngâhna châ tyh vei ma? Na lâpi dopazy cha na hnabeiseihna châ tyh vei ma?

HLAZY 121:3

Ano ta na phei a chapia awpa pasaih leipa aw ta, Châ vaituhpa cha tlauah aw vei.

HLAZY 15:2

Seina hnei leipa ta hmo dopa a taopa, A palôh liata biedopa a reihpa;

HLAZY 21:7

Abei ta Abeipa cha ngâ ta, Chônôchaipa zawngiahna vâta a chalyu aw vei.

HLAZY 25:2

Hy ei Khazohpa, nâ ei cha ngâ. Maophyuhpa ta na paysa leipa la, Ei chariahpazy ta eina pahnie awpa ei pasaih khah y.

HLAZY 25:21

Nâma châ hâpa ei châpa vâta, Adona nata ngâchhihna ta na pabohsa mawh sy.

HLAZY 26:11

Kei deikua cha, ei dona ta hroh aw na ta, Na chatlai la, na ngiachhie mah y.

HLAZY 28:7

Abeipa cha ei thatlôna nata ei vyhphao châ ta, Ei palôh ta ano cha ngâ ta, eina bao tyh; Ei palôh a ly kaw ta, Reithaina hla ano lâ ei hlâ tyh.

HLAZY 31:14

Châhrasala Hy Abeipa, nâma cha ngâ na ta, “Ei Khazohpa na châ,” ei tah.

HLAZY 35:24

Hy Abeipa, ei Khazohpa, Na sianazie lymâ hawhta thai na pachâsa la, Ei chhiena liata amâ ly awpa pasaih khah y!

HLAZY 37:31

A Khazohpa ryhpa cha a palôh liata y ta, A siena liata a tai aw vei.

HLAZY 4:5

Atheihna dopazy hlâ u la, Abeipa liata nama ngâna pahnieh muh vy.

HLAZY 43:1

Hy Khazohpa, nâ duakhei la, Thai na pachâsa mah y! Khazohpa a pachâ leipazy tawhta na pachha la, Dôvei hmâhpa nata chyhsa doleipa tawhta na pachha mah y!

HLAZY 54:1

Hy Khazohpa, na moh ta na pachha la, Na thatlôna ta thai na pachâsa mah y.

HLAZY 62:2

Ano deita cha ei lôpanô nata ei pachhana châ ta, Ei thokhy châ ta, A chalyu beih aw va na.

HLAZY 62:6

Ano deita cha ei lôpanô nata ei pachhana châ ta, Ei thokhy châ ta, a chalyu beih aw va na.

HLAZY 7:8

Abeipa ta phopizy pachia ta, Hy Abeipa, ei sianazie hawhta na pachia la, Hy Chônôchaipa, ei dona hawhta na pachia mah y.

HLAZY 94:18

Ei phei a hluah ha khiah ma ei tah nota, Hy Abeipa, na kyhpachâna tleih beih leipa ta eina pathyu heih tyh.

BIESOZY 20:7

Mosiapa cha â dona hrokhei lymâ ta, A vaw pazi awpa a pathlazy thlaochhipa ta ama y aw.

BIESOZY 29:25

Chyhsapa cha a china ta anosasy khoheih a chôkhâh ta, Abeipa a ngâtuhpa deikua cha â boh aw.

2 KAWRINI 1:12

He he eimâ palaikhei: Khizaw sona ta châ leipa ta, Khazohpa ngiachhiena vâta, he khizaw liata nata nâmo liata pathaihna nata Khazohpa liata adona ta eima hro tyhpa kha, eima chhie na pha pahnona ta miah a pahnokhei.

HEBRAI 10:23

Eima hnabeiseihna palâhâhna cha, a zawvaw leipa ta khâchâ patu ei suh u, bie â taihtuhpa cha ngâchhihpa châ tlôh ta.

1 PITY 1:5

Daihti hnôhchaipa liata palâhâh awpa ta a mâ chiehpa ta a ypa ngiapâna vâta pachhana nama hmô thei nawpa ta, Khazohpa hmotaotheina ta vaipa nama châ.

2 PITY 1:10

Chavâta unawh saih u, a cha awna ei nata a châ tlyhna ei cha, pa-i awpa ta tiama papua rili teh u. Chazy nama tao khiahta cha pao beih aw veih ei chi.

1 SAMUELA 2:9

“A chyhsa ngâchhihpazy phei vaih aw ta, Moleipazy deikua cha zohna liata chhawh pathlahpa ama châ aw; Thatlôna vâta chyhsa a duah veih ei.

1 SAMUELA 24:15

Chavâta Abeipa ta nâma nata keima likah pachia sala, bietluna tao mawh sy. Hmo yzie moh sala, ei chhâh a châ sala, na ku tawhta na pachha mawh sy,” tah ta.